O‘zbekiston respublikasi sog‘liqni saqlash vazirligi toshkent farmatsevtika instituti

3-bob. Yo‘q qilish tartibi 
15.  Qo‘llash  uchun  yaroqsiz  dori  vositalari  va  tibbiy  buyumlarni  yo‘q  qilish  «Aholining 
sanitariya-epidemiologik  osoyishtaligi  to‘g‘risida», «Ekologik  nazorat  to‘g‘risida»  hamda 
«CHiqindilar to‘g‘risida»gi O‘zbekiston Respublikasi qonun hujjatlari talablariga amal qilgan holda 
amalga oshiriladi. 
16. Qo‘llash uchun yaroqsiz dori vositalari va tibbiy buyumlarni yo‘q qilish uchun ularning 
egasining,  tuman  (shahar)  hududiy  tabiatni  muhofaza  qilish  inspeksiyasi,  tuman  (shahar)  davlat 
sanitariya-epidemiologiya  nazorati  markazi  vakillari,  shuningdek  O‘zbekiston  Respublikasi 

---

169 
 
Sog‘liqni  saqlash  vazirligining  Dori  vositalari  va  tibbiy  texnika  sifatini  nazorat  qilish  bosh 
boshqarmasi  (keyingi  o‘rinlarda  Bosh  boshqarma  deb  ataladi)  vakillari  ishtirokida  besh  kishidan 
kam bo‘lmagan tarkibda yo‘q qilish komissiyasi (keyingi o‘rinlarda Komissiya deb ataladi) tuziladi.  
Komissiya ishlarini tashkil etish qo‘llashga yaroqsiz dori vositalari va tibbiy buyumlarning 
egasi tomonidan amalga oshiriladi. 
17.  Komissiya  dori  vositalari  va  tibbiy  buyumlarning  atrof  muhit  uchun  bezararligi, 
mazkur  Nizomning 
1-ilovasiga
  muvofiq  shakl  bo‘yicha  ularning  fizik-kimyoviy  mutanosibligini 
e’tiborga olgan holda ularni yo‘q qilish sanasi, usuli va joyini belgilash haqida qaror chiqaradi. 
18. Yo‘q qilinishi lozim bo‘lgan dori vositalari va tibbiy buyumlarni yo‘q qilingunga qadar 
saqlash uchun javobgarlik qo‘llash uchun yaroqsiz bo‘lgan dori vositalari va tibbiy buyumlar egasi 
hisoblangan tashkilot zimmasiga yuklanadi. 
Dori vositalari va tibbiy buyumlarni egasi hisoblangan tashkilot rahbarining buyrug‘i bilan 
moddiy  javobgar  shaxs  tayinlanadi,  buyruqda  javobgar  shaxsning  lavozimi,  familiyasi,  ismi  va 
otasining  ismi,  saqlashga  qoldirilgan  yo‘q  qilinishi  lozim  bo‘lgan  dori  vositalari  hamda  tibbiy 
buyumlarning nomlari va seriyalari, o‘ramlari soni (miqdori) ko‘rsatiladi.  
19. Qo‘llash uchun yaroqsiz dori vositalari va tibbiy buyumlarni yo‘q qilish dori vositalari 
va tibbiy buyumlarning egasi yoki uning vakili ishtirokida Komissiya tomonidan amalga oshiriladi.  
Yo‘q qilish jarayoni foto yoki videosuratga olinadi. 
20.  Qo‘llash  uchun  yaroqsiz  dori  vositalari  va  tibbiy  buyumlar  belgilangan  tartibda  yo‘q 
qilingandan  so‘ng  Komissiya  tomonidan  mazkur  Nizomning 
2-ilovasiga
  muvofiq  dalolatnoma 
tuziladi. 
21. Dalolatnoma quyidagi ma’lumotlarni o‘z ichiga olishi kerak: 
a) qo‘llash uchun yaroqsiz dori vositalari va tibbiy buyumlarni yo‘q qilish sanasi, vaqti va 
joyi; 
b)  qo‘llash  uchun  yaroqsiz  dori  vositalari  va  tibbiy  buyumlar  nomi  (seriya  raqami, 
yaroqlilik muddati, o‘ramlari soni, miqdori (ishlab chiqaruvchining nomi ko‘rsatilgan holda); 
v)  qo‘llash  uchun  yaroqsiz  dori  vositalari  va  tibbiy  buyumlar  egasi,  moddiy  javobgar 
shaxsning familiyasi, ismi, otasining ismi; 
g) Komissiyaning yo‘q qilish to‘g‘risidagi qarori; 
d) yo‘q qilish usuli; 
e) qo‘llash uchun yaroqsiz dori vositalari va tibbiy buyumlarni yo‘q qilishda ishtirok etgan 
Komissiya a’zolarining familiyasi, ismi, otasining ismi, ish joyi va lavozimi. 
22.  Yo‘q  qilish  jarayonidan  so‘ng  dalolatnoma  tuziladi,  u  Komissiya  a’zolari  tomonidan 
imzolanadi,  qo‘llash  uchun  yaroqsiz  dori  vositalari  va  tibbiy  buyumlarning  egasi  hisoblangan 
tashkilot rahbarining imzosi va muhri (agar muhr mavjud bo‘lsa) bilan tasdiqlanadi. 
23.  Dalolatnoma  nusxalari  dori  vositalari  va  tibbiy  buyumlar  egasiga,  Davlat  sanitariya-
epidemiologiya  nazorati  markaziga,  shuningdek  Bosh  boshqarma  vakiliga,  buyruq  va  Komissiya 
qarori nusxalari hamda foto yoki videomateriallar bilan birgalikda taqdim etiladi. 
24. Tergov ishlari yoki sud muhokamasi uchun dori vositalari va tibbiy buyum namunalari 
olingan taqdirda ular, saqlash muddatidan qat’i nazar, ko‘rib chiqish oxiriga etmagunga qadar yo‘q 
qilinmaydi. 
O‘ZBEKISTON RESPUBLIKASI VAZIRLAR MAHKAMASINING 
QARORI