O‘zbekiston Respublikasi soliq tizimi Reja

Soliqlarning minimallashuvi – bu soliq to‘lovchilarning iqtisodiy holatini yanada barqarorlashtirishga qaratilgan mexanizm
bo‘lib, iqtisodiyotning tarmoqlari uchun zarur bo‘lgan soliq tushumlarini soliq to‘lovlarining eng minimal hajmi orqali amalga oshirishga qaratiladi.

3. Soliq munosabatlarining ishtirokchilari

Bugungi kunda soliq munosabatlarining ishtirokchilari quyidagilar:

1. 
   Davlat soliq xizmati organlari – O‘zbekiston Respublikasi Davlat soliq qo‘mitasi, Qoraqalpog‘iston Respublikasi, viloyatlar va Toshkent shahar davlat soliq boshqarmalari, shuningdek, tumanlar, shaharlar va shahardagi tumanlar davlat soliq inspeksiyalari;
   
2. 
   bojxona organlari – O‘zbekiston Respublikasi Davlat bojxona qo‘mitasi, Davlat bojxona qo‘mitasining Qoraqalpog‘iston Respublikasi, viloyatlar, Toshkent shahri bo‘yicha boshqarmalari, bojxona komplekslari va bojxona postlari;
   
3. 
   moliya organlari – O‘zbekiston Respublikasi Moliya vazirligi, Qoraqalpog‘iston Respublikasi Moliya vazirligi, viloyatlar va Toshkent shahar hokimliklarining moliya boshqarmalari, tuman va shahar hokimliklarining moliya bo‘limlari;
   

4. boshqa majburiy to‘lovlarni undirish vazifasini amalga oshiruvchi davlat organlari va tashkilotlari.

Soliq to‘lovchilar – zimmasiga soliqlar va boshqa majburiy to‘lovlarni to‘lash majburiyati yuklatilgan jismoniy shaxslar, yuridik shaxslar va ularning alohida bo‘linmalaridir.
Soliqlar va yig‘imlar yig‘uvchilari – soliq to‘lovchilarga to‘lanadigan mablag‘lardan soliqlar va boshqa majburiy to‘lovlarni to‘g‘ri va o‘z vaqtida hisoblab chiqarishi, ushlab qolishi hamda byudjetga va davlat maqsadli jamg‘armalariga o‘tkazishi, soliq to‘lovchilarga to‘langan daromadlarning, ushlab qolingan hamda byudjetga va davlat maqsadli jamg‘armalariga o‘tkazilgan soliqlar va boshqa majburiy to‘lovlarning hisobini yuritishi, shu jumladan har bir soliq to‘lovchi bo‘yicha alohida-alohida hisob yuritishini ta’minlovchi shaxslardir. Mazkur funksiyani O‘zbekiston Respublikasida soliq agentlari, banklar amalga oshiradilar. Qonun
hujjatlariga muvofiq soliq to‘lovchilar zimmasida boshqa majburiyatlar ham bo‘lishi va farq qilishi mumkin.