22612 “O‘zbekiston pochtasi” OAJ tarkibiy bo‘linmalari tomonidan amalga
oshiriladigan pul o‘tkazmalari va davriy nashrlarga obuna
Hisobvaraqning ta’rifi: “O‘zbekiston pochtasi” OAJ va uning tarkibiy bo‘linmalari
tomonidan amalga oshiriladigan pul o‘tkazmalari va davriy nashrlarga obuna hisobi olib
boriladi.
Hisobvaraqning kreditida o‘tkazma operatsiyalar va davriy nashrlarga obuna bo‘yicha
“O‘zbekiston pochtasi” OAJ tarkibiy bo‘linmalariga kelib tushgan naqd pul va naqd pulsiz
mablag‘lar aks ettiriladi.
Hisobvaraqning debetida belgilangan maqsad bo‘yicha o‘tkazilgan mablag‘lar,
shuningdek, “O‘zbekiston pochtasi” OAJ tarkibiy bo‘linmalariga madad puli sifatida berilgan
naqd pul mablag‘lari aks ettiriladi.
Tahliliy hisob operatsiya turi va “O‘zbekiston pochtasi” OAJning har bir tarkibiy
bo‘linmasi bo‘yicha alohida shaxsiy hisobvaraqlarda olib boriladi.
22613 Valyuta bozorida konvertatsiya qilish uchun mijozlarning zaxiralangan
mablag‘lari
Hisobvaraqning ta’rifi: valyuta bozorida konvertatsiya qilish uchun mijozlarning
so‘mdagi zaxiralangan maqsadli mablag‘lari hisobi olib boriladi.
Hisobvaraqning kreditida konvertatsiya uchun zaxiralangan, shuningdek, ilgari mazkur
hisobvaraqdan hisobdan chiqarilgan va belgilangan muddatda maqsadi bo‘yicha konvertatsiya
qilinmay qolgan so‘mdagi mablag‘larning kelib tushgan summasi aks ettiriladi. Hisobvaraqning
debetida Valyuta birjasi hisobvarag‘iga konvertatsiya uchun yo‘naltirilgan, shuningdek,
maqsadi bo‘yicha foydalanilmay qolgan so‘mdagi mablag‘larning belgilangan tartibda hisobdan
chiqarilgan summasi aks ettiriladi.
Tahliliy hisob har bir mijoz bo‘yicha alohida shaxsiy hisobvaraqlarda olib boriladi.
Do'stlaringiz bilan baham: |