O`zbekiston respublikasi

bulay, ani, qil-kel, tug`an, qart; turam, ko`ram, qo`rqdm, sanami, suya ko`r, bilalar, 
yozarg`a, zo`r (zo`r kitob) va boshqalar uchraydi. 
Uning  asarlarida  anchagina  ruscha  so`zlar  va  butil  orqali  o`zlashgan 
ruscha-baynalmilal  so`zlar  uchraydi.  Bu  so`zlarning  ko`pchiligi  rus  tilidagi  shaklida, 
ayrimlari fonetik jihatdan o`zgargan holda ishlatilgan: stantsiya, poezd, vagon, belat, 
izvosh,  semafor,  starshiy,  paliska,  vekseya,  gostinitsa,  militsiya,  odiyal,  banka, 
gubernator,  pechat’,  protes,  zakon,  voenn’sh,  sud,  papka,  vintovka,  oryol  va  boshqa 
shaklda. 
Hamza  asarlarida  dialektizmlar  ko`pincha  asarda  tasvirlangan  voqea-
hodisalarni xaqqoniy ko`rsatish uchun, personajlar nutqini xususiylashtirishni nazarda 
tutib ishlatilgan. 
Hamza  asarlari  tilida  uchraydigan  dialektizmlarning  ko`pchiligi  Farg`ona 

---

 
151 
tipidagi qarluq lahjasiga taalluqli dialektizmlardir (Qo`qon, Marg`ilon, Vodil). 
Masalan:  Baqa  //  baqqa  —  bu  yoqqa,  tunov  kun  -  o`tgan  kun,  ayag`  - 
oyoq,  buvi  —  ona,  aya  —  ona  (xola),  chimaliq  —  toshk.  go`shanga,  vaj  -  narsa, 
uzog` yili - o`tgan yili, ozg`urish - yo`ldan urish va boshqalar. 
Hamza  dramatik  asarlarining  til  xususiyatlariga  diqqat  qilinganda,  ularning 
tili badiiy  ifodalarga boy,  har bir personaj qaysi tabaqaga  mansub  ekanligiga  qarab, 
o`ziga  xos  so`zlari  bilan  gaplashishi,  xalq  maqollari,  hikmatli  so`zlari  va  ixcham 
frazeologik iboralar juda o`rinli ishlatilgaligi ko`rinadi. 
Hamza  asarlari  til  xususiyatlarini  hozirgi  zamon  o`zbek  adabiy  tili  bilan 
solishtirsak, ayrim fonetik va morfologik farqlarni ko`ramiz. 
Fonetik  farqlar:  1.  e>a:  yatim,  sanchalik,  savgi,  ban  (men;  2.  o//a: 
dada//doda, bala//bola; Z.i>u: xotun; 4. h>y: iloyim, arvayiga (ilohim, arvohiga); 5. 
b>m: mundog` - (bunday); 6. h>g`: nag`al (nahal); 7. q>g`: tuyog`, tarog`; 8. So`z 
o`rtasida bir «r» tushadi: bek (berk). 
Morfologik  farqlar:  1.  Qaratqich  kelishigi  Hamza  asarlarida  deyarli 
uchramaydi, doimo ikkala kelishikda ham -ni qo`llanaveradi. Masalan: yakkaligingni 
hurmati, ota-onalaringni eslab. Qaratqich kelishigi ba`zan -di, -ti, -im shaklida ham 
ishlatilgan. Gapda uchini chiqarib qo`ydi. Bizim yangi turmushimiz. 
2.Jo`nalish  kelishigi  -ga,  -ka,  -qa,  -g`a,  -a  shaklida  qo`llanadi.  Donoga 
ishorat, lodonga juvolduz , tilakka, Kima, so`ylashga kabi. 
3.  CHiqish  kelishigi  -dan,  -din  shaklida  qo`llangan.  Xotin-qizlardan, 
sendin, nahridin. 
4.  Hozirgi-kelasi  zamon  fe`lining  bo`lishsiz  shakli  -mi  tarzida  uchraydi: 
tur+mi+y+man - turmayman.  
5.  Ba`zan  buyruq-istak  maylining  2  shaxs  birlik  shakli  -gin  o`rnida  eski 
o`zbek  tilndagi  -gil  (-g`il,  -qil,  -qil)  shakli  ishlatilgan.  eshitgil,  turg`il,  kelgil, 
bo`lmagil, o`ldirg`il kabi. 
6.  Ravishdoshning  -b  (-ib,  -ub)  shakliga  -on  affiksi qo`shilishi  bilan xosil 

---

 
152 
bo`lgan -ibon, -ubon shakllari uchraydi. 
Kelurga kunduzi andisha qilsa shum raqiblardin,  
Qilubon asr ila yo shomu xufton bir kelib ketsun;  
Vaqtning g`animatin ko`rib, tashladim o`zimni ko`ndalang,  Xurkdi 
jallodni tortibon, to`xtadi toy topir-tupur. 
7.  Hamzaning  «Paranji  sirlaridan  bir  lavha  yoki  yallachilar  ishi»  asari 
Farg`ona  shevalarida  qo`llanadigan  qanqimoq  —  izg`imoq,  sanqib  yurmoq  va 
qimsinmoq  -uyalmoq,  tortinmoq  fe`llari  ham  uchragan.  Sizning  tor  ko`chalaringizda 
shayton qanqiydi;  Mening  otam  u  sen  aytgan  SHodiboy...  maski,  shaharma-shahar 
qanqib  yursa;  Koshki  siz  bundog`  salovorlik,  qimsinib  o`tiradirgan  yigitlardan 
bo`lsangiz. Qiyoslang, Navoiyda: 
Uzoringni ocharg`a qimsanurmen,  
Vale el ko`rmagiga qizg`anurmen. 
8.  Jonli  tilga  xos  halizamon  (toj.  hamin  zamon)  -  hozir,  bir  ozdan  keyin; 
bot - tez; g`ira-shira - oz, bir oz ravishlari ham ishlatilgan. 
Hamza    asarlarining    (xususan,      she`rlarining)      sintaksisi    sodda    bo`lib,  
unda  asosiy      o`rinni      qisqa,      ixcham      jumlalar      egallaydi.      Murakkab    qo`shma  
gaplar    uning  she`rlarida      juda      kam      uchraydi.      Murakkab      fikrni      ifodalash   
zaruriyati      tug`ilib  qolganda,  Hamza  gapni  ikki  mustaqil  qismga  bo`lib, 
bog`lovchisiz qo`shma gap tarzida beradi, she`rlarda esa ikki mustaqil qismga bo`lib 
yuboradi. Masalan:  
O`qisin qizlarimiz,  
Ochilsin ko`zlarimiz,  
Xizmat qilsin joriyalar,  
YAshasin millat. («Pushti gul», 1916). 
Bu  to`rt  misrali  bandda  qisqa,  ixcham,  bosh  bo`laklardan  iborat  to`rtta 
mustaqil  sodda  gap  bor.  Bu  she`riy  parchaga  diqqat  bilan  qarasak,  u  serhasham 

---

 
153 
sifatlashlarni  ishlatmagani,  doim  fikriy  aniqlikka  intilgani,  jonli  so`zlashuv  tilining 
tuganmas manbalaridan ijodiy oziqlangani yaqqol ko`rinadi. 
Hamzaning  mohir  so`z  san`atkori  sifatida  o`zbek  adabiy  tilining 
rivojlanishiga qo`shgan katta ulushi quyidagilardan iborat: 
1. Hamza ijodining ilk davri (1905-1917 yillar)da an`anaga ko`ra davom etib 
kelayotgan  eski  o`zbek  adabiy  tili  jonli  so`zlashuv  tilidan  anchagina  uzoqlashib 
qolgan edi. Hamza o`zining deyarli hamma asarlarini jonli so`zlashuv tili (markaziy 
shaxar  shevalari)  negizida  yozib,  shakllanayotgan  o`zbek  milliy-adabiy  tilini  shu 
asosda boyitdi. 
2.  Bu  davr  matbuot  tili  «Umumturk  tili»  nomi  bilan  ataluvchi  turkizm, 
tatarizm,  arabizm  va  rusizm  unsurlari  bilan  to`lib-toshgan  qurama  adabiy  til 
bo`lgan.  Hamza  bunga  qarshi  o`z  asarlarida  xalq  og`zaki  ijodi  xazinalaridan  ijodiy 
foydalangan  holda,  asarlarining  tilini  «Elimizning  tushunuviga  o`ng`ay  bo`lsin 
uchun», uni jonli so`zlashuv tiliga yaqinlashtirdi va katta muvaffaqiyat qozondi. 
3. O`zbek tiliga kirib kelgan yangi so`z, so`z shakllari va atamalarni badiiy 
adabiyotga olib kirdi, ularni keng ko`lamda qo`lladi, o`zi ham yangi so`zlar yaratdi.