O‘zbekiston respublikasining iqtisodiy protsessual kodeksi I bo‘lim. Umumiy qoidalar 1-bob. Asosiy qoidalar
-modda. Bankrotlik to‘g‘risidagi ishlar
Download 1.47 Mb. Pdf ko'rish
|
Iqtisodiy protsessual kodeksi
- Bu sahifa navigatsiya:
- 28-modda. Hakamlik muhokamasi bilan bog‘liq ishlar
|
27-modda. Bankrotlik to‘g‘risidagi ishlar
Bankrotlik to‘g‘risidagi ishlar jumlasiga yuridik shaxslarni hamda yuridik shaxs tashkil etmagan holda tadbirkorlik faoliyatini amalga oshirayotgan va qonunda belgilangan tartibda yakka tartibdagi tadbirkor maqomini olgan fuqarolarni, shuningdek pul majburiyatlari bo‘yicha kreditorlarning talablarini qanoatlantirishga va (yoki) majburiy to‘lovlar bo‘yicha o‘z majburiyatini bajarishga qodir bo‘lmagan, yakka tartibdagi tadbirkor maqomini yo‘qotgan jismoniy shaxslarni, agar pul majburiyatlari va majburiy to‘lovlar bo‘yicha majburiyatlar ularning avvalgi tadbirkorlik faoliyatidan kelib chiqqan bo‘lsa, bankrot deb topish to‘g‘risidagi ishlar kiradi. LexUZ sharhi Qarang: O‘zbekiston Respublikasi “Bankrotlik to‘g‘risida”gi Qonunining 5 , 35 , 45-moddalari , mazkur Kodeksning 154-moddasi . LexUZ sharhi Qo‘shimcha ma’lumot uchun qarang: O‘zbekiston Respublikasi Oliy xo‘jalik sudi Plenumining 27.01.2006-yildagi “Bankrotlik to‘g‘risidagi qonun hujjatlarini iqtisodiy sudlar tomonidan qo‘llashning ayrim masalalari haqida”gi 142-sonli Qarori . 28-modda. Hakamlik muhokamasi bilan bog‘liq ishlar Hakamlik muhokamasi bilan bog‘liq bo‘lgan ishlar jumlasiga quyidagilar kiradi: 1) da’voni ta’minlash yuzasidan choralar ko‘rish to‘g‘risidagi arizalar bo‘yicha ishlar; LexUZ sharhi Qarang: mazkur Kodeks 37-moddasining uchinchi va to‘rtinchi qismlari . 2) hakamlik sudlarining hal qiluv qarorlari yuzasidan nizolashish haqidagi arizalar bo‘yicha ishlar; LexUZ sharhi Qarang: mazkur Kodeksning 223-moddasi , O‘zbekiston Respublikasi “Hakamlik sudlari to‘g‘risida”gi Qonunining 46-moddasi . 3) hakamlik sudlarining hal qiluv qarorlarini majburiy ijro etish uchun ijro varaqalari berish to‘g‘risidagi arizalar bo‘yicha ishlar. LexUZ sharhi Qarang: mazkur Kodeksning 228-moddasi , O‘zbekiston Respublikasi “Hakamlik sudlari to‘g‘risida”gi Qonunining 50 , 51-moddalari . Iqtisodiy sudlar ushbu moddaning birinchi qismida sanab o‘tilgan ishlarni ushbu Kodeksning 8 , 28 va 29-boblarida ko‘rsatilgan xususiyatlar bilan birgalikda iqtisodiy sud ishlarini yuritishning umumiy qoidalari bo‘yicha ko‘rib chiqadi. Download 1.47 Mb. Do'stlaringiz bilan baham: 
|