Oʻzbekiston respublikasining soliq kodeksi (Yangi tahriri) Oʻzbekiston Respublikasining

12-BOB. ORTIQCHA TOʻLANGAN VA ORTIQCHA 
UNDIRILGAN SOLIQLARNI HISOBGA 
OLISH HAMDA QAYTARISH 
103-modda. Ortiqcha toʻlangan va ortiqcha undirilgan soliqlarni 
hisobga olish hamda qaytarish toʻgʻrisidagi umumiy qoidalar 
104-modda. Ortiqcha toʻlangan soliqni hisobga 
olish yoki qaytarish tartibi 
105-modda. Ortiqcha undirilgan soliqni hisobga 
olish yoki qaytarish tartibi 
103-modda. Ortiqcha toʻlangan va ortiqcha undirilgan 
soliqlarni hisobga olish hamda qaytarish 
toʻgʻrisidagi umumiy qoidalar 

---

(1-q.)
Soliq toʻlovchi tomonidan ortiqcha toʻlangan yoki undan ortiqcha undirilgan soliq 
summasi soliq toʻlovchining qarzi boʻlmagan taqdirda shu soliq toʻlovchiga qaytarilishi yoxud 
ushbu soliq boʻyicha kelgusi toʻlovlar hisobiga hisobga olinishi lozim. 
(2-q.)
Soliq toʻlovchida soliq qarzi mavjud boʻlgan taqdirda, ortiqcha toʻlangan yoki 
ortiqcha undirilgan soliq summasi ushbu qarzni uzish hisobiga quyidagi ketma-ketlikda hisobga 
olinishi lozim: 
1) mazkur soliq turining penyasi boʻyicha qarz hisobiga; 
2) boshqa soliqlar va ularning penyalari boʻyicha qarzni uzish hisobiga; 
3) soliqqa oid huquqbuzarliklar uchun jarimalarni toʻlash hisobiga. 
(3-q.)
Ortiqcha toʻlangan soliq summasi soliq toʻlovchining arizasiga koʻra soliq toʻlovchiga 
toʻliq yoki qisman qaytarilishi mumkin. 
(4-q.)
Ushbu moddaning birinchi yoki ikkinchi qismiga muvofiq va uchinchi qismini 
hisobga olgan holda qaytarilishi lozim boʻlgan summani soliq toʻlovchiga qaytarish ushbu 
Kodeksning 104 va 105-moddalarida belgilangan tartibda amalga oshiriladi. 
(5-q.)
Soliqlarning ortiqcha toʻlangani ehtimolidan dalolat beruvchi faktlar aniqlangan 
taqdirda, soliq organining yoki soliq toʻlovchining taklifiga koʻra soliqlar, penyalar va jarimalar 
boʻyicha hisob-kitoblarni birgalikda oʻzaro solishtirish oʻtkazilishi mumkin. 
(6-q.)
Soliqning ortiqcha toʻlangan summalarini hamda hisoblangan foizlarini hisobga olish 
yoki qaytarish milliy valyutada amalga oshiriladi. 
(7-q.)
Ushbu bobda belgilangan qoidalar ortiqcha toʻlangan yoki ortiqcha undirilgan boʻnak 
va joriy toʻlovlar, yigʻimlar, penyalar va jarimalarning summalarini hisobga olishga yoki 
qaytarishga nisbatan ham qoʻllaniladi hamda soliq agentlari va yigʻimlarni toʻlovchilarga nisbatan 
ham tatbiq etiladi. 
(8-q.)
Ushbu bobda belgilangan qoidalar ortiqcha toʻlangan yoki ortiqcha undirilgan 
yigʻimlar, penyalar va jarimalar summalarini boshqa vakolatli organlar tomonidan hisobga olishga 
yoki qaytarishga nisbatan ham qoʻllaniladi. 
(9-q.)
Ushbu bobda belgilangan qoidalar soliq organining qaroriga koʻra oʻrni qoplanishi 
lozim boʻlgan qoʻshilgan qiymat soligʻi summasini hisobga olishga yoki qaytarishga nisbatan ham 
qoʻllaniladi. 
(10-q.)
Ushbu bobda belgilangan qoidalar notoʻgʻri toʻlangan soliq summasini, shuningdek 
penyalar va jarimalarni hisobga olishga yoki qaytarishga nisbatan ham qoʻllaniladi.