Otaliq
|
Аtaliq
|
Аталык
|
otasining o‘rnini bosmoq mazmunini beruvchi mansab. Dastlab Saljuqiylar sulolasi davrida (1038-1194) hukmdor e’tiborini qozongan kishilarga berilgan. Otaliqning vazifasi shahzoda yoki xonzodalarni tarbiyalash va ular ixtiyoridagi ulusni balog‘atga yetganlariga qadar boshqarishdan iborat bo‘lgan. Tarixda ba’zi otaliqlar hokimiyatni o‘z qo‘llariga olgan hollari ham bo‘lgan.Chunonchi Ashtarxoniylar sulolasi davrida(1601-1753) Balxda Mahmudbiy otaliq (XVIII asr boshlarida), Mang‘itlar sulolasi hukmronligi davrida (1753-1920) Buxoroda Muhammad Raxim otaliq (1753-1758) mana shunday yo‘l bilan hokimiyatni egallagan edilar.
|
Ponsad
|
Ponsad
|
Понсад
|
O‘rta Osiyo xonliklarida qo‘llanilgan harbiy unvon. Ponsad 500 kishidan iborat otryadga qo‘mondonlik qilgan. Qo‘qon xonligida mavjud bo‘lgan mansablar ichida 16-o‘rinda, harbiy unvonlar orasida esa mingboshidan keying o‘rinda turgan.
|
Qo’rchi
|
Qorchi
|
Корчи
|
Turkiy so‘z bo‘lib, “quroldor, qurolbardor” demakdir (qo‘r - qurol). XVII asrda Buxoro xonlarining boshqa mamlakatlardan keltirilgan qullardan iborat shaxsiy gvardiyasi qo‘rchi deyilgan. Keyingi asrlarda Buxoro amirligida qo‘rchi – o‘q-dori omborlarini qo‘riqlab turgan qorovul bo‘lgan.
|
Sarkor
|
Sarkor
|
Саркор
|
Qo‘qon xonligida inoq bilan birga xazinaga tushadigan mahsulotni saqlab turish vazifasini bajargan amaldor.
|
|
