Dori vositalari va tibbiy buyumlarni chakana realizatsiya qilish uchun litsenziya berish bo‘yicha hududiy komissiya to‘g‘risida - . Dori vositalari va tibbiy buyumlarini chakana realizatsiya qilish uchun litsenziya berish bo‘yicha hududiy komissiya (keyingi o‘rinlarda hududiy komissiya deb ataladi) Qoraqalpog‘iston Respublikasi Vazirlar Kengashi, viloyatlar va Toshkent shahri hokimliklari huzurida tashkil etiladi.
- Hududiy komissiya dori vositalari va tibbiy buyumlarni chakana realizatsiya qilish uchun litsenziya berish (amal qilish muddatini uzaytirish), amal qilishini to‘xtatib turish, to‘xtatish, uni bekor qilish va qayta rasmiylashtirish to‘g‘risida qaror qabul qiladi.
- 2. Hududiy komissiya o‘z faoliyatini O‘zbekiston Respublikasi Konstitutsiyasiga, O‘zbekiston Respublikasi qonunlariga, O‘zbekiston Respublikasi Oliy Majlisi palatalarining qarorlariga, O‘zbekiston Respublikasi Prezidentining farmonlari, qarorlari va farmoyishlariga, Vazirlar Mahkamasining qarorlari va farmoyishlariga, mazkur Nizomga va boshqa qonun hujjatlariga muvofiq amalga oshiradi.
- 3. Hududiy komissiyaning shaxsiy tarkibi Vazirlar Mahkamasi tomonidan belgilanadigan namunaviy tarkib asosida shakllantiriladi hamda Qoraqalpog‘iston Respublikasi Vazirlar Kengashi Raisi, viloyatlar va Toshkent shahri hokimlarining qarori bilan tasdiqlanadi.
- 4. Hududiy komissiya faoliyatini muvofiqlashtirish va monitoringini olib borish O‘zbekiston Respublikasi Vazirlar Mahkamasi tomonidan amalga oshiriladi.
- 5. Qoraqalpog‘iston Respublikasi Sog‘liqni saqlash vazirligi, hududiy sog‘liqni saqlash boshqarmalari va Toshkent shahri Sog‘liqni saqlash bosh boshqarmasi hududiy komissiyalarning ishchi organi funksiyasini bajaradi.
Do'stlaringiz bilan baham: |
