O`zbekstan Respublikasi Xaliq bilimlendiriw ministrligi A`jiniyaz atindag`i No`kis ma`mleketlik pedagogikaliq instituti

ilimge sezilerlik praktikaliq bag`it berdi. 

     Rimlilerdin`  islegen  poxodlari  menen  ju`rgizgen  sog`islari    geografiya  ushin  og`ada  bay 

materiallar  berdi.  Sol  toplang`an  materiallarda  qayta  islegen  grek  ilimpazlari  bolip,    olardin`  usi 

da`wirdegi en`  iri wa`killerinen Strabon ha`m Ptolemeydi ko`rsetiwge boladi. 

     Strabon eramizg`a shekemgi 63-jilda tuwilg`an.  Strabon o`z da`wirinin` en` iri geografi bolip, ol 

a`debiy  mag`liwmatlar  ha`m  o`zinin`  baqlawlari  tiykarinda  Geografiya  dep  atalg`an  17  kitaptan  

ibarat  ilimiy miynet jazadi.  Ol kitaplardin ekewi uliwma jer taniwg`a, 8 kitap Evropag`a, 6 kitap 

Aziyag`a  ha`m  bir  kitap  Afrikag`a  arnaladi.    Strabon  bul  miynetinde  geografiyanin`    predmeti  

menen  waziypasin  aniqlap  ol  bilay  deydi,  Geograf  en`  aldi  menen  adam  ma`kan  etken  jerdin`  

(oykumenanin) ken`isligin, jerdin`  figurasin  ha`m ta`biyiy qa`siyetlerin aniqlawi kerek deydi. 

     Rim da`wirinin`  en`   ko`rnekli   ilimpazlarinin`  biri  eramizdin` 

90-168-jillarinin`  aralig`inda  jasag`an  Klavdiy  Ptolemey  bolip    tabiladi.  Onin`    13  kitaptan  ibarat 

Astronomiyanin  matematikaliq  ulli  du`zilisi  degen  miyneti  Al`magest  degen  ataq  penen  belgili 

bolip,    bul  miynetinde  geotsentriyaliq    sistemasi  tiykarlanadi.  8  kitaptan  ibarat  Geografiya  degen 

ekinshi shig`armasinin da a`hmiyeti ulli. 

     Ptolemeydin` geografiyasi ulli geografiyaliq ashiliwlar da`wirine 

og`ada u`lken ta`sir etti.  Sol da`wirde Ptolemeydin` geografiyasi 42 ma`rtebe qayta basilg`an. 

 

57 

     Eramizdin`  V  a`sirine  shekem  jer  betinin`    ta`biyati    haqqinda    og`ada  ko`p  mag`liwmatlar 

toplanip,  olardi  a`yyemgigi  du`n`yanin`  ilimpazlari  qayta  islep  sistemag`a  saldi  ha`m  geografiya 

ilimin do`retti. 

     Uliwma alg`anda Jerdin` figurasi haqqindag`i ma`sele duris sheshilip, onin` ko`lemleri aniqlandi. 

Fizikaliq  geografiya  boyinsha  tiykarg`i  ilimiy  miynetler  kelip  shiqti  ha`m  onin`  uliwma  jer  taniw 

menen el taniwg`a bo`liniwi belgilendi. 

 

                  ORTA A`SIRLER DA`WIRINDEGI GEOGRAFIYa 

 

     Bul da`wirdin  basinda  Batis  Evropa ellerinde ilimnin` ko`plegen 

jetiskenlikleri  xristian  dini  ta`repinen    biykarlanadi.  Sol    sebepli  ilim  ko`pshilik  sharayatlarda 

rawajlaniwdin`  ornina  artqa  ketedi.    Jerdin`  shar  ta`rizli  formasi  xristian  dinine  muwapiq 

bolmag`anliqtan Jerdi tegis do`n`gelek dep tu`sindirdi. A`lem sistemasi haqqindag`i tu`sinik og`ada 

a`piuayi formag`a iye boladi.  Bunin sebebi usi da`wirde u`stemlik etken diniy ideologiya bolip ol 

ilimnin` rawajlaniwina u`lken tosqinliq jasadi. 

     Usi  da`wirde    ilimnin`  qanday  awhalda  bolg`anin  monax  Kos`ma  Indikoplovtin`  du`n`yanin` 

xristian  topografiyasi  degen  kitabinan  ayqin  ko`rinedi.  Bul    kitapta    Jerdi  skiniya  (a`yyemgigi 

evreylerdin` poxodta alip ju`retug`in xrami) formasinda du`zilgen ha`m to`rt mu`yeshli bolip onin` 

arqa jag`i taw al qalg`an jag`i tegislik u`sti shiyshe aspan menen qaplang`an deydi. Barliq ta`biyat 

qubilislari ilimge qarsi da`lillengen. 

     Arablar VII-VIII a`sirlerde og`ada u`lken territoriyani iyelep aladi. Arab ma`deniyati menen ilimi 

bir  jag`inan  a`yyemgigi  grek  iliminin`  ta`sirinde  rawajlang`an  bolsa,  ekinshi  jag`inan  joqari 

da`rejede rawajlang`an Orta Aziya, Zakavkaz`e, Iran, Siriya, Egipet qusag`an ellerdin` xaliqlarinin` 

ma`deniyatinin` ta`sirinde rawajlang`an. 

     Arab xalifati Pireney yarim atawinan baslap,  Arqa Afrikani, Mozambikke shekem ha`m Alding`i 

ja`ne  Orta  Aziyani  o`z  ishine  alg`an.  Territoriyanin`  ken`ligi  sayaxattin`  rawajlaniwina  

mu`mkinshilik    berdi.    Arablar  Ptolemeydin`  Astronomiyanin`    matematikaliq    ulli    du`zilisi  

miynetin arab tiline awdaradi.   Arablar ilimyi  maqsette sayaxatlar  sho`lkemlestirdi. Arab ilimpazi 

Masudi  (X  a`sir)  Shig`is  Afrikag`a,  Madagaskar  atawina,  Jaqin  ha`m  Orta  Shig`is  ellerine,    Orta 

Aziyag`a  ha`m    Kavkaz    benen  Shig`is  Evropag`a  sayaxat  etip  ilimiy  miynetler  jazg`an.  Onin` 

miynetlerinen Altin jaylimlar ha`m Xabarlaw ha`m baqlawlar degen eki  kitabi bizin` da`wirimizge 

shekem  saqlanip  kelgen.  Xorezm  ilimi,    o`zimizdin  jerlesimiz  972-1048-jillardin`  arasinda  o`mir 

surgen    entsiklopedist  alim  Abu  Rayxan  Muxammed  Ibn-Musa  al`-Beruniydin`  miynetleri  menen 

rawajlaniwdin`    shinina    jetti.  Beruniy  orta  a`sirlik  Shig`istin`  ulli  ilimpazi,  astronom,  geograf, 

minerolog, etnograf, tariyxshi ha`m shayir retinde ken` tanilg`an. Ilimpazdin miynetlerinen Al`-Asar 

al-Baxiyat  -  jer  ju`zi  shig`adilarinin  jil  sanawi  haqqinda  miyneti  bolip,    onda  ha`r  qiyli 

shig`adilardin`  ma`deniyat  tariyxi,  filosofiyasi,  astronomiya  ha`m  dini  haqqinda  og`ada  bay 

mag`liwmatlar berilgen. Matematikaliq ha`m ta`riyplew geografiyasi - Masud qa`deleri miynetinde 

geodeziyaliq mag`liwmatlardan  basqa  og`ada  bay tariyxiy  geografiyaliq  mag`liwmatlar bar.  Ol 

diametri 5 metrlik globus islep Jerdin` formasi shar ta`rizli degen ideyani qayta tikleydi. 

     XVI  a`sirde    jasag`an    Marokkali    arab      sayaxatshisi      Ibn-Battuta  30-jilg`a  jaqin  sayaxat  etip 

120000  km  joldi  basip  o`tedi.  Ol  Evropada  Vizantiya,  Shigis  Afrika  menen  Alding`i  ha`m  Orta 

Aziyadag`i musilman iyelegen jerlerdi  sonday-aq  Tseylon (Shri-Lanka),  Hindstan ha`m Qitayg`a 

shekem  sayaxat  etedi.  Ibn-Battuta  sayaxatlarinin`  ta`riypindegi  geografiyaliq  ha`m    tariyxiy 

mag`liwmatlar usi waqitqa shekem o`zinin` bahasin joq etpegen. 

     Skandinaviya  yarim  atawin  ma`kan  etiwshi  shig`adilar-normanlar dep atalip, (arqa adamlari) 

olar  Arqa  Atlantikada  iri  geografiyaliq    ashiliwlardi  a`melge  asirdi.    IX  a`sirde  normanlar 

Islandiyani  aship  kolonizatsiyalaydi.  982-jili  Erik  Rauda  (sari)  Grenlandiyani  aship  oni  

kolonizatsiyalawdi  baslaydi.  XI  a`sirdin`  basinda  Erik  Raudanin`  balasi  Leyv  Eriksson  Belgisiz 

 

58 

Jerdin` jag`alarina jetedi. Ol so`ytip Xellulyand-jumir taslar elin (Baffin jeri), Marklyand-tog`aylar 

elin  (Labrodor)  ha`m  Vinlyandti-jaylawlar  elin  (N`yufaundlendtin  arqasindag`i    yarim    atawdi) 

ashadi. 

     AQSh tin` kongressi 1964-jili Norman Lev Erikssondi Jan`a du`n`yanin` birinshi ashiwshisi dep 

tanidi. Amerikani Kolumbtin` ashiwin ekinshi ashiw ha`m ekonomikaliq jaqtan o`zlestiriwdi baslaw 

dep esaplaydi. 

     IX a`sirde  Shig`is  Evropada  bir neshshe mayda ma`mlekettin` orninda feodalliq a`yyemgigi rus 

ma`mleketi  -  Kiev  rusi  kelip  shig`adi.  Rus  geografiyasi    tariyxinda    jilnamashi    Nestor    jazg`an 

Povest` vremennix let shig`armasinda Shig`is Evropanin` jer beti menen da`r`yalari jaqsi ta`riplenip 

jazilg`an. 

     Mongollardin`  batisqa  tez  o`rlep  baratirg`aninan  qorqqan  Rim  papasi  menen    Frantsiyanin`  

koroli  XIII  a`sirde  mongol  xanina  Plano  Karpini  ha`m  Gil`om  Rubruk  basshilig`inda  o`zlerinin 

elshilerin jiberedi. Usi elshilerdin arqasinda  evropalilar  Orayliq  ha`m  Shig`is Aziya haqqindag`i 

mag`liwmatlardi  toliqtirip  aniqladi.    Batis  Evropali  elshiler    mongollardin`  paytaxtinda  ruslardi 

ko`rgenin aytip keledi. 

     MARKO  POLONIN`  SAYaXATLARI.  Venetsiyali  kupets  Marko  Polonin`  sayaxati  1271-jili 

burin  Qitayg`a  barip ju`rgen a`kesi ha`m ag`asi menen Qitayg`a sayaxat etiwden baslanadi.  1295-

jili  Venetsiyag`a  qaytip  keledi.  Ol  Qitayda  jasap  turg`an  waktinda  onin`  ko`plegen  rayonlarina 

baradi  ha`m  ko`p  na`rseni  o`z  ko`zi  menen  ko`redi,  esitedi.  Onin`  geografiyaliq  tu`sinikleri 

Aziyanin`  jag`alarin    boylap  u`sh  jildan  artig`iraq  dawam  etken  qaytar  jolinda  aytarliqtay 

toliqtiriladi.  Marko  Polonin`  Kitay  haqqindag`i  mag`liwmatlari  Du`n`yanin`    ha`r  qiylilig`i  dep 

atalatug`in  kitabinda  berilgen.  Bul  kitapti  Marko  Polonin`  awzinan  Pizali  (Piza  –  Italiyanin`    iri 

qalasi,  Galileydin  watani)  Rustichano  jazip  aladi.    Marko  Polonin`  kitabinda  tiykarinan 

geografiyaliq  mag`liumatlar    o`zi  ko`rgen  ha`m  u`lkenlerden  esitken  qalalardin`  ha`m 

shig`adilardin` ta`ripi berilgen. Sonday-aq onda Qitaydin` imperatori bolg`an mongollardin ulli xani 

Xubilay sarayinin` turmisi ha`m minez-quliqlari da ta`riplenedi. Kitaptag`i ko`plegen mag`liwmatlar 

Marko Polonin` zamanlaslarina  an`izday  bolip  ko`rinedi. Marko Polonin` kitabinda u`lken tsifrlar 

jiyi ta`kirarlanip turg`anliqtan og`an isenbey oni gospodin Million dep atag`an. 

     AFANASIY  NIKITINNIN  SAYaXATLARI.    1466-jili  Moskva  knyazinin`  Shirvan  xanina 

jibergen elshilikke qosilip sawdagerler de ketedi.  Solardin` arasinda Tverli kupets Afanasiy Nikitin 

de  boladi.    Moskvanin  elshiligi  jolda  qaraqshilarg`a  talanip  Shirvan  xanina  keledi  ha`m  Nikitinni 

so`zine  qarag`anda  xanna  ja`rdem  soraydi.  Olar  ko`p  bolg`anliktan  xan  hesh  na`rse  bermeydi.  

Sonnan  son`  elinde  mal-mu`lki  barlar  izine  qaytadi  al  elinde  qarizi    barlar    ko`zi    ko`rgen    jaqqa 

ketedi.  Afanasiy Nikitin elinde qarizi ko`p bolg`anliqtan sol qarizdin` qunin tapqang`a shekem  el 

geziwdi uyg`aradi.  Nikitinin` sayaxati mine usilay baslanadi. Ol Shemaxadan Bakuge keledi.  Iran 

jerin  bir  jilday  gezip    parsi    koltig`inan  Xind  okeanina  shig`ar  jerdegi  Ormuz  degen  port  qalag`a 

keledi.  Ormuzdan  ten`iz  arqali  Hindstang`a  jetedi.    Hindstanda  eki  jil  bolip  og`ada    ko`p  na`rseni 

bastan keshirip 1478-jili ol eline qaytadi.  Afanasiy Nikitin evropalilardan 30 jil burin  Hindstang`a  

barip    XV    a`sirdegi    Tu`slik  Hindstannin`  shig`adilarin,  dinlerin,  urp-a`detlerin,  tillerin  ha`m 

ta`biyatin jazadi. 

                       ULLI GEOGRAFIYaLIQ AShILIWLAR 

     XV a`sirde  kapitalistlik xojaliq penen o`ndirislik qatnasiqlardin` payda  boliwi menen baylanisli 

bazarg`a  bolg`an  talap  ku`sheyedi.  Sanaattin`  rawajlaniwi  shiyki  zatti  talap  etedi.    Ta`biyg`iy 

resurslarg`a jarli Evropa bul  talaplardi qanaatlandira almadi.  Qitay ha`m Hindstan menen bolg`an 

eski  baylanislar  shig`isqa  qarap  baratug`in  ten`iz    ja`ne    qurg`aqliqtag`i  jollar    Konstantinopol`di  

1453-jili    tu`rkler  basip  alg`annan  keyin  jabildi.  XV  a`sirdin`  ekinshi  yariminan  baslap  evropalilar 

bay  shig`is  ellerine  jan`a  jollar  izley  basladi.  Jan`a  jollardi  izlew  ushin  duris  kartalar,  aniq 

ko`rsetetug`in  a`sbaplar  ha`m  duris  geografiyaliq  mag`liwmatlar  za`ru`r  edi.  Bul  jag`day  uliwma 

alg`anda ilimnin` sonin` ishinde geografiyanin` rawajlaniwina alip keldi. 

 

59 

     Sonin` ushin  bul da`wirde uzaq jerlerge sayaxatlardin` jasaliwi ha`m 

ulli geografiyaliq ashiliwlardin` a`melge asiriliwi tan`  qalarliq  na`rse emes. 

     Ulli  geografiyaliq  ashiliwlardi  Pireney  yarim    atawinda    jaylasqan  Ispaniya  menen  Portugaliya 

baslaydi. 

     1487-1488-jillari Portugaliyali Bartolomeu Diash Afrikanin` tu`sligindegi tumsiqqa shekem jetip 

(Ol  tumsiqti  Dawillar  tumsig`i  dep  ataydi,  biraq  oni  Portugaliya  koroli  jaqsi  niyet  tumsig`i  dep 

ataydi),  oni  shig`isqa  qarap  aylanip  aytarliqtay  o`rlep  Hindstang`a  bariw  mu`mkinshiligin  bilip 

Lissabong`a  qaytip  keledi.  Portugaliyalilar  Xindsta`nga  jetemen  dep  ju`rgende  Ispaniyalilar  batista 

a`hmiyetli geografiyaliq ashiliwlardi a`melge asiradi. 

     AMERIKANIN`  AShILIWI.    Evropanin`    jag`alarinan  batisqa  qarap  ju`rip  ten`iz  joli  menen 

Qitay ha`m Hindstang`a bariw mu`mkin degen  pikir  Kolumbtan ko`p burin bar edi. 

     Xristofor Kolumb 1484-jili Qitay menen Hindstang`a batis bag`itta ten`iz joli  menen bariwdin` 

tiykarli  proetin  du`zedi.    Da`slep  proektin  Portugaliya  koroline  usinadi  (milletti  italyanets    biraq  

ko`p  waqitlar dawaminda Portugalyaida jasag`an) biraq onin` proektin qabil etpeydi. 

     Kolumbtin proekti Ispaniyada qabil etilip 1492-jildin 3/VIII  da Santa-Mariya, Pinta ha`m Nin`ya 

atli  u`sh  korabl`den  ibarat  Xristofor  Kolumb  basshilig`indag`i  ekpeditsiya  jolg`a  shig`ip,    12-

oktyabr`de Bagam  atawlarinin`  gruppasina  kiretug`in Ua`tling atawina jetedi. 28-oktyabr`de  Kuba, 

6-dekabr`de  Gaiti  atawlarin  ashadi.  Janadan  ashilg`an  atawlardin`  shig`adilari  olardi  jaqsi  qarsi 

aladi, Kolumbtin` moryaklari sol jerde jasawshi adamlardan altinan islengen bezew zatlarin  ko`rip  

olardi ha`r qiyli arzimaytug`in zatlarg`a almastirip aladi.  Biraq sayaxatshilar ol jerden altinnin` ken` 

ornin taba almaydi. Evropalilar bul jerde birinshi ma`rtebe  ma`kke,  juweri  ha`m temeki qusag`an 

ma`deniy  o`simlikler  menen  tanisip,    1494-jildin  yanvarinda  qaytip  sol  jildin  mart    ayinda 

Ispaniyag`a qaytip keledi. 

     Kolumb da`wirinde Ispaniyada basqa jerlerdi  basip  aliwg`a  qumar 

adamlar (ispansha-konkistadorlar)   ko`p  edi.  Sonin`  ushin  sol  jili 1493-jildin` sentyabr` ayinda 

17  korabl`  ha`m  1500  adamnan    ibarat    Kolumbtin`  ekinshi  ekspeditsiyasi  qaytadan  batisqa  qarap 

atlandi. 

     1498-jili 

Kolumb 

u`lken 

qiyinshiliqlar 

menen 

o`zinin` 

u`shinshi 

ekspeditsiyasin 

sho`lkemlestiredi.    Bul  saparinda  ol  Trinidad  atawin,  Orinoko  da`r`yasinin`  quyar  jerinde  Tu`slik 

Amerikanin` jag`alarin sonday-aq    Pariya  yarim  atawi  menen bir neshshe mayda  atawlardi ashadi.  

Bul  ekspeditsiya  da  Ispaniyanin`  ku`tken  na`tiyjesin  bermeydi.          1502-jili  Kolumb  o`zinin` 

to`rtinshi ekspeditsiyasin sho`lkemlestiredi. 

Bul  saparinda  evropalilar  Orayliq  Amerikanin`  jag`asin  Gonduras  qoltig`inan  Dar`en    qoltig`ina  

shekem  izertlep  Tinish  okeang`a  o`tetug`in  bug`az  izleydi,  biraq  onday  bug`azdi  taba  almaydi. 

Kolumb awirip ha`m materialliq jaqtan qiynalip Ispaniyag`a qaytip keledi. 

     Kolumb  sayaxatlarinin`  geografiyaliq  a`hmiyeti  og`ada  ulli.    Ol    Atlantika  okeanin`    subtropik  

ha`m  tropik enlikleri boyinsha kesip o`tip Amerika Jer Orta ten`izi (Karib ten`izi) boyinsha ju`zdi.  

Basqasha    aytqanda  Kolumb    Amerika    Jer  orta  ten`izinin`  barliq  a`hmiyetli  atawlarin  aship  Arqa 

ha`m Tu`slik Amerika qos materiginin`  geografiyaliq  ashiliwin baslaydi. 

     Amerika ashilg`annan keyin sol da`wirdegi  du`n`yanin`  en`  qudiretli 

ma`mleketleri bolg`an Ispaniya menen Portugaliyanin` arasinda du`n`yanin` birinshi bo`liniwi kelip 

shig`ip,    1494-jili  kelisim  boyinsha  shama    menen  shegara  46

0

  batis  enlik  boyinsha  o`tip  onnan 

batistag`i  jerler  menen  suwlar  ha`m  endigi  ashilatug`in  jerlerdin`  jollari  Ispaniyaniki,    al    onnan 

shig`ista Portugaliyaniki boladi. 

      

HINDSTANG`A TEN`IZ JOLININ` AShILIWI.  

Ispaniyalilardin`  batista  islegen  geografiyaliq  ashiliwlari,    Portugaliyalilardin`    shig`is    joli  menen 

Hindstang`a jetiw qumarin arttirip jiberedi.  Bul waziypani Vasko da Gama basqarg`an ekspeditsiya 

a`melge asiradi. 

 

60 

     1497-jildin`  8-iyul`inde  Vasko  da    Gama    basshilig`inda    4    kemeden  ibarat  flotiliya    Lissabon 

portinan shig`ip Afrikani tu`sliginen aylanip Hind okeanina o`tedi. Onnan  keyin Afrikanin` shig`is 

jag`alari boylap ju`rip 1498-jildin` aprel` ayinin 14 inde Malindi portina jetedi. Malindinin` ha`kimi 

Hindstannin`  tu`slik  batis    jag`asindag`i    Kalikutka    shekem  alip  baratug`in    isenimli    lotsman  

(kemege  jol  ko`rsetkish)  beredi.    Ol  lotsman  o`z  da`wirinin`  ko`rnekli  elshisi    ha`m    ilimpazi  

Axmed    Ibn-Majid  edi.  Axmed    Ibn-Majidtin`  ko`rsetken  joli  menen  Portugaliyanin`  Vasko  da 

Gama  basqarg`an  kemeleri  1498-jili    20-mayda    Kalikutta    portina    jetip  ko`shki  taslaydi.  

Portugaliyalilar  Hindstanda 3 ay bolip ol jer menen jaqsi tanisadi. 

     Amerikanin`  ashiliwi    ha`m    Hindstanga  ten`iz  jolinin`  ashiliwi  og`ada  u`lken  a`hmiyetke  iye.  

Kolumb  Amerikani  ashqannan  son`  ispan    konkistadorlari  Meksikani,  Perudi,  Arqa  And  ellerin 

basip alg`annan keyin xaliqti talap alg`an altinlar menen gu`mis flotiliyalar (gu`mis tiyelgen kemeler 

gruppasi)  Ispaniyag`a  kele  baslaydi.  Al  Hindstang`a  ten`iz  jolinin`  ashiliwi  tek  portugaliya 

tariyxinda g`ana emes jer ju`zlik sawda tariyxinda da og`ada ulli waqiyalardin` biri bolip esaplanadi. 

 

BIRINShI JER  JU`ZIN  AYLANIW SAYaXATI. 

Ispanlardin`  batista  ashqan  jerleri  Aziyag`a  jatpaytug`ini  ha`m  ol  jerdin`  ekvatordan 

arqag`a ha`m tu`slikke qarap sozilatug`ini aniqlang`annan son` ol jer arqali batisqa qarap o`tetug`in 

bug`azdi izleydi. 

1513-jili  Vasko    Nun`es    Bal`boa    Orayliq  Amerikag`a  sayaxat  etip  Panama  moyninan 

batisqa qarap o`tedi ha`m batisinda ten`iz ko`redi.  Oni Tu`slik ten`iz (Tinish okean) dep ataydi. 

1515-1516-jillari Ispaniyali sayaxatshi Xuan  Dias  Solis  batisqa qarap o`tetug`in  bug`az 

izleydi.  Ol Tu`slik Amerikanin` shig`is jag`alawin boylap La-Plata qoltig`ina shekem baradi. 

Endi  usi  qurg`aqliqti  tu`sliginen  aylanip  batisqa  o`tiwge  bolama  degen  ma`sele  kelip 

shig`adi.  Bul  ma`seleni  Fernando  Magellan  sheshedi.  Fernando  Magellan    portugaliyalilardin`  

Shig`is    Hindstandi    basip  aliwg`a  1505-jildan  1511-jilg`a  shekem  qatnasqan  Portugaliyali 

dvoryanin.  Ol  Portugaliya  koroline  narazi  bolg`anliqtan  Ispaniyag`a  o`tip  onin`  koroline  batis  joli 

menen Molukka atawlarina bariwdin` proektin usinadi. 

     1519-jildin 20-sentyabrinde 5 keme  Trinidad,  San-Antoniya, Konseps`on, Viktoriya, Sant`yago 

ha`m  265  adam  ekipajdan    ibarat  Magellan  basshilig`indag`i    ekspeditsiya  Gvadalkvivirdin`  quyar 

jerinen  shig`ip,  Kanar  atawlari  arqali,    Braziliyanin`  jag`alarina  qarap  bag`it  aladi.  Sol  jildin 

noyabrinde  Magellannin`  flotiliyasi  Tu`slik  Amerikanin`  en`  shig`istag`i  tochkasinan  aylanip  o`tip 

1520-jildin` yanvar` ayinin` ortasinda La-Plata  qoltig`ina  jetip buring`i mag`iliwmatlarg`a isenbey 

batisqa qarap o`tkel tabiw maqsetinde oni qaytadan izertleydi. A`lbette Tu`slik ten`izge o`tkel taba 

almaydi. Magellan da`slep tu`slik-batis bag`itta ju`rip u`lken San-Matias qoltig`in ashadi ha`m son` 

tu`slik  bag`itta  jolin    dawam  etedi.    1520-jili    1-aprel`de  tu`slik  yarim  shardin`  qisi  sezilerlik  

jaqinlasip  qalg`anliqtan  ekspeditsiya  San-Xulian    qoltig`inda    qislaydi.  Magellannin`  usi    qislagan  

jerine    og`ada  boyi  uzin  indeetsler  keledi.  Olardi  patagonlar  (ispansha-u`lken  ayaqlilar)  jerin 

Patagoniya dep ataydi. 

Avgust  ayinin`  aqirinda  ten`izshiler  San-Xulian    buxtasinan    shig`ip  Santa-Krus 

da`r`yasinin`    quyar  jerine  jetedi  ha`m  sol  jerde  ba`ha`rdin`  shig`iwin  ku`tip  oktyabr`  ayinin` 

ortasina  shekem  boladi.            18-oktyabr`de  ekpeditsiya    Patagoniyanin`  jag`asin  boylap  jolg`a 

shig`adi. U`sh ku`nnen keyin yag`niy 1520-jili 21-oktyabr`de Atlantika okeaninan 

o`tetug`in  jol  tawip  noyabr`  ayinin`  aqirinda  u`sh  korabl`din`  birewi  sog`ip  apatqa  ushiraydi, 

ekinshisi Ispaniyag`a qaship ketedi. Tinish okeang`a o`tedi. 

Tinish okean  boyinsha  o`tiu 3 ay 20 ku`n dawam etedi.  Ten`izshiler sho`lden ha`m ashtan 

ko`p azap shegedi.  Tsinga keselinen ko`p  adam  o`ledi. Okean usi sayaxat etiw da`wirinde og`ada 

tinish boladi.  Sol sebepli oni Magellan Tinish okean dep ataydi. 

1521-jili  mart  ayinda  Magellanshilar  Marian  atawlarina  mart  ayinin`  ortasinda  Filippin 

atawlarina jetedi. Magellan menen onin`  quli malayziyali Enriko  ushin Jer ju`zin aynaliw sayaxati 

 

61 

tuyiqlanadi, sebebi olar burin bul jerlerde bolg`an edi. 1521-jildin` aprel`  ayinin` aqirinda Filippin 

arxipelaginin`  Sebu  atawinda  jergilikli  shig`adilar  menen  urista  Magellan  o`ledi.    Ekspeditsiya 

ta`jiriybeli  ha`m  abiroyli  basshidan  ayirilip  ko`p  waqitlar  dawaminda  Malayya  arxipelaginin` 

atawlarinin`  arasinda  adasip  ju`redi.  Tek  sol  jildin`  oktyabr`  ayinda  tutqinga  tu`sken  malayya 

ten`izshisinin  ja`rdemi  menen  Molukka  atawlarina  qarap  jolg`a  shig`ip  noyabr`din`  basinda  ol  

atawlarg`a  jetedi.  Bul  jerde  Viktoriyani  gvozdika,    muskat,  g`oza  ha`m  t.b.  zatlar  menen  toltirip 

Xuan Sevast`yan El`kano basshilig`inda batis jol menen Jaqsi Niyet tumsig`inan aylanip Ispaniyag`a 

kaytadi.    Bir  korabl`di  o`rteydi,  ekinshi  korabl`din`  komandasi  Tinish  okean  arqali  qaytiwdi  

uyg`aradi. 

Solay  etip, tek bir  g`ana keme Viktoriya  1522-jili 6-sentyabr`de 21 adami menen olardin` 

u`shewi (malayyali) Ispaniyaga kaytip keledi.      Bul sayaxattin` a`hmiyeti og`ada ulli. Ol Jerdin` 

shar ta`rizligin da`lillew menen birge bir tutas Jer ju`zilik okeannin` bar ekenligin aniqladi. Sayaxat 

Jer ko`leminin` og`ada u`lken ekenin ko`rsetti. 

 

         ARQA-BATIS HA`M ARQA-ShIG`IS O`TKELLERDI IZLEW 

Ispaniya  menen  Portugaliyanin`  ashqan  jerlerinen  alatug`in  og`ada  ko`p  doxodlari 

Evropanin`    basqa  ellerinin`  rawajlanip  kiyatirg`an  burjuaziyasin  Shig`is  elleri  menen  sawda 

jasawg`a  barg`an    sayin    qiziqtirdi.    Sol  sebepli  Arqa  Amerikani  jag`alap  Arqa-batisqa  ha`m 

Evropanin` arqa jag`asin boylap arqa-shig`isqa qarap jollar izley baslaydi. 

 Arqa-batis o`tkeldi  izlew  1497-jili  Djon Kabot basshilig`indag`i anglichan ekspeditsiyasi 

baslaydi.    Ekcpeditsiya  Arqa  Amerikanin`    jag`asina  jetip  N`yufaundlend  atawin  ashadi.  1498-jili 

Djon Kabottin` balasi Sebast`yan Kabottin basshilig`indag`i ekcpeditsiya Arqa Amerikanin` shig`is  

jag`alarin aytarliqtay araliqti izertleydi. 

     1553-jili Angliyanin` Kupetsler ja`miyeti belgisiz jerlerge ten`iz 

jolin  ashiw  ushin  ekspeditsiya  sho`lkemlestiredi.  Ekspeditsiya  3  korabl`den  ibarat  bolip  onin` 

nachal`nigi ha`m en` jaqsi korabl`din`  kapitani  etip X`yu Uilloubi  tayarlanadi. Ekinshi kemenin` 

kapitani Richard Chenslor al u`shinshi korabl`din` kapitani Korneliy Dyurfert boladi. U`sh kemenin`  

ekewi    Barents    ten`izin  gezip  Jan`a  jer  atawinin`  tu`slik-batis  jag`asinan  Kolguenke  qarap  onin` 

qasinan Kola  yarim  atawina bag`it aladi.  1554-jili  qista  korabl`din` ekipaji 53 adam Kola yarim