O`zbekstan Respublikasi Xaliq bilimlendiriw ministrligi A`jiniyaz atindag`i No`kis ma`mleketlik pedagogikaliq instituti

bolip, jer ju`zlik okean dep ataladi.      Jer ju`zlik okean to`rt bo`limge bo`linedi ha`m ol bo`leklerde 

o`z na`wbetinde okean (grekshe sheksiz ten`iz degen) dep ataladi. 

     Iyelegen  maydani  jag`inan  okeanlardin`  en`  u`lkeni  Tinish  okeani  bolip  tabiladi  ol  jer  ju`zlik 

okeannin`  yarimina  jaqin  maydanin`  iyeleydi.  Bul  okeannin`  maydani  179,68  mln  kv  km.    Bunin` 

atin Tinish  okean  dep Magellan qoyg`an. 1519-1521 jillari ol o`zinin` birinshi jer sharin aylaniw 

 

17 

sayaxati  waqtinda  usi  okean  boyinsha  u`sh  aydan  aslamiraq  ju`redi  Sol  waqit  ishinde  dawilda 

jamg`irda bolmaydi sonin` ushin da oni Tinish okean dep atag`an. 

     Atlantika okeani  93,63  mln kv km maydandi iyeleydi atag`i grek mifologiyasi menen baylanisli 

kelip  shiqqan.    Sol  mifologiyada  Gerkules  yaki  Atlante  degen  mag`liwmat  bar.  Ha`zirgi  Gibraltar 

bug`azin  a`yyemgigi  grekler    Gerkules    bag`analari  dep  atap  onnan  batisiraqtag`i  u`lken  atawdi 

Atlantika  dep  atag`an.  Keyninen  Atlantikada  degen  ataq  oni  qorshag`an  okeang`a  tarqalip  ol 

Atlantika  dep  atalg`an.  Xind  okeani  74,92  mln  kv  km  maydandi  iyelegen.  Bunin  atag`i  erte 

zamannan anizg`a aylang`an Hindstannin` atinan kelip shiqqan. Arqa muz okeani okeanlardin` en` 

kishi bolip 13,10 kv km  maydandi iyeleydi. Okeanlardin` ta`biyg`iy shegaralari olardi qorshag`an 

materikler  menen  atawlardin`  jag`alari  boladi.  Bulardan  basqa  okeanlardin`  arasinda  Arqa  polyar 

shen`beri Gorn Igol`niy ha`m Tu`slik tumsiqlarinin` meridianlari arqali sha`rtli shegaralari o`tedi. 

     Okeanlardan  ko`lemi    jag`inan  aytrliktay  kishi  olardan  ajiratilg`an  bo`limi  ten`izler  dep  ataladi.  

Ten`izlerge qusag`an biraq olardan  gore okean ten`izleri menen ken`irek baylanisqa iye bo`limleri 

qoltiqlar  dep  ataladi.  Ko`lemi  kishi  qoltiqlar  buxtalar  delinedi.  Okeanlardin`  bo`liniw    xarakterine  

qarap    ten`izler    to`mendegidey  tu`rlerge  bo`linedi.  Ishki  tenizler  barliq  jag`inan  qurg`aqliq  penen 

qorshalip  okean  yamasa  qon`si  ten`izler  menen  bir  yaki  bir  neshshe  bug`az  arqali  tutasadi.  Misali  

Jer orta, Qizil, Qara ha`m Baltik ten`izleri. 

     Yarim tuyiq ten`izler - materikler menen jartilay sheklenip okeannan yaki qon`si ten`izden yarim 

ataw  ha`m  atawlar  dizbegi    menen    bo`linip  turadi.  Misali      Bering,  Oxota,  Arqa,  Yapon,  Karib 

ten`izleri.  Ashiq  tenizler  -  okean  menen  ken`irek  baylanisqa  iye  boladi.    Misali  Arabstan  ten`izi, 

Barents,  Bellinsgauzen  ha`m  t.b.  ten`izler.  Ataw  araliq  ten`izler 

–

  okeanlardin`  ataw  dizbekleri 

menen qorshalgan bo`limleri bolip bug`an Yava, Sulavesi Sulu ha`m t.b. lar misal boladi. 

 

     Jer ju`zlik okean tu`bi rel`efinin` basli belgileri 

     ------------------------------------------------ 

     Ten`iz  benen  qurg`aqliqtin`  shegarasinda  jaylasqan  polosa  jag`i  boyi  zonasi  dep  atalip  oni  suw 

basiwdan  qorg`ap  turadi.  Materiklerdi  0-200  metrge  shekem  (geyde  500-600  m  ge  shekem)gi  suw  

asti    dawami    materik  sayizlig`i  yaki  shelf  dep  ataladi.  200  metrden  2500  m  ge  shekemgi 

teren`liklerdin` aralig`i materik jan bawiri dep ataladi. Materik sayizlig`i  quraqliqtag`iday gorizotal` 

derlik  tegislikler  olardin`  u`stindede  tegissizlikler  yag`niy  to`belikler    shuqirlar    ha`m  suw  asti 

alaplari  ushirasadi.    Materik  janbawirlari  qiyaliqqa  iye  bolip  a`dette  ol  qiyaliq  4-7  gradus  S  tan 

artpaydi.  Sonday dege menen bazi jerlerde qiyaliq 13-14 gradus siyrek jag`daylarda 40-45  gradus 

g`a shekem jetedi. 

     Materik  janbawirinin`  betinde  suw  asti  alaplari  menen    tilimlengen.  Materik    janbawirlari  

rel`efinin`    tamasha    o`zgesheligi    suw  asti  kan`onlarinin`  (ispansha  truba)  yag`niy  janbawirlari 

og`ada  tik  jar  teren`  alaplardan  boliwi  xarakterli.  Materik  sayizlig`i  menen  materik  janbawiri  jer 

ju`zlik  okeannin`  205    tin`  quraydi.  Okean  tu`bi  de  tegis  emes.  Bul  jerde  qurg`aqliqtag`i  siyaqli 

o`zine ta`n tawlari taw qirlari ha`m u`stirtlikleri bar. 

     Jer  ju`zilik  okean  tu`binin  kartasina  onin`  tu`binin`  du`zilisinde  eki  o`zgeshelikti  ko`remiz.  1) 

okeanlardin`  orayliq  bo`limleri  ko`terilgen  bolip  olar  qurg`aqliqtag`iday  suw  asti  taw  qirlari 

xarakterine iye.   Misali  Arqa  Muz okeaninda  Lomonosov suw asti taw  qiri bar.   Song`i jillardag`i 

izertlew    mag`liwmatlarina  qarasaq  Ortaliq  Atlantika  suw  asti  taw  qirinin`  gu`lla`n  uzinlig`i 

boyinsha  onin`  orta  bo`limi  arqali  tar    ha`m  teren`  (  eni  10-30  km  teren`ligi  1000  km  jaqin)  ja`ne 

janbawirlari og`ada tik jar alap o`tedi. 

     Hind  okeani    suw    asti    Orayliq  Hind  taw  qiri  menen  ekige  batis  ha`m  shiqis  bo`limlerge 

bo`lingen.    Bul  taw  qiri  menen  Hindstannin`    tu`slik-batis  jag`alarinan  baslanip  40  gradus  S  ke 

shekem ketedi. 

     Tinish  okeaninin`  tubinin`  rel`efi  og`ada  ha`r  qiyli.  Bul  jerde  og`ada  u`lken  araliqqa  sozilg`an 

taw  qirlari  menen  shun`giller  bar.  2)  okeanlardin`  en`  teren`  jerleri  olardin`  orayliq  bo`limleri  de 

 

18 

emes  al    shetlerinde  jag`alardin  qasinda  yamasa  ataw  dizbeklerinin`  qasinda  jaylasadi.  Materik 

jag`asinda  Atakama shu`n`gili ataw dizbeklerinin` qasinda   Antil` Yava  Kuril`-Kamchatka  Fillipin 

Marian ha`m t.b. shu`n`giller jaylasadi. 

 

              Materikler ha`m okeanlar 

              -------------------------- 

     Qurg`aqliq  okean  betinen  og`ada  u`lken  massivler  tu`rinde  ko`rinedi.  Olardin`  u`lkenleri  

materikler  yaki  kontinentler al kishileri atawlar dep ataladi. Materikler ataw  bolip olar  Evraziya,  

Afrika,    Arqa  Amerika,  Tu`slik  Amerika,    Avstraliya  ha`m  Antarktida.    Materik  penen    kontinent 

degen tu`snikten basqa du`n`ya bo`legi degen tu`sinikte bar. Dun`ya bo`legi bul materik yaki onin` 

bir bo`limi bolip og`an jaqin  jaylasqan  atawlar kiredi. 

     Dun`ya bo`legi degen so`z ma`deniy  tariyxiy  tu`sinik  bolip  evropalilardin` jan`a jerlerdi  ashiwi 

menen baylanisli kelip shiqqan.  Evropa degen so`z (areb) batis degen semit so`zinen kelip shiqqan. 

Evropanin` maydani  10 mln kv km.  En` biyik tochkasi Al`p tawlarindag`i Monblay shin`i 4807 m. 

Evropa  menen  Aziyanin`  arasindag`i  shegara    sha`rtli  tu`rde  to`mendegidey  Ural  tawlarinin`  suw 

ayirg`ish sizig`i Ural da`r`yasi. Kaspiy ten`izi Kuma-manich shu`n`gili Azov ten`izi Kerch` bug`azi 

Qara ten`iz Bosfor bug`azi Mramor ten`izi arqali o`tedi.  

    Aziya  -  asu  degen  semit  so`zinen  kelip  shikkan  shigis  degendi  anlatadi.  Aziyanin`    iyelegen  

maydani  43,45  mln kv  km en` biyik tochkasi sonin` menen birge dun`ya juzinin` en` biyik  shin`i  

Gimalay    tawlarindag`i  Djomolungma  shin`i  bolip  tabiladi  biyikligi  8848  m  shegarasi  Suen  kanali 

arqali  Qizil  ten`iz  Babil  Mandeb  bug`azi  arqali  o`tip  Aziyanin`  tu`sligindegi  u`lken    Zond    Kishi 

Zond ha`m Filippin atawlari Aziyag`a qaraydi. Amerika menen shegara Bering bug`azi arqali o`tedi. 

     Afrika -  Afriki degen karfagen qa`wiminin` atinan kelip shiqqan dep esaplaydi.  Maydani 30,30 

mln kv km en` biyik tochkasi Klimandjaro songen vulkani  5895 m.  Bunin`  shegarasi tolig`i menen 

ta`biyg`iy shegara bolip Atlantika ha`m Xind okeanlarinin` arasinda jaylasadi.  

     Avstraliya menen Okeaniya Avstraliya australis degen latin so`zinen kelip shig`ip tu`slik degendi 

an`latadi. Okeaniya basli tu`rde 30 gradus arqa ha`m  tu`slik  enliklerdin` arasinda jaylasqan Tinish 

okeandag`i atawlardin` u`lken gruppasi usinday ataq penen ataladi. 

     Avstraliya  menen    Okeaniyanin`    birliktegi    maydani  8,89  mln  kv  km  Avstraliyanin`  en`  biyik 

tochkasi Kosshoshko  shin`i  bolip  onin`  biiykligi 2230 m. 

     Antarktida so`zi Arktikanin` qarama-qarsisi degendi bildiredi.  

Arktika bolsa grekshe Arktos Jeti qaraqshi juldizinin` ati bolip al Arqa polyustin` u`stinde jaylasadi.  

Sol Arktos  shoq  juldizinin`  astinda jaylasqan ken`islikti sol sebepli Arktika dep atag`an. 

     Antraktidanin` maydani 13,97 mln kv km ten`. Biyik tochkasi Vikson shin`i bolip ol 5140 m ge 

ten.  Atawlar qurg`aqliqtin` 10,5  jaqinin iyeleydi. 

     Materik  atawlari    materiktin`    uchastkalari  bolip  jer  qabig`indag`i  endogen  protsessler 

na`tiyjesinde  materiklerden  bo`linip  shiqqan.  Materik  atawlari    o`zlerinin`    tiykarlari    arqali 

materikler  menen  tutasip  turadi.  Olar  materik  sayizlig`inda  misali  Ulli  Britaniya,  Irlandiya, 

Tasmaniya atawlari yamasa materik janbawirinda Madagaskar Shri-Lanka korsika jaylasadi. Vulkan 

atawlari atinan ko`rinip turg`aninday vulkan atlig`iwlarinin` na`tiyjesinde ten`iz astinan ko`teriledi. 

Vulkan atawlari aytarliqtay u`lken biyiklikleri menen  ayriladi. Misali Gavayya  atawlarin alsaq olar 

4600 m teren`likten ko`terilip ten`iz u`stinen tag`ida 4166 mge ko`teriledi. 

     Marjan  atawlari  klimat  sharyatlarina  baylanisli  kelip  shig`ip  olardin`  payda  boliwi  marjan 

poliplerinin`  tirishiligi  menen  baylanisli.  Al  marjan    poliplerinin`  tirishilik  etiwi  ushin  ten`iz 

suwinin`  temperaturasi  18  gradustan  pa`s  bolmawi  kerek.  Sonin`  ushinda  marjan  qurilislari  jer  

ju`zlik okeannin` ekvatorial ha`m tropik oblastlarinda ken` tarqaliwg`a iye boladi. Solay etip marjan 

qurilislari  u`zliksiz  rawajlanadi.  Bir    metr  marjan  polipnyaginin`  o`sip  jetilisiwi  ushin  jasaw 

sha`rayatlarina qarap 35 jildan 335 jilg`a shekem dawam etedi. 

 

19 

     Marjan  qurilislarinin`  arasinda  onin`  u`sh  tipi  belgili    jag`a  boyi  rifi  /materik  okean  jag`asina 

taqalip jaylasadi/ Bar`er rifi  qurg`aqliqtan suwdin`  aytarliqtay  ken` polosasi menen ayrilip turadi.  

Atoll  halqasinda  a`dette  bir  neshe  o`tkil  bolip  olar    arqali    halqa    ishindegi  lagunag`a  bariwg`a 

boladi. 

     Bar`er  riflerinin  en`  belgilisi  u`lken  bar`er  rifi  bolip  ol    Avstraliyanin`  shig`is    jag`asin    boylap  

1900  km  ge  soziladi  ha`m  maretikten  eni  35-125  km  lik  kanal  menen  bo`linip  turadi.    Atollardin`  

og`ada  ken` rawajlang`an rayoni  Tinish  okean oblasti bolip bug`an Gilbert Marshall Ellis Tuamotu 

h. t.b  misal boladi. 

 

            Qurg`aqliq rel`efinin` basli belgileri 

            ------------------------------------- 

     Qurg`aqliq elementlerinin` birden ko`zge tu`setug`in elementi tawlar bolip tabiladi.  Olar eki iri 

u`stirtlikler poyasin payda etip olardin` biri Tinish okeaninin` shig`is jag`alarin  meridinal` bag`itta 

boylap o`tedi. Al ekinshisi  ko`binese batistan shig`isqa qarap sozilip Evraziyani kesip o`tip onnan 

Zond atawlari menen shig`is Aziyanin` atawlarina o`tedi. 

     Evraziyanin` jas  tawlarinin` poyasi eki shaqapqa bo`linedi. Poyastin` arqa shaqabi Pireney Al`p 

Karpat  Balkan  kishi  Aziya  yarim  atawinin`    tawlari  Kavkaz    Elbrus    Kopet-Dag  gimalay  tawlari 

sistemasinin` arqa bo`limleri menen Hindi Qitay yarim atawinin` tawlari jatadi. 

 

              Gipsografiyaliq siziq ha`m onin` analizi 

             --------------------------------------- 

     Ha`r  qiyli    biiyklikler    menen    teren`liklerdin`    jerde  iyeletug`in  maydaninin  o`z-ara  qatnasig`i 

gispografiyaliq  siziqta  og`ada  ayqin  ko`rinedi.  Gispografiyaliq  siziq  to`mendegidey  du`ziledi. 

Gipsografiyaliq  siziqtan  qurg`aqliqta  1000  m  den  kemirek  biyikliklerdin`  u`stemlik  etetug`ini  al  

Okeaniyada  3000  m  den  6000  mge  shekemgi  teren`liklerdin`  u`stemlik  etetug`ini  ayqin  ko`zge 

tu`sedi.    Biyik  tawlar    menen    teren`    suwli  shun`gilerdi  jerde  azg`ana  maydandi  iyeleytug`ini  da 

ko`zge tu`sedi. 

     Gipsografiyaliq siziqtan paydalinip qurg`aqliqtin` ortasha biyikligin Okeannin` ortasha teren`ligi 

h. t.b lardi biliwge boladi.      Qurg`aqliqtin` ortasha biyikligi 875 m jer ju`zlik okeannin`  ortasha 

teren`ligi 3790 m.  Gipsografiyaliq siziqti qatti jer betinin` juwmaqlastirilg`an profili dep qarawg`a 

boladi.    Ol  profilde  eki  materik  ha`m  okean  tekshesi    ayqin    ko`rinedi.    1-si  jen`il  granit 

massalarinan 2-si awir bazal`t massalarinan quraladi. 

     Gipsografiyaliq  siziqtin`  eki  tekshesi  jer  beti  du`zilisinin`  xarakterli  belgilerin  ko`rsetedi. 

Gipsografiyaliq  siziq  qiyalig`inin`  sezilerli  o`zgeriwi    biyiklikleri  menen  teren`liklerdi  xarakterli 

tekshelerine  tuwri  keletug`in  bir  neshe  bo`limlerge    tawlarg`a,    u`stirtliklerge,  oypatliqlarg`a, 

materik sayizlig`ina materik janbawirlarina okean tu`bine ha`m teren` suwli shu`n`gillerge bo`liwge 

mu`mkinshilik beredi.  

      Jer qabig`inin` terbemeli ha`reketleri  ha`m  onin` geografiyaliq  na`tiyjeleri. 

           ------------------------------------------- 

     Jer  qabig`inin`    terbelmeli    ha`reketleri  litosferanin`  og`ada  u`lken  uchastkalarinin`  ko`teriliw 

yaki  sho`giwdi  bastan  keshiriwi  bolip  tabiladi.  Bunday  ha`reketler    jerde    byuir  waqittin  o`zi  de 

boliwi mu`mkin ha`m uaqittin` o`tiwi menen ko`teriliw o`z-ara orin almastiriwlari da mu`mkin. 

     Jer  qabig`inin`  xa`zirgi  zaman  terbelmeli  ha`reketleri  instrumental  baqlawlardin`  na`tiyjelerine 

qarag`anda Predkavkaz`e jilina 5-7 mm tezlik penen  sho`getug`ini al Donbass Orta  russ u`stirtligi 

ha`m azov kristall massivinin` jilina 6-10 mm lik tezlik penen  ko`terilip  atirg`ani aniqlandi. 

     Jer  qabig`inin`  terbelmeli  ha`reketinin`  na`tiyjesinde    qurg`aqliqtin`  bazi  bir  uchastkalari 

ko`teriledi  ekinshi  bir  uchastkalari  sho`gedi.    Kurg`aqliq  ko`terilgende  ten`iz  regressiyasi  /latinsha 

qaytiw  degen/  kelip 

 

20 

shig`adi, bunday jag`dayda ten`izdin` maydani kemeyip onin` jag`a zonasindag`i uchastkalar ashilip 

qaladi. Qurg`aqliq sho`kkende ten`iz transgressiyasi /latinsha o`tiw basip keliw/ dep ataladi. 

     Bunday jag`dayda qurg`aqliqtin` a`dewir bo`limin ten`iz basip ketedi. 

qurg`aqliq maydaninin`  ken`eyiwi qurg`aqliq haywanlari menen o`simliklerinin` migratsiyalaniwin 

qiyinlastiradi. 

     Qurg`aqliqtin`  ko`teriliwi  menen  sho`giwi  eroziya  bazisin  /eroziya  latinsha  jemiriw/  bazis 

/grekshe tiykar/ ko`terip yaki pa`seytip  da`r`yalardin` eroziyaliq jumisina ta`sir etedi. 

 

            Katpar payda boli 

        ------------------------- 

 

     Jer  qabig`inin`  uliwma  terbelmeli  ha`reketinin`    barisinda    turaqli  jag`dayin  uzaq    waqit 

saqlaytug`in ha`m a`ste aqirin tolqin ta`rizli awisiwdi bastan keshiretug`in ko`teriliw ha`m sho`giw 

oblastlari bo`linip  shig`adi. 

     Bunday oblastlardin` birewlerinde tolqin ta`rizli ha`reketler  u`lken ko`lemleri  menen  ajiratilip 

olarda  intensiv  tu`rde  ko`teriletug`in  ha`m  sho`getug`in  zonalar  bir-birleri  menen  almasip  turadi.  

Bunday  oblastlar geosinkli la`lar yaki geosinikal` oblastlar dep ataladi. 

     Bunday  oblastalrda  ha`reket  etiwdin`  amplitudasi  12-18  km  ge    shekem  jetedi.    Geosinkal` 

oblastlar  jer  qabig`i  astindag`i  zatlardin`  quramali  differentsiyalaniw  protsessi  bolip  o`tip  atirg`an 

uchatskalari    bolip  esaplanadi.  Sonin`  menen  birge  bunday  oblastlar  jer  qabig`inin`  astinan  og`ada 

ko`p mug`darda energiya bo`linip shig`ip  atirg`an  uchastkalari bolip esaplanadi. 

     O`zinin` rawajlaniw protsessinde geosinknal` eki  stadiyani  bastan 

keshiredi. 1.Ol  teniz  basseyni  bolip  jer qabig`i ol jerde intensiv 

tu`rde  sho`gedi.  Sonin`  ushin  ko`p  mug`darli  sho`gindi  jinislar  menen  suw  asti  vulkannin`  lava 

produktleri  jiynaladi.  Rawajlaniwdin`  ekinshi  stadiyasinda  jer  qabig`inin`  ko`teriliw  protsessi 

baslanip ten`iz sho`gedi jinislar qatparlanadi ha`m u`zilme ha`reketler kelip shig`adi. 

     Kembriyden  keyingi  waqitta  tektonikaliq  ha`reketler  menen  xarakterlenetug`in  kristal    taw 

jinislarinan  quralg`an  materiklik  jer  qabig`inin`  ken`  uchatkalari  platformalar  /latinsha  jaziq    tegis  

degen/    dep  ataladi.  Platformalardin`    ko`pshiligi    arxey  ha`m  proterozoydin`  a`yyemgigi 

platformalari  dep  ataladi.  Olar  to`mendegilerden  ibarat  Arqa  Amerika,  Tu`slik  Amerika,  Qitay 

Afrika Arabstan Hindstan Avstraliya ha`m Antarktida platformalari. 

     Platformalardin` ayirim  bo`lekleri  palezoyda payda bolg`an.  Rus 

Platformasindag`i  Timan  kryajinin`  oblasti  kaledon    orogenezinde    payda  bolg`an.  Palezoy  

da`wirinde payda bolg`an platformalar dep atalip olar mezozoy da`wirine kelip tegislengen. 

 

                                Taw payda boliw 

                                ------------------ 

 

     Tawlar taw qirlari ha`m taw elleri jer qabig`inin` aktiv ha`rekette 

Bolatug`in  geosinklinal  poyas  yaki  geosinknal`  sistemadan  kelip  shig`adi.  Jer  qabig`inin`    bunday 

formasi  tektonikaliq  jaqtan  ha`reketshen`  boladi.  To`mengi  palezoydag`i  geosinknal`  poyasta  silur 

menen  devonnin`    basinda  qatmarli  kaledon    orogenezi  kelip  shig`adi.    Kaledon  orogenezinde 

Shatlandiya Pribaykal`e Shpibergen appalachidin  arqa  bo`limiinin`  tawlari payda bolg`an. 

     Palezoydin` ekinshi yariminda gertsin orogenezi payda bolip ol  devonnin` aqirina ha`tte triastin` 

basina  shekem  dawam  etedi.    Usi  da`wirde  Uraldin`  orayindag`i  tawlar  Batis  Sibir`  menen    Orta  

Aziyanin`    tawlari  Tyan`-Shan`  tawlari  Sayan  tawlari  Britaniya  atawlarinin`  tu`slik  bo`limindegi 

tawlar payda bolg`an. 

     Mezozoy da`wiri dawaminda gertsin orogenezinide payda bolg`an jan`a 

geosinknalda ugiliw produktalri toplanadi. Bul jer qabig`inin` qatparlaniwina alip keledi. 

 

21 

     Al`p  geosinknal  qatmari  Tetis  okeaninin`  orninda  kelip  shig`ip  na`tiyjede  Atlas    Pireney  Al`p 

Apennin  Balkan  Karpat  Kirim  Kavkaz  Pamir  Alay  Gimalay  tawlari  menen  Saxalin  tawlari  Yapon 

ha`m Filippin atawlarinin` tawlari And tawlari payda boladi. 

     Mezokaynazoy orogenezi da`wirinde paksali xarakterge iye  tawlar 

payda boldi. Buring`i  qatmarli  ha`m  jan`a u`zilme disklokatsiyalardin` 

/frantsuz  awisiw/  o`z-ara  qatnasiwina  baylanisli  payda    bolg`an    tawlar  paksali  paksali-qatmarli 

ha`m qatmarli tawlar kelip shig`adi. 

     A`yyemgigi  dokembriy    platformalarinda    Hindstannin`    Gati    tawlari  Arabstan  menen  Orayliq 

Afrikanin`  taw  qirlari  palezoy  platformalarinda  Skandinaviya  tawlari  Orayliq  frantsuz  massivi  

Altay  Sayan  tawlari Avstarliyanin` Al`p tawlari payda bolg`an. 

 

                      Jer silkiniwler 

                   ---------------------- 

 

     Jer  silkiniwler  tektonikaliq  ha`reket  tu`rlerinin`  biri  bolip  olar  jer  qabig`inin`    tosattan    ha`m  

keskin  titirewi  tu`rinde  ju`zege  keledi.  Jer  silkiniwler  barliq  waqit  jer  qabig`indag`i  u`zilmeler 

menen    baylanisli  boladi.    Taw    jinislarinin`    massasinin`  birirlerine  qarap  tez  jilisip  du`gisiwinen 

payda bolatug`in tu`rtkiler serippeli terbeliwlerdi keltirip shig`aradi. 

     Onday terbeliwler jer qabig`inin` u`stinde  ha`r  qiyli  ozgerisler 

Jariqlar  sho`giuler  ha`m  t.b  payda  boladi.    Solay  etip  jer  silkiniwler  o`zlerinin`  bolatug`in 

oblastlarinda  tektonikaliq  ha`reketlerden    en`  aldi  menen  taw  payda  boliw  protsesslerinin`  bar 

ekeninen derek beredi. 

     Jer silkiniwler gipotsentrliklerinin` /to`mengi oray/ jaylasiw teren`liigne qarap  normal  /teren`ligi 

60 km den kem/ araliq /60-300 km ge shekem/ ha`m teren` fokusli /300 kmden artiq geyde 700 km 

ge  shekem/bolip bo`linedi. 

     Jer  sharinda  ha`r  jili bir  neshesh  mln  jer  silkiniwler    bolip    onin`  10 protsentin  adamlar  sezedi.  

Sonin` menen birge jer sharinda ha`r jili 20 ga jaqin qiyratiwshi jer silkiniw boladi.  Jerdin`  titirewi  

ha`tte sekundtin` da bo`limlerine dawam etiwi mu`mkin. 

     Sonin`  o`zinde  bir  neshe  a`wladlardin`  miynettin`  joqqa    shig`arip    gullengen  qalalardi  

qarabaxanag`a    aylandiriwg`a  ku`shi  jetedi.    Song`i  100  jil  ishinde  jer  silkiniwlerden  1000000  g`a  

jaqin    adam    o`lgen.    Sonin`  ushin  da  jer  silkiniw  ta`biyattin`  en`  qa`weterli  qubilislarinin`  birine 

jatadi. 

     Jer silkiniwlerdin`  tarqaliwi  bir tegis emes.  Jer silkiniwler 

Materiklerdin`  a`yyemgigi  platformalarinda  /Kanada,  Braziliya,  Rus  tegisligi,  Afrika,    Hindstan, 

Avstarliya ha`m Antarktida/ bolmaydi dewge boladi. 

     Sebebi usi  ati  atalg`an rayonlarda taw payda boliw protsessleri 

joq.  Taw  payda  boliw  protsessleri  ele  tamam  bolmag`an  jas  qatparli  tawlar  zonasinda    jer  

silkiniwler    ku`shli  ha`m  jiyi  boladi.    Bunday  jer  silkiniwler  Italiya,    Gretsiya,  Turkiya,  Iran, 

Turkstannin`  arqa   bo`limi Hind-Qitay yarim  atawinin`  ellleri Tu`slik Amerikanin` Batis rayonlari 

Yaponiya Arqa ha`m Orayliq Amerikanin` elerinde jiyi ha`m ku`shli jer  silkiniwler boladi. 

     Elimizde  aktiv  jer  silkiniw  rayonlarina  Prikarpat`e  Tu`slik  Qirim  Kavkaz  Tu`slik  Turkmenstan 

Orayliq  Aziyanin`  tawli  rayonlari  Altay  Sayan  tawlari  Kamchatka  yarim  atawi  jatadi.  Ten`iz 

silkiniwlerinin`  gipotsentrleri  ta`biyiy  tu`rde  okenalar  menen  ten`izlerde  payda  boladi.  Bunday 

sha`rayatlarda  gipotsentrde  payda  bolg`an  terbeliwler  ten`iz  tu`bin  qurastiratug`in  jinislardin` 

qabatlari arqali o`tip suw qabatina o`tedi de suwda terbeliw sekundina 1,5 m tezlik penen tarqaladi. 

     Jer  silkiniwlerdi  geografiyaliq  na`tiyjeleri  og`ada  ha`r  qiyli.  Misali  jariqlardin`  payda  boliwi, 

qurg`aqliq  yaki  ten`iz  tu`binin`  og`ada  u`lken  uchastkalarinda  ko`teriliw  yaki  sho`giwi  jilispa 

qulama  ha`m  qar  ko`shkilerinin`  kelip  shig`iwi  grunt  suwlarinin`  rejimi  menen  ha`reketinin` 

o`zgeriwi punamilardin`  payda boliwi jer silkiniwler menen baylanisli kelip shig`adi. 

 

22 

 

                    Vulkanlar 

                   ------------ 

     Jerdin` ishki bo`liminen oni u`stine qarap turaqli tu`rde  yamasa waqti waqti  issi gaz lava ha`m