O’zRes Pre. I. A. Karimov- vatan tarixini o’rganishning axamyati to’g’risida

100. Ta’lim taraqqiyoti. Ta’lim to’g’risidagi qonun
Ta’lim sohasidagi dastl'abki islohothar. Ma'lumki, sho’rolar hukumati davrida hukmron tuzum o’zining jahonda eng insonparvar, odil, demokratik va eng savodxon jamiyat barpo etgani bilan maqtanib butun jahonga jar solar edi. «Dunyodagi eng o’qimishh mamlakat», «oliy ma'lumotli mutaxassislar soniga ko’ra jahondagi birinchi davlat» degan soxta ta'riflar berilardi. Sirtdan qaraganda, haqiqatan ham, manzara shunday edi. Sobiq SSSRda yuzlab universitet va institutlar, oliy va o’rta maxsus bilim yurtlari, minglab ilmiy-tadqiqot muassasalari faoliyat ko’rsatardi. Lekin ular, son va miqdor jihatidan ko’p bo’lgani bilan jahon andozalari darajasida emas edi. Buning asosiy sabablaridan biri kommunistik jamiyatda hamma narsa, jumladan, ilm-fan, maktab-maorif tizimining ham o’sha yolg’on g’oyalarga qurbon qilinganida edi. Sovet Ittifoqini tanazzulga olib kelgan sabablardan biri ham shunda ekani shubhasiz. Istiqlolning dastlabki kunlaridanoq fan va texnikaga munosabat o’zgardi, xalq ta'limi tizimini jadal isloh qilishga kirishildi. 1992-yilda mustaqil O’zbekiston Respublikasining «Ta'lim to’g’risida»gi Qonuni qabul qilindi. Mazkur Qonun, birinchidan, O’zbekiston ta'lim tizimida ilgari erishilgan muvaffaqiyatlarni saqlab qolishga, ikkinchidan esa, eski tuzum sarqitlarini ko’rsatib berishga xizmat qildi. 1992-yil qabul qilingan «Ta'lim to’g’risida»gi Qonun eski tuzumdan yangisiga o’tishga ko’prik vazifasini o’taydigan qonun edi. Mustaqillikning dastlabki yillarida amalga oshirilgan islohotlarning eng muhim jihati - ta'lim mazmunini yangilashdan iborat bo’ldi. Ta'lim mazmuni tahlil qilinib, o’quv reja va dasturlarga o’zgartirishlar kiritildi. Istiqlolning birinchi yillari ta'lhnning barcha turlaridagi o’quv fanlari mazmunidagi mafkuramizga zid bo’lgan g’oyalar o’quv dasturi va darsliklardan chiqarildi. Ta'lim mazmuniga mustaqil mamlakatimizning milliy g’oyalari singdirildi. Masalan, mustaqillikdan avval umumtalim maktablarida O’zbekiston tarixi bor-yo’g’i 17 soat umumiy tarix tarkibida o’qitilar edi. U ham bo’lsa, sovet tarixshunosligi mafkurasi asosida bayon etilar edi. Jumladan, Sohibqiron Amir Temurning jahonshumul ishlarini chetlab o’tib, uni bosqinchi deb, o’quvchilarda noto’g’ri fikr uyg’otishga harakat qilingan. Mustaqillikka erishilgandan so’ng maktablarimizda O’zbekiston tarixi alohida o’quv fani tariqasida joriy etilib, V-XI sinflarda jami 340 soat o’qitiladigan bo’ldi. Darsliklarda birinchi marta O’zbekiston tarixining jahon tarixida tutgan o’rni ko’rsatib berildi. Jumladan, O’rta Osiyo uyg’onish davrining Yevropa madaniyatining vujudga kelishiga ta'siri, bunda Amir Temur, Bobur, Al-Xorazmiy, Al-Farobiy, Al-Beruniy, Ibn Sino va boshqa allomalarimizning jahon tarixida tutgan o’rni va mavqei haqqoniy yoritib berildi. Mamlakatda prinsip jihatdan yangi o’rta o’quv yurtlari - litsey va gimnaziyalar, ya'ni, ayrim fanlar chuqur o’rganiladigan maktablar tarmog’i tez rivojlandi. Ta'lim muassasalarining o’quv rejalari, ta'lim shakllari va usullarini ishlab chiqishda erkinlikka ega bo’lganliklari prinsip jihatdan yangilik bo’ldi. o’quvchilar bilimini sinashda an'anaviy usullar bilan birga test sinovlaridan o’tkazish tizimi kengroq qo’llana boshlandi. Ta'limga e'tibor deyilganda ta'lim mazmuni qatorida ta'lim muassasasi binolari ham tushuniladi. Mustaqillikning ilk yillarida Prezidentimizning da'vati bilan yangi maktablar qurilishi boshqa MDH davlatlaridek to’xtab qolgani yo’q. Jumladan, 1994-yilda 80 ming o’rinli 209 ta, 1995-yilda 55 ming o’rinh 134 ta, 1996-yilda 64 ming o’rinli 198 ta maktab qurilib foydalanishga topshirildi. Eng zamonaviy ixtisosliklar bo’yicha alohida universitet va institutlar, jumladan, Jahon iqtisodiyoti va diplomatiya universiteti, Toshkent aviatsiya instituti, Navoiy kon-metallurgiya instituti, Mudofaa vazirligi qoshida Harbiy akademiya, Ichki ishlar vazirligi qoshida Ichki ishlar akademiyasi, Bank-moliya akademiyasi kabi o’nlab yangi Oliy o’quv yurtlari tashkil etildi. Toshkent davlat elektrotexnika va aloqa texnikumi institutga aylantirildi. Viloyatlarda yangidan-yangi o’quv yurtlari ochildi. Prezident I.Karimovning 1992-yil 28-fevraldagi Farmoni bilan sakkizta viloyat pedagogika institutlariga universitet maqomi berildi. Bu hukumatimiz izchil madaniy-ma'rifiy siyosatining yana bir dalili bo’ldi. Mamlakat viloyatlarida Oliy universal ta'limni joriy etishda rivojlangan davlatlar tajribasiga suyanib ish tutildi. Jumladan, Amerika Qo’shma Shtatlarining Kembrij shahridagi Garvard, Stenford, Priston, Buyuk Britaniyaning Oksford, Lid, Fransiyaning Strasburg, Lion, Dijon, Grenobl shaharlari nomi bilan ataluvchi universitetlari bu mamlakatlarning poytaxtlarida emas, turli viloyatlarida joylashgan bo’lishiga qaramasdan, o’zining yuksak malakah kadrlar tayyorlash va ilmiy salohiyatlari bilan jahonda nom qozongan. Xalqi ma'rifatli, jahon ilm-fani va madaniyatidan xabardor mamlakatning ravnaqiga ravnaq qo’shilaveradi. Shu bois keyingi yillarda O’zbekiston rahbariyati joylarda ilm-fanni, birinchi galda, universal oliy ta'limni rivojlantirish uchun barcha chora-tadbirlarni ko’ra boshladi. Bu maqsadlarga katta miqdorda mablag’ ajratildi. Xorijiy mamlakatlar bilan ilmiy-texnikaviy ta'lim sohasida hamkorlik tobora chuqurlashib bordi. Shubhasiz, bu tadbirlar mazkur tizimda keskin burilish yasash, kelajakda mamlakatni yuksak malakali bilimdon mutaxassislar bilan ta'minlash imkonini berdi. Mustaqillikka erishilgan kundan boshlab, xalq ta'limi xodimlarini moddiy va ma'naviy rag’batlantirish, yordam berish masalalariga e'tibor kuchaytirildi. 10 mingdan ortiq xalq ta'limi xodimiga davlat uylari bepul xususiylashtirib berildi, 22 mingdan ortiq xodimga esa tashkilot va muassasalar tasarrufidagi uylar xususiylashtirilib berildi. 50 mingdan ortiq pedagog xodimga shaxsiy qurilish uchun yer maydonlari ajratildi. Qishloqlarda istiqomat qiladigan pedagog xodimlarning hammasi kommunal xizmat uchun to’lovlardan ozod etilgan bo’lsalar, shaharliklar uning 50 foizi miqdorida to’lab bordilar. Keyinchalik kommunal xizmat bo’yicha bu imtiyozlar oylik maoshlariga qo’shib beriladigan kompensatsiya bilan almashtirildi. Moddiy manfaatdorlikka ma'naviy rag’batlantirish hamohang bo’ldi. O’zbekiston Respublikasi Oliy Majlisining 1996-yil dekabrdagi Qarori bilan 1-oktabr - «O'qituvchilar va murabbiylar kuni» deb belgilandi hamda bu kun bayram sifatida dam olish kuni deb e'lon qilindi. Bu bayram arafasida yuzlab ta'lim fidoyilariga davlatning eng mo’tabar mukotlari topshiriladigan bo’ldi. Uzluksiz ta’limga asos solinishi. l992-yilda qabul qilingan “Ta'lim to’giisida”gi Qonunga muvofiq umumiy o rta ta hm tarkib jihatdan uch bosqichdan, ya'ni boshlang’ich (1-4-sinf-tayanch (5-9-sinflar) va o’rta ta'hm (10-ll-sinflar)dan tashkil topgan edi. ikur ta'lim tizimi bo’yicha eng asosiy kamchihk bu - o’sib kelayotgan avlodni mustaqil fikrlashga o’rgatish, mehnat faoliyatiga tayyorlash muammosining lo bo’lganhgi edi. Aniq bir mutaxassislikni, biror bir mehnat faoliyati ko’nikmalarini egallamagan 9-sinf bitiruvchilari (shuningdek, 11-sinf bitiruvclhlari ) hayotda o’zlariga munosib o’rin topolmayotganliklari kuzatildi. Mavjud ta'lim tizimining ikki joyida, ya'ni tayanch (1-9-sinflar) ta'limi bilan o’rta ta’lim (10-11-sinflar) hamda umumiy o’rta ta'lim bilan o’rta maxsus ta'lim o’rtasida «uzilishlar» mavjudligi ko’zga yaqqol tashlanib qoldi. 1992-yilda qabul qilingan «Ta'lim to’g'risida»gi Qonun eski tuzum sarqitlarini ko’rsatib berishga, illatlarni anglab olishimizga, aniqrog’i eski tizimdan yangisiga o’tishga ko’prik vazifasini o’tadi. Lekin ta'lim tizimini tubdan isloh qilishga yetarli asos bo’la olmasligi kuzatildi. Bozor iqtisodiyotiga o’tilayotgan hozirgi sharoitda ta'lim jarayonining turli bosqichlariga mansub bilim maskanlari o’rtasidagi uzviy bog’liqhkni sifat jihatidan yangi bosqichga ko’tarish dolzarb vazifalardan biridir. 1997-yil fevralda Prezident Islom Karimov Vazirlar Mahkamasidagi yig’ilish ta'lim tizimini tubdan isloh qilish masalasini ko’tardi. Bu borada Prezident shunday dedi: «Ta'lim tizimini tubdan qayta ko’rib chiqish vaqti yetdi, professional bilimlarni egallash imkoniyatlarini kengaytirish, ma'mur-menejerlarni tayyorlashni yo’lga qo’yish, yangi sharoitlarda, yangi zamonaviy texnologiyalarda ishlashga qobil ishchi va mutaxassislarni tayyorlashni yo’lga qo’yish lozim».

101. Prezident I.Karimovning tashabbusi bilan ishlab chiqilgan yangi «Ta'lim to’g’risida»gi Qonun hamda “Kadrlar tayyorlash milliy dasturi” 1997-yil 29-avgustda O’zbekiston Respublikasi Oliy Majlisining birinchi chaqiriq to’qqizinchi sessiyasida qabul qilindi. Yangi «Ta'lim to’g’risida»gi Qonun bo’yicha ta'lim turlari maktabgacha ta'lim 7 yoshgacha), umumiy o’rta ta'hm (9 yillik), o’rta maxsus, kasb-hunar ta'limi 3 yillik), oliy ta'lim, oliy o’quv yurtidan keyingi ta'lim, kadrlar malakasini oshirish va ularni qayta tayyorlash, maktabdan tashqari ta'limdan iborat qilib belgilandi (13-ilova). Qabul qilingan «Ta'lim to’g’risida»gi Qonun hamda «Kadrlar tayyorlash milliy dasturi» maktabgacha ta'limdan to fanlar akademiyasigacha bo’lgan zamonaviy, yangi uzluksiz ta’lim tizimini vujudga keltirishga, O’zbekiston ta'hm tizimini tubdan isloh qilishga asos bo’ldi. Maktabgacha ta'lim. Uzluksiz ta'lim maktabgacha ta'hmdan boshlanadi. Ta'lim tizimining eski tuzilmasida u «Maktabgacha tarbiya» deyilar edi. Yangi ta’lim tizimi bo’yicha «Maktabgacha ta’lim» deb nomlanib, «Kadrlar tayyorlash milliy dasturi» asosida nafaqat «bog’cha» bolalari, balki respublikadagi 6-7 yoshgacha bo’lgan jamiki bolalarni maktab ta'limiga tayyorlash masalasi qo’yildi. Hozirgi paytda respublika bo’yicha 6899 ta maktabgacha ta'lim muassasasida 631 ming bola ta'lim-tarbiya olmoqda. Ulardan 203 tasi «Maktab-bog’cha» majmuasi, 186 tasi sanatoriya tipidagi maktabgacha ta’lim muassasalaridir. Bolalarni maktabgacha tayyorlash qamrovini kengaytirish maqsadida maktabgacha ta’limning noan'anaviy turlari - xonadon bog’chalari, shanba va yakshanbalik maktablari, turli markaz va guruhlar tashkil etish, ularni me'yoriy hujjatlar, variativ dasturlar, qo’llanmalar, didaktik materiallar bilan ta'minlashga e’tibor berilmoqda. Maktabgacha ta'lim yoshidagi bolalarni ta’limning maktab bosqichiga tayyorlash, bolalar bog’chalari, umumta’lim maktablari, mahalla guzarlari, maktabdan va sinfdan tashqari muassasalar qoshida tashkil etilgan qisqa muddatli guruhlarda «Uchinchi ming yillik bolasi» tayanch dasturi asosida amalga oshirilmoqda. 2003-yilda shu yo’l bilan 535 ming 6-7 yoshli bolalar maktab ta'limiga tayyorlab berildi. Bu umumta’lim maktablarning 1-sinflariga 2003-yilda qabul qilingan bolalarning 88,5 foizini tashkil etadi. 2001-yilda bu ko’rsatgich 57,0 foizni, 2002-yilda esa 84,0 foizni tashkil etgan edi.Vazirlar Mahkamasining 1999-yil 24-iyundagi Qaroriga muvofiq xususiylashtirilgan maktabgacha ta'lim muassasalari soni yildan-yilga ortib bormoqda. 2003-yilning o’zida 96 ta maktabgacha ta’lim muassasasi xususiylashtirildi. 2004-yil 1-yanvargacha bo’lgan ma’lumotga ko’ra, jami 145 ta xususiy maktabgacha ta'hm muassasasi faoliyat ko’rsatmoqda. Umumiy o’rta ta’lim. Umumiy ta’lim uzluksiz ta’lim tizimida asosiy bo’gin bo’lib, ta’lim oluvcliilarning ilmiy bilimlar olishini, mehnat ta'limi, boshlang’ich kasbkor ko’nikmalari, ishbilarmonlik asoslarini egallashlarini, shuningdek, o’z ijodiy qobiliyatlari va ma'naviy fazilatlarini rivojlantirishlarini ta'minlaydi. Yangi ta'lim tizimi bo’yicha umumiy o’rta ta’lim boshlang’ich ta’lim (1-4-sinflar) va o’rta ta’lim (5-9-sinflar) bosqichlaridan iborat. 2003-2004-o’quv yilida 9711 ta umumta’lim maktabida 6 mln 226 ming o’quvchi ta’lim oldi. «Kadrlar tayyorlash milliy dasturi» asosida ishlab chiqilgan va Vazirlar lahkamasi tomonidan 1999-yil avgustda tasdiqlangan «Umumiy o’rta ta'lim davlat ta'lim standartlari» asosida yangi o’quv dasturlari amaliyotga joriy etildi. Darsliklarning yangi avlodini yaratish borasida izlanishlar olib borilmoqda. O’quvchilarni darsliklar bilan ta'minlash masalasi mamlakatimizda ustuvor lasalalardan biri bo’lganligi bois, Vazirlar Mahkamasining 2001-yil 5-fevraldagi qarori bilan tasdiqlangan «Ona va bola» davlat dasturida «o’quvchilarni kutubxonalardan pulli-qaytarib beradigan darsliklar bilan ta'minlash tizimini tashkil tish» to’g’risidagi tadbiri belgilangan. Xalq ta'limi vazirligi ushbu tadbirni Osiyo araqqiyoti Bankining kredit mablag’lari hisobidan «Umumta'lim maktablari chun darsliklar va o’quv adabiyotlarning nashr qilish tizimini takomillashtirish jyiliasi» doirasida amalga oshirmoqda. 2001-2002-o’quv yilidan e'tiboran maktab o’quvchilariga darsliklarni ijaraga berish tizimi asosida ta'minlashga bosqichma-bosqich o’tila boshlandi. 2001-yildan boshlab darsliklarni tanlov asosida yaratish yo’lga qo’yildi. Tanlov alqaro miqyosda e'lon qilingan bo’lib, unda nafaqat O’zbekistondagi, balki xoriy mamlakatlarning nashriyotlari ham ishtirok etishi mumkin. Xalq ta'limi tizimida «Kadrlar tayyorlash milliy dasturi» ijrosining birinchi bosqichi asosiy vazifalaridan bo’lgan monitoring tizimi shakllantirildi. Bunda o’quvchilarning Davlat ta'lim standartlarini va o’quv dasturlarini o’zlashtirishi monitoring yordamida aniqlash, uning natijalari asosida chora-tadbirlar belgilash, pirovard natijada ta'lim samaradoriligi oshirish ishlari yo’lga qo’yildi. «Kadrlar tayyorlash milliy dasturi»ni ro’yobga chiqarishning ikkinchi bosqich izifalaridan ilg’or yangi pedagogik texnologiyalarni tanlash va ta'lim jarayoniga eng joriy etish, ta'lim muassasalarining moddiy-texnika va axborot bazasini mustahkamlash, ta'lim sifatini oshirishga alohida e'tibor berilmoqda. Yangi ta'lim tizimiga muvofiq iqtidorli va iste'dodli o’quvchilar uchun 500 dan ortiq yangi turdagi o’quv muassasalari tashkil etildi. Iqtidorli o’quvchilar bu ta'lim argohlarida xorijiy, xususan, ingliz tilini ham puxta o’rgana boshladilar. Bu ularning xalqaro fan olimpiadalarida qatnashish imkoniyatini yaratdi. Mustaqillikning dastlabki yillaridayoq bir necha nafar O’zbekiston o’quvchilari xalqaro fan impiadalarining g’oliblari bo’lishdi. Ayni kungacha 50 nafardan ortiq iqtidorli o’quvchilarimiz turli xalqaro olimpiadalarida oltin, kumush va bronza medallarini qo’lga kiritib, O’zbekiston degan nomning bir qancha rivojlangan davlatlar orasida tilga olinishiga erishdilar. Bu yurt farzandlarining salohiyati yuqori ekanligidan, ta'lim tizimining mukammalligidan darak beradi. O’rta maxsus, kasb-hunar ta'limi. O’zbekiston Respublikasining «Ta'lim to’g’risida»gi Qonuniga muvofiq umumiy o’rta ta'limning to’qqiz yillik etib belgilanishi munosabati bilan kelajakda to’qqiz yillik maktabni tugatgan barcha o’quvchlar ta'lim olishni o’rta maxsus yoki kasb-hunar kollejlarida ta'lim olishni davom ettiradlar. Bu yangi ta’lim tizimiga bosqichma-bosqich o’tilmoqda. 2002-2003-o’quv yilida umumiy o’rta ta'lim maktablarining 9-sinflarini bitirgan 598 ming o’quvchidan 13 mingi akademik litseylarda, 202 mingi kasb-hunar kollejlariga qabul qilindilar. Qolgan o’quvchilar umumta'lim maktablarining 10-sinfida o’qishni davom ettirdilar. Yangi «Ta'lim to’g’risida»gi Qonundagi ta’limning yangi tun bo’lgan o’rta maxsus, kasb-hunar ta’limi bo’yicha qisqa vaqt ichida ulkan ishlar amalga oshirildi. 1998-2003-yilarda mamlakatimizda zamonaviy o’quv va ishlab chiqarish uskunalari bilan jihozlangan 36 ming o’quvchi o’rniga mo’ljallangan 57 ta akademik litsey va 368 ming o’quvchi o’rniga mo’ljallangan 539 ta kasb-hunar kolleji ishga tushirildi. Har bir viloyat va tumanlarda tadbirkorlik, fermerlik xo’jaliklari, aholiga xizmat ko’rsatish sohalari bo’yicha kasb-hunar kollejlari faoliyat ko’rsatmoqda. Akademik litsey va kasb-hunar kollejlari uchun 20 ta umumta'lim fanlaridan davlat ta'lim standartlari ishlab chiqilib, Vazirlar Mahkamasining 2000-yil 16-oktabrdagi «O’rta maxsus, kasb-hunar ta’lim standartlarini tasdiqlash to’g’risida»gi Qarori bilan tasdiqlandi. Vazirlar Mahkamasining mazkur Qarori asosida Akademik Litsey va kasb-hunar kollejlari uchun 23 ta umumta'hm fan dasturlari, akademik Litseylarning 69 nomdagi chuqurlashtirilgan fan dasturlari, kasb-hunar kollejlarining 3300 dan ortiq maxsus fan dasturlari, akademik Litseylarning 5 ta, kasb-hunar kollejlarining 277 ta tayyorlov yo’nalishlari bo’yicha tarmoq ta'lim standartlari, o’quv rejalari va dasturlari ishlab chiqilib, ta'lim jarayoniga joriy etildi. Bu o’quv dasturlari asosida akademik Litsey va kasb-hunar kollejlari uchun jami 602 nomda 4 mln ga yaqin nusxada darslik va o’quv qo’llanmalar yaratildi. Undan tashqari, 70 nomda elektron darslik va kompyuter dasturlari, 1210 ta maxsus fandan ma'ruza matnlari tayyorlanib, ta'lim muassasalariga yetkazildi. Kasb-hunar kollejlarining har bir o’quv dasturi bo’yicha turli nomdagi darsliklar yaratish bo’yicha ishlar amalga oshirilmoqda. Akademik litsey va kasb-hunar kollejlarida zamonaviy usulda dars bera oladigan pedagog-kadrlarni tayyorlash masalasiga katta e'tibor berilmoqda. 1998-2003-yilarda 39 ta soha va yo’nalish bo’yicha tashkil etilgan malaka oshirish markazlarida 41 mingdan ziyod pedagog malaka oshirish va qayta tayyorlash kurslaridan o’tdilar. «Ustoz» jamg’armasi yo’llanmasi va chet el investitsiyalari hisobidan 686 nafar tizim pedagoglari AQSH, Germaniya, Frantsiya, Gollandiya, Yaponiya, Koreya kabi rivojlangan xorijiy davlatlarda ilg’or pedagogik va axborot texnologiyalarni, zamonaviy dars uslublarini o’rganish bo’yicha malaka oshirib keldilar. Yangi ta'lim tizim bo’yicha tashkil etilgan akademik litsey va kasb-hunar kollejlari bitiruvchilarining birinchi navbati Mustaqillikning 10 yillik bayrami arafasiga to’g’ri keldi. Akademik Litsey va kasb-hunar kollejlarining 2001-yildagi 4890 nafar ilk «qaldirg’ochlari» hozirgi paytda oliy o’quv yurtlarida ta'lim olishni davom ettirmoqdalar, xalq xo’jaligining turli tarmoqlarida faoliyat ko’rsatmoqdalar. Oliv ta'lim. Davlatning jahon hamjamiyatida tutgan o’rni va mavqeini belgilovchi asosiy omillardan biri, bu uning intellektual salohiyatidir. Shu bois, mustaqil mamlakatimizda iqtidorli va iste'dodli yoshlarni izlash, kamolga yetkazish, kelajakda ularning aql-zakovatidan iqtisodiyot, ilm-fan, madaniyatning dolzarb muammolarini yechishda samarali foydalanish masalasi dolzarb vazifa etib belgilangan. 1997-yilda qabul qilingan «Ta'lim to’g'risida»gi Qonunga binoan Oliy ta'lim ikki bosqichda - bakalavriyat va magistratura bosqichlaridan iborat. Uzluksiz ta'lim tizimning oldingi bosqichlari bo’lgan maktabgacha ta'lim, umumiy o’rta ta'lim hamda o’rta maxsus, kasb-hunar ta'limi uchun o’qituvchi, muhandis-pedagog kadrlar tayyorlash oliy ta'lim zimmasiga yuklatilgan. Ikki pog’onali o’qish tizimiga o’tilgani ham Oliy ta'limni hozirgi zamon sharoitida yanada takomillashtirishga qaratilgan tadbirdir. Masalan, bakalavrlik darajasini olish uchun kamida 4 yil, magistrlik darajasini olish uchun yana kamida 2 yil o’qish talab qilinadi. Hozirgi paytda mamlakatimizda faoliyat ko’rsatayotgan 62 ta Oliy ta o’quv yurtida 260 ming talaba tahsil olmoqda. O’zbekiston mustaqillikka erishgandan so’ng yoshlarga hozirgi zamon eng ilg'or bilimlarini berish, ularni davr talabiga mos mutaxassis qilib tarbiyalashda hil ishlar olib borila boshlandi. Mustaqillik yillarida iqtidorli talabalarni xorijda yuboritish ishlari yo’lga qo’yildi. Respublikaning xalqaro aloqalari kengayishi natijasida o’quvchilarga hukumatlararo bitimlar bo’yicha xorijiy mamlakatlarning furli oliy o’quv yurtlarida bilim olish imkoniyati yaratildi. Har yili test sinovlaridan o’tgan 50 dan ziyod umumiy ta'lim maktablari, akademik litsey bitiruvchisi AKSELS yo’li bilan AQSHga o’qishga yuboriladigan bo’lindi. Yuqori malakali mutaxassislar tayyorlashda talabalarning xorijda o’tadigan stajirovkalariga va qo’shma korxonalar, firmalar, auditorlik kompaniyalarida ishlab qarish praktikasidan o’tishlariga katta ahamiyat berilmoqda. Shu kunlarda mamlakatimizdan 700 nafar talaba xorijiy mamlakat o’quv yurtlarida iqtisodiy ixtisoslar bo’yicha o’qishmoqda. Bir necha ming talaba 3 oydan bir yilgacha xorijiy uv yurtlarida ta'lim olmoqda.