P. Berdanova, P. Abdalieva, Sh. Oteniyazova Didaktika

Oqıtıw metodları tómendegi tiykarǵı funksiyalardı orınlaydı:

7 - sızılma. Oqıtıw metodlar ının` tiykarg`ı funkciyaları
«Oqıtıw metodı» ataması menen birge kóp hallarda «metodikalıq usıl» (sinonimleri – pedagogikalıq usıl, didaktikalıq usıl) túsinikleri de qollanıladı. Ol oqıtıw metodınıń quramlı bólegi, onıń áhmiyetli elementi, metodtı qollawda ayrıqsha qádem sıpatında táriyiplenedi. Metodikalıq usıllardıń hár túrliligi olardı anıqlastırıwǵa imkan bermeydi, biraq oqıtıwshı xızmetinde tez-tez qollanılatuǵın usıllardı ajıratıp kórsetiw múmkin:

8 – su`wret. Metodikalıq usıllardın` tu`rleri

Oqıtıw metodları túrli formalarda hámde hár qıylı oqıtıw quralları járdeminde qollanıladı. Bir qatar metodlar ózinde toparlı oqıtıw formalarınıń kórinislerin birlestiredi: lekciya, seminar, dástúr, sayahat, oqıw konferenciyası hám basqalar. Oqıtıw procesiniń toparlı formasında shólkemlestiriwde hár qıylı kórgizbeli qollanbalar: karta, diagramma, plakat, súwret, sızılma hám t.b. paydalanıladı. Texnikalıq qurallar (dioproektor, kino, úskene, televizor, videomagnitofon)dan, sonıń menen birge, kompyuter xızmetinen paydalanıwdıń individual, juplı yaki toparlı formalarınan paydalanıw múmkin.
Hár bir metod belgili bilim beriwshi wazıypanı nátiyjeli sheshiw, qalǵanları bolsa bir qansha nátiyjesiz bolıwı múmkin. Universal oqıtıw metodları joq, sonlıqtan sabaqta túrli oqıtıw metodlarınan yaki olardıń birikpesinen paydalanıw múmkin.
Oqıtıw metodların tańlaw tómendegi ólshemleri tiykarında anıqlanadı:

• 
  didaktikalıq maqset tiykarında;
  
• 
  oqıtıw mazmunı tiykarında;
  
• 
  oqıwshılardıń oqıw kónlikpelerin iyelew hám rawajlanıw dárejesi tiykarında; - oqıtıwshınıń tájiriybesi hám kásiplik tayarlıq dárejesi tiykarında.
  

Oqıtıwshı tárepinen qollanılıp atırǵan oqıtıw metodları birikpesi baslawısh klasslardan joqarı klasslarǵa ótiw tiykarında ózgerip hámde quramalı xarakterge iye boladı. Oqıtıw metodlarınan paydalanıw kólemi, jaǵdayı oqıtıwshınıń kásiplik tayarlıǵı hám sheberligi dárejesine baylanıslı halda ózgerip baradı.
Oqıtıw metodların tańlaw mashqalası uzaq dáwirden beri kritikalanıp kelmekte. Biraq izertlewler sanı kóp bolsada, bul haqqında jeke toqtamǵa kelinbegen. Usı jerde oqıtıw ámeliyatında qollanılıp atırǵan metodlar sistemasına toqtalıp ótemiz.
Oqıtıw metodlarınıń xarakteristikası tiykarǵı didaktikalıq maqsetler boyınsha sistemalastırıladı-2.