Pedagogika pan sipatinda. Pedagogikanin maqseti waziypalari. Ilimiy-izertlew metodlari

Pedagogika pan sipatinda. Pedagogikanin maqseti waziypalari. Ilimiy-izertlew metodlari.

• 1. Pedagogika jamiyetliq pan sipatinda onin jamiyet rawajlaniwinda tutqan orni.
• 2. Pedagogikanin tiykargi kategoriyalari ham tusinikleri.
• 3. Pedagogika paninin ilim-izertlew metodlari.

5. Pedagogikanin’ metodologiyaliq tiykarlari xa`m rawajlaniw derekleri

Metodologiya grektin` «Methodos…»-izertlew, biliw joli, «Logos» tu`sinik, ilim so`zinen kelip shiqqan. Bizin`she izert-lew, biliw joli xaqqinda ilim, ilimde qollanilatug`in izertlew usillari xa`m metodlarinin` jiyindisi degen mag`anani an`latadi. Pedagogikanin` metodologiyaliq tiykarlari – filosofiya, xaliq pedagogikasi, o`tmishtegi ulli pedagoglardin` jaratqan miynetleri, islam ta`liymati, xaliq bilimlendiriwi xaqqinda Prezident Pa`rmanlari, ta`lim-ta`rbiya tuwrali miynetleri, salamat a`wladti ta`rbiyalap kamalg`a jetkeriw xaqqinda shig`ip so`ylegen so`zleri, oqiw-ta`rbiya xaqqinda xu`kimet qararlari, bilimlendiriw Nizami, qa`nigeler tayarlawdin` milliy bag`darlamasi, ta`lim-ta`rbiya tuwrali kontseptsiyalar, nizamlar, ko`rsetpeler, buyriqlar, teoriyaliq-metodikaliq a`debiyatlar xa`m basqa jol basshi xu`jjetler, aldin`g`i qatardag`i oqiw orinlarinin`, mug`allimlerdin` xa`m novator oqitiwshilardin` ta`lim-ta`rbiyadag`i ta`jiriybeleri, jan`a milliy pedagogikaliq texnologiyalardi jaratiwdag`i jan`aliqlar;

Adamzat ja`miyetinin` payda boliwi menen adamlardin` turmisi, miyneti xa`m o`z-ara qarim-qatnasi protsesinde ta`rbiya payda boldi. Ta`rbiyanin` payda boliwina adamzat ja`miyetinin` ob`ektiv a`meliy za`ru`riyatlari, insaniyattin` ku`ndelikli turmis talaplari xa`m xa`r tu`rli mu`ta`jliqlari sebep boldi. A`yyemgi waqitlari jas a`wladqa ta`rbiya beriw uliwma tu`rde xa`mmege birdey turmis xa`m miynet protsesinde alip barildi.

Ta`rbiya xaqqindag`i ilimnin` pedagogika dep ataliwi bunnan ko`p a`sir burin payda boldi xa`m oni bunday ataw du`n`ya ju`zinde da`stu`rge aylandi. «Pedagogika» so`zi grek so`zinen kelip shiqqan bolip «paydo» bala xa`m «gogos»-jeteklewshi, yag`niy bizin`she bala jetelewshi degen ma`nisti bildiredi.