Pedagogikalıq sheberliktiń metodologiyaliq máseleleri. J o b a

1. Biliw qábileti -bul pánniń tiyisli bir tarawlarina tán (matematika, fizika, biologiya, ádebiyat x.t.b) qábilet bolip tabiladi. Bunday qábiletke iye bolǵan muǵallim pándi oqiw kursi menen sheklenbey, bir qansha keń hám tereńirek úyrenedi, óz páni tarawindaǵi ózgerislerdi bárhá baqlap baradi,izertlewler júrgizedi.
2. Baqlawshiliq qábileti- oqiwshiniń, tárbiyalaniwshiniń ishki dúńyasina kire aliw qábileti, oqiwshi jekkeligin hám oniń waqitshaliq ruwxiy jaǵdayin júdá jaqsi túsine biliwi menen baylanisli boladi. Bunday muǵallim oqiwshiniń psixologiya-sindaǵi kózge ilinbeytuǵin ózgerislerdi tez bayqaydi. Oqiwshilar bunday muǵallimlerdi tez bayqaydi. Oqiwshilar bunday muǵallimler haqqinda «Oqiwshiniń qapa bolǵanliǵin, yaki sabaq tayarlamaǵan-liǵin kózinen biledi, qaralmay turǵanǵa usaydi, biraq hámme nárseni kórip turadi»- deydi.
3. Sóylew qábileti- sóz járdeminde, sonday-aq qarim-qatnas quraminda óz pikirin hám sezimlerin aniq hám ayqin táriyplew qábileti. Bul oqitiwshiliq kásibi ushin júdá zárur.
Muǵallimniń sózi bárhá sabaqta oqiwshilarǵa qaratilǵan boladi. Pikirdiń táriypleniwi oqiwshilar ushin aniq, ápiwayi, túsinikli boliwi shárt.
Muǵallimniń bayan etiwi oqiwshilardiń pikirin hám diqqatin maksimal dárejede aktivlestiriwge qaratilǵan: muǵallim oqiwshilar aldina sorawlar qoyip, olardi áste aqirin tuwri juwap beriwge úyretedi, oqiwshilardiń diqqatin kúsheytedi hám pikirin tereńlestiredi. Sonday-aq orinli xázillesiw jeńil sózdi jańlandirip jiberedi hám oni oqiwshi tez úyrenedi.
Muǵallimniń sózi aniq, janli obrazli, mánisi jaǵina ayqin, mánili boliwi shárt. Bir túrdegi uzin, zeriktiretuǵin sóz tezde oqiwshilardi sharshatadi, olardi jalqaw qilip qoyadi. Ayirim muǵallimler tez sóyleytuǵin, al basqalari ásten asiqpay sóyleytuǵin boladi. Biraq oqiwshilardiń ózlestiriwi ushin ortasha, janli sóz jaqsi nátiyje beriwin esten shiǵarmaw kerek. Asiǵisliq penen sóylew sabaqti ózlestiriwge kesent beredi hám balalardi tez sharshatip qoyadi. Hádden tisqari asiqpay áste sóylew zerigiwshilik alip keledi Hádden tisqari keskin hám baqirip sóylew oqiwshilarǵa keri tásir etedi. Muǵallimniń hálsiz hawazi jaman estiledi. Kóbinese bir neshe ret tákirarlanatuǵin bir qiyli sóz hám háreketler adamniń ashiwina tiyedi.