По словам Пескова, на встрече Путин обратил внимание жителей республики на то, что, например, из порядка 600 автозаправочных станций налоги платят лишь единицы

Birinchi bosqichda korxona oldiga qo‘yilgan maqsadni amalga oshirishni ta’minlovchi strategiya belgilab olinadi. Bunda eng muhimi shu maqsadga erishishning turli variantlari ishlab chiqiladi. Bu ishga korxonadagi barcha bo‘g‘inlar boshqaruvchilarini jalb qilish maqsadga muvofiqdir. Bunday yondashuv eng yaxshi variantni tanlash imkoniyatini kengaytiradi.

Ikkinchi bosqichda – tanlangan strategiyalar qayta ishlanadi va korxonaning rivojlanish maqsadiga mos keluvchi ko‘p qirrali umumiy strategiya shakllantiriladi.

Uchinchi bosqichda – tanlab olingan umumiy strategiya doirasidagi muqobil variantlar tahlil qilinadi va uning bosh maqsadni yechishdagi yaroqlilik darajasi baholanadi. Aynan shu bosqichda umumiy strategiya aniq va yangi mazmun bilan to‘ldiriladi. Masalan, qiyomiga yetkazilgan umumiy strategiyada korxonaning bozordagi salmog‘ini oshirish, tovarlar sotuvini ko‘paytirish maqsadida quyidagi tadbirlar nazarda tutilgan bo‘lishi mumkin:

• 
  tovar tannarxini raqobatchi korxonadagidek nisbatan pasaytirish;
  
• 
  tovarlar sotiladigan do‘konlar tarmog‘ini kengaytirish;
  
• 
  tovarlarning yangi modellarini taklif qilish;
  
• 
  reklama tizimini yaxshilash va undan o‘rinli foydalanish.
  

Demak, korxona strategiyani tanlashda ko‘pdan-ko‘p muqobil variant-larga duch kelishi va ulardan keng tanlash imkoniyatiga ega bo‘lishi mumkin.

Aniqlangan tashqi xavf va imkoniyat korxonaning ichki imkoniyati va kuchsiz tomonlari bilan taqqoslanadi. So‘ngra korxona rahbariyati “Strategik variantlardan qaysi birini tanlash kerak” degan savolga javob izlashga kirishadi. Menejment sohasidagi tadqiqotchilar muqobillik quyidagi turlarini e’tirof etadilar:

• 
  cheklangan o‘sish;
  
• 
  o‘sish;
  
• 
  kamayish;
  
• 
  har uchala strategik muqobilni o‘zida aks ettiruvchi variant.