Proffessor Hamidov Hojiakbar Hamidovich Ernazarov Shermuxammat Eshbekovich Raxmonov Bahodir Mirzaevich

To`qimachilik sanoati Respublikada paxta tolasining atigi 10 %ini qabul 
qilish va tayyor mahsulotga aylantirish imkoniyatiga ega edi. 70-80 yillar boshida 
to`qimachilik sanoatining yirik korxonalari: Buxoro to`qimachilik (1973) va 
Andijon ip-gazlama (1979) kombinatlari, Nukus ip-gazlama kombinati (1983)ning 
Jizzax paxta yigiruv fabrikasi; Qo`rg’ontepa, Marhamat, Yangiqo`rg’on, Beshariq, 
Rishton, Vobkent, G’ijduvon filiallari qurildi. Ip-gazlama ishlab chiqarish 1960 yil 
234,7 mln m., 1985 yil 395,7 mln metrga ko`paydi.
Oziq-ovqat sanoati kompleksining yog’-moy, konserva, non, un yormasi, 
qandolat, go`sht, sut, baliq, choy, tamaki, vino etishtiruvchi tarmoqlari barpo etildi. 
Oziq-ovqat sanoati kompleksida 1985 yil 271 korxona ishladi. Bu tarmoqning 
sanoat mahsulotlari umumiy hajmidagi salmog’i 14 %ni tashkil etdi. Bu tarmoqda 

---

429 
yog’-moy sanoati etakchi o`rin egallaydi. Respublikada 1970-yillarda 17 ta yog’-
moy korxonasi 2,2 mln t. chigitni qayta ishlab 294 ming t. paxta yog’i, 1985 yil 
451 ming t. paxta yog’i ishlab chiqardi.
Qandolat sanoatida 50-yillarda Namangan va Buxoro konditer-makaron 
fabrikalari, Yangiyo`lda konditer (1964), drojji-achitqi (1968) korxonalari ishga 
tushirildi. 20-yillarda qurilgan Toshkent “O`rtoq” konditer fabrikasi 1965 yil 
tubdan rekonstruksiya qilindi. Respublikada 1985 yil 60 ta korxonada 165 ming t. 
qandolat mahsulotlari ishlab chiqarildi.
Transport tarmog’i 50-80 yillarda ancha rivojlandi. 50-yillarda 627 km 
CHorjo`y-Qo`ng’irot temiryo`li qurildi, Quyi Amudaryo O`zbekistonning boshqa 
hududlari va Ittifoq markazi bilan bog’landi. 1962 yil qurilgan 280 km Navoiy-
Uchquduq temiryo`li yangi konlarni sanoat markazi bilan bog’ladi. Mirzacho`l, 
Jizzax, Qarshi cho`llarini o`zlashtirish bilan bog’liq ravishda 1962 yil Jizzax-
Mehnat (133 km), 1970 yil Samarqand-Qarshi (144 km), 1974 yil Termiz-
Qo`rg’ontepa (218 km) temiryo`llari qurildi. 1975 yil Taxiatosh-Nukus temiryo`li 
qurilgach Qoraqalpog’iston poytaxti (Nukus) respublika temiryo`l tarmog’i bilan 
bog’landi.
Avtomobil yo`llari tez o`sdi va 50-70 yillarda zamonaviy avtomobil yo`llari 
qurildi. Katta O`zbekiston trakti (Toshkent-Termiz) ta’mirlandi. Toshent-Olmaliq, 
Toshkent-Buxoro-Nukus, Mo`ynoq-Zarafshon, Samarqand-Chorjo`y, Farg’ona va 
Toshkent halqa yo`llari qurildi. To`rtko`ldan Amudaryo bo`ylab Nukus orqali 
Taxtako`pirga olib boradigan Qoraqalpog’iston trakti qurildi. Yana Buxoro-Gazli-
Sazakino avtomagistrali, Toshkent-Angren-Qo`qon yo`li qurildi.
Respublikada 70 dan ortiq avtobus-taksamotor parklari barpo etildi. 
Avtomlbil yo`llari uzunligi 80,4 ming km.ni, qattiq qoplamali yo`llar 66,7 ming 
km.ni tashkil etdi. Avtomobil transporti 1985 yil 1960 yilga nisbatan 5,5 marta 
ko`p yoki 1,1 mlrd tonna xalq xo`jalik yuklarini tashidi. Avtobuslarda 1985 yil 2,5 
mlrd passajir tashildi, bu 1960 yilga nisbatan 7 marta ortiq edi.
Havo yo`llari respublikaning 120 dan ortiq shaharlarini bog’ladi. Uzunligi 
60 ming km.ga etdi. 1985 yil 5,5 mln passajir, 63,4 ming tonna yuk tashildi. 

---

430 
Toshkent metrosi 1972 yildan qurila boshladi. Uning 12,1 km. 1-yo`nalishi 1977 
yil, 2-yo`nalishi 80-yillarda foydalanishga topshirildi.