Prokuratura organları iskerliginiń tiykarǵı baǵdarları hám olar iskerliginiń tiykarǵı principleri Rejesi: Prokuratura organları haqqında ulıwma túsinik

3. Ózbekstanda prokuratura organlarınıń shólkemlestiriliwi


Ózbekstan Respublikası Bas Prokuraturası. Ózbekstan Respublikasınıń Konstitusiyası (118-statya) hám "Prokuratura tuwrısında"ǵı nızam (1-statya) ǵa muwapıq, Ózbekstan Respublikası prokuraturasın Ózbekstan Respublikası Bas prokurori bashılıq etetuǵın prokuratura shólkemleriniń birden-bir oraylastırılǵan sisteması quraydı. Prokuratura mámleket organı retinde Ózbekstan Respublikası Konstitusiyasında belgilengen mámlekettiń basqarıw hám milliy mámleket apparatına muwapıq shólkemlestirilgen. Ózbekstan Respublikası "Prokuratura haqqında"ǵı nızamnıń 10-statyasına muwapıq Ózbekstan Respublikası prokuratura shólkemleriniń sistemasın Ózbekstan Respublikası Bas prokuraturası, Qaraqalpaqstan Respublikası prokuraturası, wálayatlar hám Tashkent qala prokuraturaları, rayonlar hám qalalar prokuraturaları, wálayat prokuraturalarına teńlestirilgen Ózbekstan Respublikası áskeriy prokuraturası, Ózbekstan Respublikası Transport prokuraturası, rayon prokuraturalarına teńlestirilgen áskeriy okruglar, aymaqlıq áskeriy, transport hám qánigelestirilgen prokuraturalar, Ózbekstan Respublikası prokuraturası janındaǵı Salıqqa hám valyutaǵa tiyisli jınayatlarǵa qarsı gúresiw departamenti jáne onıń orınlardaǵı bólimleri quraydı.
Prokuratura shólkemleri sistemasınıń joqarı buwını Ózbekstan Respublikası Bas prokuraturası esaplanadı. Ózbekstan Respublikası Bas prokuraturası prokuratura shólkemleriniń iskerligi ústinen operativ basshılıqtı ámelge asırıw maqsetinde shólkemlestirilgen bolıp, ózinde jetkilikli kúshli bolǵan mámleket apparatın kórsetedi. Bul apparat tek ǵana tómen prokuratura mákemeleriniń iskerligi ústinen basshılıqtı ámelge asırmay, tikkeley mámlekettegi nızamlardıń anıq hám birdey atqarılıwın ámelge asırıw menen birge eń juwapkerli, oǵada zárúrli wazıypalardı atqaradı, sonıń menen birge, oǵada quramalı hám de jámiyet ushın áhmiyetli bolǵan jınayat jumısları tergewin tikkeley ámelge asıradı.
Ózbekstan Respublikası Bas prokuraturası Konstituciyaǵa (93-statya) muwapıq Ózbekstan Respublikası Bas prokuror tárepinen basqarıladı hám "Prokuratura tuwrısında" gi nızamǵa (12-statya) muwapıq Ózbekstan Respublikası Bas prokurorı Ózbekstan Respublikası Prezidenti tárepinen lawazımǵa tayınlanadı hám lawazımnan azat etiledi. Ózbekstan Respublikası Bas prokurorı Ózbekstan Respublikası Prezidenti tárepinen lawazımına tayınlanatuǵın hám de lawazımınan azat etiletuǵın birinshi orınbasarına, orınbasarlarına iye boladı. Ózbekstan Respublikası Prezidentiniń Ózbekstan Respublikası Bas prokurori hám de onıń orınbasarların lawazımına belgilew hám de lawazımınan azat etiw haqqındaǵı húkimleri Ózbekstan Respublikası Oliy Majlisi Senati tárepinen tastıyıqlanadı.
Ózbekstan Respublikası Bas prokurorı orınbasarları ortasında olardıń minnetlemelerin óz-ara bólistirip beredi. Ózbekstan Respublikası Bas prokuraturasında bas basqarmalar, basqarmalar hám bólimler shólkemlestiriledi. Ózbekstan Respublikası Bas prokurorınıń joqarǵı járdemshileri hám járdemshileri, bas basqarma hám bólim basshıları, olardıń orınbasarları, joqarǵı prokurorlar, prokurorlar, oǵada zárúrli jumıslar boyınsha úlken tergewshiler óz lawazımlarına Ózbekstan Respublikası Bas prokurorınıń buyrıǵı menen tayınlanadı hám lawazımlarınan azat etiledi.
Ózbekstan Respublikası Bas prokurorı prokuratura shólkemleri ústinen basshılıqtı júrgizedi hám olardıń iskerligi ústinen qadaǵalawdı ámelge asıradı hám oǵada keń bolǵan wákilliklerden paydalanadı.
Aymaqlıq basqarmalardıń basshıları hám olardıń orınbasarları, departamenttiń rayon hám qala bólimleri basshıları departament baslıǵınıń usınısına qaray Ózbekstan Respublikası Bas prokurorı tárepinen lawazımǵa tayınlanadı hám lawazımnan azat etiledi.