Qаrаqаlpаqstаn respublikаsi ministrler ken’esi jаnindаg’i ortа arnаwli bilimlendiriw bаsqаrmаsi

58-shınıg’ıw. Berilgen ga’plerdegi birlik ha’m ko’plik sandag’ı ha’m tartımlang’an atlıqlardı anıqlan’.
Bag’anag’ı ot shashıp turg’an iri ko’zler de kirpik astında. Bulttı perde tutqan ku’ndey «Kerile bes barmaq» ashıq man’layda u’sh-to’rt sızıq payda bolg’an (G’.S.). A’jiniyaz biydin’ awılına kelgen son’ Tawmuratqa: — Qa’lmen ag’anın’ u’yinen alatug’ın bir kitabım bar edi. Sizler ju’re turın’, quwıp jetemen, — dep attın’ basın awıl jaqqa burdı (K.S.). Pirli shan’araqta tu’n jamılıp jatırmız, Da’rmenjan! Bizler ha’zir ten’izdin’ ultanı, A’jibay qoltıq degen jerdemiz. A’jibay — tu’p babamız, to’rt tu’lik malının’ esabın bilmey-aq du’nyadan o’tken. Ten’izdin’ suwatına qulag’an jılqıların astına mıqlı at minip ayırmasa su’riwdegi a’zzileri barg’an menen barıp, kelgen menen kelip, suw iship ya otlamay, arıqlap qalarına shekem oylaptı. O’zi seyis bolg’an son’ ju’zden ju’yrik, mın’nan tulpar shıg’arıp mingen (O’.O’.).
59-shınıg’ıw. Ga’plerden ko’plik, tartım, seplik jalg’awlı atlıqlardın’ stillik qollanılıwın anıqlan’. Olardın’ ma’nilerin tu’sindirin’.
Taxt u’stinde turg’an a’dil sultanlar, Bir baysha yoq, sorar eli bolmasa (A’jiniyaz). Ol waqıtları da’ryada ju’zip ju’rgen para-xodlardın’ pa’ti menen tolqıp kelgen suw jag’ag’a sıymay, ırashqa urıp, iyrimlengen ag’ısına qızıg’ıp qaraw o’z aldına sulıwlıq edi-aw. Qa’dimgi balalıq, olar mennen uzaqlap tarap ketti (G.E.). An’ awlap ju’rip altın jıynag’an go’r tıshqanlardın’ u’stinen shıqtım. Inine suw ketken be yamasa bar du’nyasın ha’r ku’ni ko’zi me-nen ko’rip turmasa kewli kenshimey me, barmaqtın’ basındaysom altınların u’lep oynap atır eken (O’.O’.). Sadag’an’ keteyin batırımızdın’ bir kemisi — jılqı minez аdam. Sol jag’ınan xan unatpasa kerek. Qol juwdırıwg’a kelgen jigitten son’ ishkerige kirgen toy iyesi Yusiptin’ u’skini quyılıp, esikten kirgen jerde sho’gip, birew a’kelip taslag’an zattay qıymılsız otırdı (T.Q.).


60-shınıg’ıw. Astı sızılg’an seplik jalg’awlı so’zlerdi basqa qanday seplikler menen almastırıwg’a bolatug’ının anıqlan’. Olardın’ ma’nilerin tu’sindirin’.
Biz de onın’ da’min tatıp ko’rgenbiz (I.Yu.). Allambergen g’arrı neshshe jıllardan beri u’yinin’ janındag’ı du’kanda qarawıl (S.J.). Bul jaqlarg’a qalay shıg’ınıp ketip ju’rgen eken keshe... Kabinada otırıp, zerigip ketkenlikten, tag’ı jerge tu’sti. Sırttan qarag’anda, ol usı a’tiraplarda bir na’rsesin jog’altıp, sonı tappay ju’rgen adamg’a usaytug’ın edi (U.P.). Artıqjanbısan’, kel, balam, man’layın’nan su’yeyin (K.S.). Tap usınday samal Paraxattın’ jan-du’nyasında da hu’wlep turg’anday (K.A.). Qayılman kosmosta sharıqlap sonda, Mına oy yadımda payda boladı (T.M.). Ol palwannın’ Arıslan degen atı bar, Bir o’zinin’ on jigittey pa’ti bar (A.D.). A’kesi ju’da’ bir inabatlı is pitirgendey mardıyıp, biraq betinen qanı qashıp haplıqqan tu’rde otawg’a kelip jambaslap otır edi. Ah, men bul sırımdı tap usı waqta kimge aytıp, qaysı jaqınımnın’ aqıl-ken’esin sorayman (T.Q.).