Qаrаqаlpаqstаn respublikаsi ministrler ken’esi jаnindаg’i ortа arnаwli bilimlendiriw bаsqаrmаsi

86-shınıg’ıw. To’mendegi berilgen tekstten anıqlıq meyillerdi tawıp, neshinshi bette ha’m qaysı ma’ha’lde kelgenligin aytın’.
1. G’arrılar basılıp ta’wbege keldi. 2. Dawıs iyesinin’ Qarabay ekenin bildi, burılıp karamadı og’an, ornınan turdı da, beti awg’an jaqqa ju’rip ketti. 3. Sira’, mag’an direktorlıq ka’sip nesip etpegen shıg’ar, erten’ bir ku’n arza beremen bosawg’a. 4. — Tu’ne, tu’neme, on bes jasımnan mag’an texnika awırıwı juqqan, bunnan o’lsem de qutıla almaspan. 5. Aman ken’senin’ qasında birewler menen so’ylesip tur eken, «do’- do’t»ke jelkesinen qaradı, tez burıldı. 6. Muzeyin’izdi ko’rdim, jan’a baslanıptı, unadı. 7. U’sh saatta u’yde bolaman, tuwrı joldı shamaladım. 8. Arg’ı sheti on ku’nde da’reginen xabardar bolarsan’. 9. Ku’nine ju’z kilodan za’rre asırıp ju’rmen (G’.S.).
87-shınıg’ıw. Ko’shirip jazın’. Anıqlıq meyildin’ astın sızıp, onın’ qaysı bette qollanılıp kelgenligin anıqlan’.
1. Jan’abay ag’a quwmasa keshki awqat ushın balıqqa ketemen (G’.S.). 2. Abılqayırdın’ ko’p no’keri jol-jonekey alg’anın aldı, almag’anın awdarıp to’n’kerip ketti. 3. Dalag’a shıqqısı kelmey, keshke shekem iyne jutqan ash iyttey buratıldı da jattı. 4. O’mirdin’ ga’rdishine ishimnen ko’ngenmen. 5. Men seni jarıqtan ko’rip turman. 6. O’zgergensen’. Men de o’zgerdim. Mine, keseni ta-balmay otırman. 7. Toqta, Maydabiyke, sen azat bolajaqsan’. Almagu’l o’z qulag’ına isenbey, suwpının’ ayag’ına jıg’ıldı. 8. Bo’ribay ku’ta’ zeyinli bolıp shıqtı. Borodinlerdin’ u’yinde nayza qadalg’an To’requl shalqasına jatır (T.Q.).


88-shınıg’ıw. To’mendegi berilgen qosıq qatarların dıqqat penen oqıp shıg’ın’. Ishinen anıqlıq meyil formaların tawıp ma’nisin tu’sindirin’.
1. Ullı qurılıs — abadanlıq tarnawı,
Irıs qazanınday qaynap turarsan’,
Biz doretken da’wran bolıp nurlanıp,
A’miw jag’asında jaynap turarsan’.
Doslar boldı. Ele de bar, biraq ta,
Birazları ketti kelmes jıraqqa,
Birazı ha’meldar bolıp o’zin’dey,
Ko’riner tek jıynalısta, qonaqta.
Wa, shayırlıq! Sensiz sahra sho’ldeymen,
Bulag’ın’nan ishken sayın sho’lleymen,
Ha’r saparı tu’sip ketse ushqının’,
Tamızıqtay janıp bolmay so’nbeymen.
Turg’ıl qarındasım, jatpa mun’ayıp,
Tursan’, jarıq jolg’a alıp baraman,
Tur, erkin jollarda qa’dem urayıq,
Ju’rsen’, jarıq jolg’a alıp baraman (I.Yu.).