Qаrаqаlpаqstаn respublikаsi ministrler ken’esi jаnindаg’i ortа arnаwli bilimlendiriw bаsqаrmаsi

89-shınıg’ıw. Tekstti oqın’. O’tken ma’ha’l feyillerin tawıp, olardın’ qaysı meyil forması arqalı bildirilgenin ha’m qaysı bette qollanılıp kelgeni tuwralı tu’sinik berin’.
Miyweler uwıljıp pisti. Qozılar soyıslıqqa jarag’anday boldı. Olardı otarg’a bo’lip, qozılardı bir bo’lek, qoylardı bir bo’lek etip ayıra basladı. Erkekler bolsa kim birinshi bolıp qıslawg’a su’rdew salatug’ını jo’ninde oylastı. Olardın’ u’yine qaysı ku’ni, qay saatta mashina menen baratug’ının og’an eskertti...
Bul pikirler Orazgu’ldin’ jawırıın juwlatıp jiberdi. Onın’ barlıq na’rselerge... g’a’zebi qaynap ketti. Seydaxmet bular menen birge tawdın’ u’stinde qarag’ay su’yretetug’ının a’lbette bilgen edi. Esabın tawıp ketti de qaldı... Eger Seydaxmed bolg’anda, Orazqul mına g’arrı ekewine buyrıqtı berip, o’zi azap shekpes edi.
Orazqul heshna’rseni oylamastan duwdı-sıydı tın’lamastan putanın’ arası menen attı tikke tu’serlikke qaray jetelep kele berdi. Mo’min onı toqtatıp u’lgere almay qaldı. «Qayda baratırsan’ sen? Qayda? Toqta!» baqırg’anı sol bo’rene arqandı tawlawı menen putalardı japırıp, to’men qaray dumalap ketti (Sh.A.).
90-shınıg’ıw. Ko’shirip jazın’. O’tken ma’ha’l feyillerinin’ astın sızıp, olardı o’tken ma’ha’l formalarına ajıratıp aytın’:
I
1. Berdaq usı qosıqtı jazıptı (K.S.). 2.Bular birneshe ret urıstan son’ ushrasqan edi (Sh.A.). 3. sol ju’risten ekewi bir neshe ku’n jol ju’ripti. 4. Tag’ı bir to’beden assa, jılqılar menen qoylar ju’ripti (X.T.). 5. Keshe shabarman kelip aytıp ketti. Padashı O’tepti quwanısıp ku’tip aldı (S.X.). 6. Bular tog’aydag’ı qoyan, qırg’awıllardı jep qurtatug’ın bolg’anlıqtan atıp aldım. 7. Bunı ku’ta’ qıyınshılıq penen usladım (X.T.). 8. Zerxannın’ shır-pırı shıg’ıp turıp ketpekshi edi, Qumar jibermey qaldı (S.X.). 9. Tek ashıwlı ko’zi g’ana bayg’a qadalmaqta edi (S.X). 10. Meyli jol alıs bolsın, jaqın bolsın heshkim, ha’tteki marhumnın’ balası da Edigeni Qazang’aptın’ o’tinishin orınlaw jo’nindegi pikirinen qaytara almadı.
II
1. Usı ku’ni jawın tu’n yarımına shekem tınbadı. 2. Tawlardın’ jıraları menen joqarg’ı jiyeklerin ko’k sho’pler qaplap alg’anedi. 3. Sharwa qozı-qoylardı qoradan shıg’aradı. 4. Qolındag’ı saatına qarap edi, waqıt jeti bolg’an eken. 5. Bunnan bir saat burın uyqısınan oyanıp, biraz jumıslardı pitkerdi. 6. Jupargu’l ku’limsirewi menen qa’demlerin nıq basıp u’yine qarap ju’rdi. 7. Jupargu’l qara shaydı quya basladı. 8. Boranbay qalag’a barıp qaytqan ku’nnin’ erten’ine qoylardı o’zi bag’ıp ketti. 9. Shopan qız u’y jumısların taqlasıtırıp bolg’annan keyin kir juwa basladı (J.S.).