Qаrаqаlpаqstаn respublikаsi ministrler ken’esi jаnindаg’i ortа arnаwli bilimlendiriw bаsqаrmаsi

122-shınıg’ıw. Mısallardan dizbeklewshı da’nekerlerdi tabın’. Olar qanday xızmette qollanılıp turg’anlıg’ın aytıp berin’.
1. Ma’wlennin’ Asqar biydin’ ha’reketi jo’nindegi xabarıkewlin qabartsa da, Ernazarg’a Xiywa xanı hamal berer dep boljawı onın’ da boljawın tastıyıqladı (T.Q.). 2. Awzın’ jılannın’ qordası ekenin sezsem de, qızıw mag’an mina’sip emes (T.Q.). 3. Ya o’zi mun’aymadı, ya meni mun’aytpadı, pu’tkil elatı qara-qalpaq menin’ anam dese arzıydı... (T.Q.). 4. Ya birligimiz bolmasa, ya ba’rshege ga’pin tın’latqanday ag’amız bolmasa, ya a’lemge jayılg’an ilim-hikmetimiz bolmasa ...(T.Q.). 5. Xiywa xanı da, Buxara a’miri de arzı tın’lap, o’zgege qol jaba almaydı, o’zlerinin’ halı quday menen (T.Q.). 6. Biraq, menin’ sag’an burında da aytqan bir tapsırmam hesh qashan o’zgermeydi (T.Q.). 7. Ernazar sol pa’ti menen kem-kem ekshep iranlını ko’kiregine ko’terdi de, xannın’ sharda’resinin’ aldına aparıp shu’y to’besinen tasladı.
8. Jaslıqtın’ ja’ne bir belgisi — kishkentay-aq waqıya onı quwantatug’ını sonshelli, du’nyanın’ barlıq go’zzallıg’ı og’an inam etilip, endi ol onnan hesh qashan ayrılmaytug’ınday, al kishkentay-aq bir qayg’ılı ha’diysege dus bolsa, ma’n’gige basınan ha’siret ayrılmaytug’ınday (T.Q.).
123-shınıg’ıw. Da’nekerlerdi tabın’. Olarg’a ma’nilik-stillik jaqtan sıpatlama berin’.
1. Xan onın’ ne ushın bunday halatqa tu’skenin sezdi, sebebi, Gerattag’ı inglislerden ja’rdem sorawdı ma’sla’ha’t etken sol edi (T.Q.). 2. Eger xiywalı mehman kewline awır almasa, arıslan jep qoysa da tu’lkinin’ artına tıg’ılmayıq, dep edim (T.Q.). 3. Eger, toy sa’ranjamı Ma’wlen sarı jetip kelip u’stine bir qabaq suwıq suwdı aqtarıp jibermegende, o’lip qalıw qa’wpi bar edi (T.Q.).
4. Ga’ samalday shalqır, ga’ gu’n’irener,
Zer shımıldıqlarg’a urınar barıp,
Beyish hawazınday qa’lbime ener,
Janımdı duwalap, huwshımdı alıp.
5. Al, sen bala, shejiren’di sherte ber,
Juyrik qıyalın’a jurttı erte ber,
Ata-baba a’rwag’ına sıyınıp,
Go’ne tariyx jollarınan jorta ber.
6. «O’sek ha’m g’ıybatqa hesh qulaq aspa»,
Dep bilgishler aqıl aytqan boladı,
Biraq aqıl basqa, o’sek so’z basqa,
Ha’r qaysısı o’z jolınan baradı.
7. Jerdin’ tu’bi yan’lı uzaq aramız,
Lekin tu’bi birdur ata-babamız,
Bunda jasar bizin’ u’lken ag’amız,
A’yyemgi tariyxtı gu’wa a’yledim.
8. Arıw tanımadı, tanıdı Mehmet,
Sır berip, ju’zine baqpadı tiklep,
Bay Arıwdan eki ul, bir qız ko’rgen,
Sol ushın apayg’a ko’rseter hu’rmet.
9. Qosıq emes ba’lki qayg’ı-zar edi,
Geyde shalqıp, geyde buwlıg’ar edi (I.Yu.).