Qarqalpaqstan Respublikasi Mektepke shekemgi bilimlendiriw ministrligi Qarao’zek rayoni Mektepke sheklemgi bilimlendiriw bo’limine qarasli

Seyilge shıgamız oyını
Maqset: balalarda kiyimlerdi durıs tan’lap kiyiw, “u’st kiyim ”, “ayaq kiyim” sıyaqlı ulıwma tu’siniklerdi bekkemlew, a’tirap-ortalıqqa bolg’an jaqsı qatnastı qa’liplestiriwge ja’rdem beredi.
Za’ru’r buyımlar: quwırshaqlar, barlıq ma’wsimlik kiyimler, adam kiyim shkafı, stulchikler.
3, 4 jaslı balalar
Oyınnın’ barısı: balalar baqshasına jan’a quwırshaq miymang’a keledi. Balalar onı seyilge mira’t etedi. Lekin quwırshaq kiyiniwdi bilmeytug’ının aytadı. Son’, ta’rbiyashı ja’rdeminde balalar quwırshaqqa h’awa-rayına say kiyimdi tan’law, onı kiyindiriwge ja’rdem beredi. Kiyindirip atırg’anda qaysı kiyimdi kiygizip atırg’anın aytıp kiyindiriwi kerek.
Balalar ta’rbiyashı menen birgelikte seyilge shıg’adı. Seyilden qaytqannan son’ o’z kiyimlerin sheship, taqlap, jayg’astıradı, son’ quwırshaqtın’ kiyimlerin de sheship shkafına taqlap qoyadı. Ta’rbiyashıg’a orınlag’an jumısların birme-bir aytıp beriwi kerek.
Du’kanda oyını
Maqset: predmetlerdi ulıwma ta’replerine ko’re toparlarg’a ajıratıw, ko’meklesiw belgilerin qa’liplestiriw, balalardın’ so’z baylıg’ın ken’eytiw.
Za’ru’r buyımlar: du’kannan satıp alıw mu’mkin bolg’an nusqadag’ı oyınshıqlar, oyınshıq pullar.
3, 7 jaslı balalar
Oyınnın’ barısı: ta’rbiyashı balalarg’a oyınshıqların tap du’kandag’ıday jayg’astırıwdı aytadı. Azıq-awqat o’nimleri qatarı, tazalaw quralları sıyaqlı bo’limlerge balalar zatlardı jayg’astıradı h’a’m o’z ara satıwshı h’a’m qarıydar rollerin bo’lisip aladı. Oyın sol ta’rizde dawam etedi, balalar rollerin almastırıp turıwı mu’mkin.

JUWMAQLAW

Balalardın’ oyın xızmetleri olardın’ fizikalıq h’a’m psixikalıq jaqtan garmonikalıq tu’rde rawajlandırıw ushın birden-bir qural.
Oyın balalar turmısında sonday ko’p qırlı xızmet, onda u’lkenlerge ta’n bolg’an miynet te, tu’rli na’rseler h’aqqında oylaw, qam qıyal, dem alıw h’a’m xosh keypiyat derekleri de biriktirilgen, yag’nıy mine sol protsesslerdin’ barlıg’ı oyın xızmetinde anıq boladı. Sonı da belgilep o’tiw kerek, oyın tek sırtqı ortalıqtag’ı na’rse qubılıslardı biliw quralı g’ana emes, al qu’diretli ta’rbiya quralı. Do’retiwshi h’a’m syujetli oyınlarda balalardın’ barlıq psixikalıq protsessleri menen birgelikte olardın’ individual qa’siyetleri de qa’liplesedi. Demek, baqshadag’ı ta’lim-ta’rbiya jumıslarının’ tabısı ko’p ta’repten balalardın’ oyın xızmetin maqsetke muwapıq sho’lkemlestiriwge baylanıslı.
Juwmaqlap aytqanda mektepke shekemgi jastag’I balalardin’ ha’r ta’repleme rawajlang’an barkamal shaxs sipatinda qa’liplesiwi ushin oyinlardi ta’rbiyashi ha’m ata-analar duris sho’lkemlestiriw kerek.

PAYDALANG’AN A’DEBIYATLAR

Пайдаланған әдебиятлар

1. 
   З.Т.Нишанова ва бошқалар «Ёш даврлари ва педагогик психология» Т:-2014
   
2. 
   Мария Монтессори методикасы
   
3. 
   Интернет материяллары:
   

www.psixolog.uz
www.defektolog.uz
www.kitob.uz