Qaysi qatorda kesimga to‘g‘ridan to‘g‘ri tobelangan ot+ot shaklidagi

---

1. Qaysi qatorda kesimga to‘g‘ridan 
to‘g‘ri tobelangan ot+ot shaklidagi 
qo‘shma ot qatnashgan? 
A) Somonsuvoq qilingan tekis 
tomning ustiga o‘rikning bir shoxi 
egilib turardi. 
B) Bodomnusxa do‘ppi kiygan 
qizning raqsi barchaga yoqdi, shuning 
uchun tomoshabinlar uni uzoq 
olqishladilar. 
C) Shuni yodda saqlangki, 
qo‘ziqorinlarning ayrim turlari inson 
salomatligi uchun zararli hisoblanadi. 
D) Kimki g‘azalni chiroyli o‘qisa, 
unga shu tillaqoshni hadya qilaman. 
 
2. Yasama payt ravishi ishtirok etgan 
gapni aniqlang.
A) Tog‘ga yaqinlashgach, havo aynib, 
shamol turdi.
B) Aka-uka maslahatlashib, tong 
otguncha shu yerda qolishga qaror 
qilishdi. 
C) Ular yerni kavlab kirolmabdilar, 
lekin bir zumda allaqancha yerni 
o‘yib yuboribdilar. 
D) O‘zingdan keyingilarga avvalgidan 
ko‘proq bilim va baxt qoldirishga 
harakat qil. 
 
3. Tirik ulki, undan keyin qolsa joy – 
hovuz, ko‘l-u ko‘prik-la karvonsaroy. 
Ushbu gap haqidagi to‘g‘ri hukm 
berilgan qatorni belgilang.  
A) Ushbu gapda ajratilgan uyushiq 
egalar qatnashgan.
B) Ushbu gap ot kesimli sodda gap 
hisoblanadi.
C) Ushgu gapning bosh gapi tarkibida 
vazifadosh ko‘makchi qatnashgan.
D) Ushbu gapda ikkita yasama so‘z 
qatnashgan.
 
4. Qaysi javobda ma’noli qismlari 
asos + lug‘aviy shakl yasovchi + so‘z 
yasovchi +lug‘aviy shakl yasovchi 
+sintaktik shakl yasovchi tartibida 
joylashgan sifat turkumiga oid so‘z 
qatnashgan? 
A) Qizg‘anchiqlardan sen saxovat 
kutma. 
B) Maqtanchoq xattot tushmagur 
“ko‘z” so‘zidagi bir nuqtani tushirib 
qoldirganidan bu so‘z “ko‘r” bo‘lib 
qolgan va she’r ma’nosi o‘zgarib, 
aksincha, chiqib qolgan ekan. 
C) Barcha maqtanchoqlarning birdan 
bir qismati shuki, ular ertami-kechmi 
pand yeyishadi. 
D) Tadbirimizga muhandislar, 
shifokorlar, o‘qituvchilar, hisobchilar, 
iste’dodli qalamkashlar tashrif 
buyurishadi.