Qiyaslaw jumislarin alip bariw dáwirligi

Arza beriwshi – o’lshew qurallarin qiyaslawdan o’tkeriwde mápdar bolg’an yuridik yaki fizikaliq shaxs;
Orinlawshi – belgilengen tártipte akkreditaciyadan o’tken mámleketlik metrologiya xizmeti organi yaki basqa wakalatli organ yaki sho’lkem;
Qiyaslawshi – akkreditaciyadan o’tkizilgen mámleketlik metrologiya xizmeti yaki mámleket hám xojaliq basqariwi organlarinin’ metrologiya xizmetlerinin’ zárur tájriybege iye bolg’an, aniq bir o’lshew tu’ri boyinsha tayyarliqtan o’tken qániyge.
Qiyaslaw tamg’asinin’ izi – o’lshew qurali hám texnik hu’jjetke basilg’an o’lshew texnikasi qurallarin qiyaslaw qanag’atlanarli nátiyjeler menen o’tkizilgenin tastiyqlaytug’in, sonimenen, o’lshew qurallarin, sol qatarda, jo’ndewshi (rostlovchi) qurilmalardi hár qanday ruhsat berilegen kiriwde qorg’aw ushin arnalg’an belgi.

Qiyaslaw tamg’asi – belgilengen forma hám mazmundag’i oyma belgiler maydanina iye bolg’an, o’lshew quralina hám olardin’ paydalaniw hu’jjetlerine izi basip tu’siriletug’in hám olardi qiyaslawdan o’tkizgenligin hám qollaniw ushin jaramlilig’in tastiyqlawshi texnik qurilma;

O’lshew quralinin’ qiyaslawlarara intervali – o’lshew qurallarin eki izbe-iz qiyaslaw arasindag’I waqit aralig’i;

Qiyaslaw metodikasi – orinlaniwi o’lshew qurallari metrologik talaplarg’a muwapiqlig’inin’ imkanin beriwshi, aniq táriyplengen operaciyalar jiynag’inan ibárat hu’jjet.

Mámleketlik metrologiya tekseriwi hám qadag’alawi o’tkiziletug’in tarawlardan sirtta paydalanilatug’in o’lshew qurallari ixtiyariy tu’rde usi qag’iydalarda belgilengen tártipte usinis etiliwi mu’mkin.

O’lshew qurallari islew ciklinde birlemshi, dáwirlik, gezekten tisqari, inspeksion hám ekspert qiyaslawdardan, atap aytqanda:
Birlemshi qiyaslawdan – islep shig’ariwdan yaki támirlewden son’;

Dáwirlik qiyaslawdan – o’lshew qurallari qiyaslawlarara intervalinin’ mu’ddeti tawsilg’anda.

Gezekten tisqari qiyaslawdan – o’lshew qurallari qiyaslawdan o’tkerilgenligin tastiyqlawshi tamg’ag’a ziyan jetkerilgende, o’lshew qurali qiyaslawdan o’tkenligin tastiyqlawshi hu’jjet jog’atilg’anda yaki sazlaw jumislarin o’tkeriw ushin zárur bolg’an jag’dayda , sonimenen, o’lshew qurallarin uzaq ( bir qiyaslawlarara intervaldan artiq ) mu’ddet saqlang’annan son’ paydalaniwg’a kiritiwde;