Qo‟chqorov bahodir abdullajonovich o‟qish darslarida

(uslubiy qo‟llanma) – Namangan, 2020 

---

3 
SO‟Z BOSHI 
Ona vatanimiz O‘zbekiston mustaqillik yo‘liga kirishi bilan tariximiz 
tiklanmoqda, urf-odatlarimiz qaytadan shakllanmoqda, qaddimiz rostlanmoqda. 
O‘zbeklar ham hamma millatlar kabi o‘zligini tanish, rivojlanish yo‘lidan 
bormoqda.
Boshlang‘ich ta‘lim jarayonida o‘qish darslari asosiy o‘rin egallaydi. Ana 
shu o‘qish darslarida o‘quvchilarga milliy istiqlol g‘oyasini singdirish haqidagi 
asarlarni o‘rganish yosh avlod ongida o‘z yurtidan faxrlanish, g‘ururlanish, yurtga 
sadoqat, vatanparvarlik kabi tuyg‘ularni shakllanishiga, ona vatanimiz haqidagi 
haqiqiy tarixni bilishlariga yaqindan yordam beradi. 
Mazkur uslubiy qo‘llanma o‘quvchilarga milliy istiqlol g‘oyasini singdirish 
haqidagi asarlarni o‘rganish usullariga to‘xtalib, ushbu maqsad yo‘lida avvalo, 
didaktik o‘yin va materiallardan foydalanish yo‘llarini ko‘rsatib o‘tildi. Didaktik 
o‘yin va materiallardan foydalanish o‘quvchilar uchun juda qiziqarli bo‘ladi. 
Chunki o‘yin bu bola uchun ham mehnat, ham o‘qishdir.
O‘qish darslarida o‘quvchilarga milliy istiqlol g‘oyasini singdirish haqidagi 
asarlarni o‘rganishda zamonaviy pedagogig texnologiyaning bir turi bo‘lgan 
interfaol metodlardan foydalanish yo‘llarini ham ko‘rsatib berishga harakat qildik.
Bundan tashqari o‘quvchilarga milliy istiqlol g‘oyasini singdirish haqidagi 
asarlarni o‘rganishda, turli musiqali badiiy kechalar uyushtirish, sahna 
ko‘rinishlarini o‘quvchilar ishtirokida sahnalashtirish juda yaxshi samara beradi. 
Chunki bolalar bayramlarni juda yaxshi ko‘rishadi, bundan tashqari ular bevosita 
bu bayramlarni ishtirokchisi bo‘lishgan, uylarida nishonlashgan.
Mazkur uslubiy qo‘llanmadan boshlang‘ich sinf o‘qituvchilari keng 
foydalanishlari mumkin.