Qora qalpoq indd

Úlgi
25-qosımsha
TURAQ JAYDÍ SAWǴA ETIW
SH Á R T N A M A S Í
Qaraqalpaqstan Respublikası Nókis qalası, eki mıń jigirmalanshı jıl 
jigirma birinshi may kúni
Bizler, Qaraqalpaqstan Respublikası Nókis qalası Ǵárezsizlik kóshesi 
25-jayda jasawshı Sársenbay Amanbaevich Qádirov hám Nókis qalası 
Berdaq kóshesi 40-jayda jasawshı Qabıl Sársenbaevich Qádirov, usı 
shártnamanı tómendegiler haqqında dúzdik.

---

106
107
1. Men Sársenbay Amanbaevich Qádirov, Nókis qalası Ǵárezsizlik 
kóshesindegi 400 kvadrat metrli jer maydanǵa jaylasqan 25-sanlı turaq 
jayımdı balam Qabıl Sársenbaevich Qádirovqa sawǵa ettim.
Sawǵa etilip atırǵan turaq jay maydanı 72 kvadrat metr bolǵan 4 xana, 
2 dáliz hám aldı aynalı terrasalı bir qabatlı, pisken gerbishten salınǵan 110 
kvadrat metr. Sonday-aq, háwli de jazǵı hám qısqı sklad, monsha hám 
hájetxana bar. 
2. Sawǵa etilip atırǵan turaq jay Nókis qalası mámleketlik notarial keńsesi 
tárepinen 1985-jıldıń 4-aprelinde 1425-san menen dizimge alınıp, dizimge 
alınǵan turaq jaydıń aldı-sattı shártnaması hám de Nókis qalası texnikalıq 
inventarlaw mákemesiniń 1997-jıl 7-maydaǵı 517-sanlı maǵlıwmatnamasına 
tiykarlanıp maǵan, Sársenbay Amanbaevich Qádirovqa tiyisli.
3. Men, Qabıl Sársenbaevich Qádirov, ákem Sársenbay Amanbaevich 
Qádirov sawǵa etken turaq jaydı minnetdarshılıq penen qabıl ettim.
4. Turaq jaydı inventor bahası 198800000 (bir júz toqsan segiz million 
segiz júz mıń) som.
5. Usı shártnama dúzilgenge shekem sawǵa etilip atırǵan turaq jay 
basqa shaxsqa ótkerilmegen, girewge qoyılmaǵan hám bul turaq jay 
boyınsha heshqanday tartıslar hám qadaǵan etiw bolmaǵan.
6. ÓzR Puqaralıq kodeksiniń 488-statyasına tiykarlanıp puqaralar 
Sársenbay Amanbaevich Qádirovhám Gúljáhán Abdullaevna 
Maxmudovalar sawǵa etip atırǵan turaq jaydan paydalanıw huqıqın 
ózlerinde saqlap qaladı.
7. ÓzR Puqaralıq kodeksiniń 185-statyası boyınsha, usı shártnama 
tiyisli texnikalıq inventarlaw mákemesinde dizimnen ótkerilgen waqıttan 
baslap sawǵanı qabıl etiwshide múlk huqıqı júzege keledi. 
8. Puqaralıq kodeksiniń tiyisli statyalarınıń mazmunı bizge notarius 
tárepinen túsindirilip berildi. 
9. Usı shártnamanı dúziw ushın ketetuǵın qarjılardı Sársenbay 
Amanbaevich Qádirov tóleydi.
10. Shártnama úsh nusqada dúzilip qol qoyıladı: bir nusqası Nókis 
qalası mámleketlik notarial keńsesinde qaldırıladı, ekinshi nusqası sawǵanı 
qabıl etiwshige, jáne bir nusqası shártnamanı dizimge alǵan texnikalıq 
inventarlaw mákemesine beriledi. 
(qolı) S.A.Qádirov
(qolı) Q.S.Qádirov
(Notarial keńseniń tastıyıqlawshı jazıwları hám móri).
Kóshpes hám kósher múlklerdi, atap aytqanda, turaq 
jaylardı (yamasa onıń bir bólegin), avtomobillerdi aldı-
sattı hám almastırıw shártnamaları da shártli túrde notarial 
keńseler tárepinen tastıyıqlanıwı kerek.