Qora qalpoq indd

Úlgi
 
 
 
 
 

26-qosımsha
TURAQ JAYDÍŃ ALDÍ-SATTÍ
SH Á R T N A M A S Í
Qaraqalpaqstan Respublikası Nókis qalası, eki mıń on 
ekinshi jıl jigirma birinshi may kúni
Bizler, Nókis qalası Ǵárezsizlik kóshesi 25-jayda 
jasawshı Sársenbay Amanbaevich Qádirov hám Nókis 
qalası Abadan kóshesi 48-jayda jasawshı Tilepbay 
Iskenderovich Sabırovlar, usı shártnamanı tómendegiler 
haqqında dúzdik. 
1. Men Sársenbay Amanbaevich Qádirov, Nókis 
qalası Ǵárezsizlik kóshesindegi 400 kvadrat metrli jer 
maydanǵa jaylasqan 25-sanlı turaq jayımdı sattım; men 
Tilepbay Iskenderovich Sabırov joqarıda kórsetilgen 
mánzildegi turaq jaydı satıp aldım.
Aldı-sattı etilip atırǵan turaq jaydıń jasaw mánzili 
72 kvadrat metr bolǵan 4 xana, 2 dáliz hám aldı aynalı 
terrasalı bir qabatlı, pisken gerbishten salınǵan jaydan 
ibarat bolıp, jaydıń ulıwma paydalanıw maydanı 110 
kvadrat metr. Sonday-aq, háwlide jazǵı hám qısqı 
asxana, sklad, monsha, hájetxana bar hám de bul Nókis 
qalası texnikalıq inventarlaw mákemesiniń 2015-jıl 
15-maydaǵı maǵlıwmatnaması menen tastıyıqlanadı.
2. Satılıp atırǵan turaq jay Nókis qalası mámleketlik 
notarial keńsesi tárepinen 1995-jıl 4-aprelde 1836-san 
menen dizimge alınǵan hám Nókis qalası texnikalıq 
inventarlaw mákemesi 1995-jıl 4-aprelden 5445-san 
menen dizimge kirgizilgen miyras huqıqı gúwalıǵına 
tiykarlanıp maǵan, Sársenbay Amanbaevich Qádirovqa 
tiyisli.

---

108
109
3. Turaq jaydıń inventarlaw bahası 168800000 (bir júz 
alpıs segiz million segiz júz mıń) som bolıp, tárepler onı 
186000000 (bir júz seksen altı million) somǵa bahaladıq 
hám men, Sársenbay Amanbaevich Qádirov, satılǵan 
turaq jay ushın Tilepbay Iskenderovich Sabırovtan 
kórsetilgen muǵdardaǵı puldı usı shártnamanı qol 
qoyıwdan aldın tolıq aldım.
4. Usı shártnama dúzilgenge shekem aldı-sattı etilip 
atırǵan turaq jay basqa shaxsqa ótkerilmegen, girewge 
qoyılmaǵan hám bul turaq jay boyınsha heshqanday 
tartıs hám qadaǵan etiwler bolmaǵan.
5. Satılıp atırǵan turaq jayda ÓzR Puqaralıq 
kodeksiniń 488-statyasına tiykarlanıp, paydalanıw 
huqıqın ózinde saqlap qaldırǵan shaxslar joq.
6. ÓzR Puqaralıq kodeksiniń 185-statyası 
boyınsha, usı shártnama tiyisli texnikalıq inventarlaw 
mákemesinde dizimnen ótkerilgen waqıttan baslap 
turaq jaydı satıp alıwshıda múlk huqıqı júzege keledi. 
7. Usı shártnamanı dúziw ushın ketetuǵın qarjılardı 
turaq jaydı satıp alıwshı Tilepbay Iskenderovich Sabırov 
tóleydi.
8. ÓzR Puqaralıq kodeksindegi tiyisli statyalardıń 
mazmunı bizge notarius tárepinen túsindirilip berildi. 
9. Shártnama úsh nusqada dúzilip qol qoyıladı: bir 
nusqası Nókis qalası mámleketlik notarial keńsesinde 
qaldırıladı, bir nusqası satıp alıwshı T.I.Sabırovqa 
beriledi, bir nusqası shártnamanı dizimge alǵan 
texnikalıq inventarlaw mákemesinde qaldırıladı. 
(qolı) S.A.Qádirov
(qolı) 
T.I.Sabırov
(Notarial keńseniń tastıyıqlawshı jazıwları hám móri).
Turaq jaylardı almastırıw shártnaması da derlik 
aldı-sattı shártnamasınan ózgeshelenbeydi. Tek bul jerde 
almastırılıp atırǵan turaq jaylar (kvartira)ǵa óz aldına 
sıpatlama beriledi, olardıń inventar bahaları da óz aldına 
kórsetiledi. Táreplerdi hám shártnamalardı dizimge 
alıwshı texnikalıq inventarlaw mákemelerdi esapqa alǵan 
halda, shártnama bes nusqada dúziliwi múmkin.
Avtomashinanıń aldı-sattı shártnamasına qatnaslı 
avtomashinalardı almastırıw shártnamasında da tap 
usınday ózgerisler bolıwı múmkin.