Qora qalpoq indd

Transport quralın sawǵa etiw shártnaması. 
Transport quralın sawǵa etiw shártnaması notarial 
tastıyıqlanıwı kerek. Bul shártnama eki nusqada dúzilip, 
oǵan hár eki tárep – sawǵa etiwshi hám onı qabıl 
etiwshi qol qoyadı. Notarius hújjetti úyrenip, onıń hár 
eki nusqasına tastıyıqlaw belgilerin jazıp shıǵadı hám 
gerbli mór menen tastıyıqlaydı. Sonnan keyin sawǵa etiw 
shártnaması arnawlı dizimge kirgiziledi hám tiyisli tártip 
sanına iye boladı. Transport quralların sawǵa etiwde 
texnikalıq pasport, tuwısqanlıqtı tastıyıqlawshı hújjet, 
sawǵa etiwshiniń ómirlik joldasınıń (eri yamasa hayalı) 
razılıǵı, transport jıyımınıń hám de mámleketlik bajınıń 
tólengenligi haqqındaǵı kvitanciyalar kórsetiliwi kerek. 
Transport quralların sawǵa etiw shártnaması úlgisi 
24-qosımsha
SH Á R T N A M A
Nókis qalası, eki mıń jigirmalanshı jıl on besinshi mart 
Biz, Nókis qalası Miywezar kóshesi 18-jayda 
jasawshı Saparbay Ospanovich Sadıqov hám 
Nókis qalası Tań juldızı kóshesi 28-jayda jasawshı 
Qádir Maxmudovich Iskenderov, usı shártnamanı 
tómendegiler haqqında dúzdik:
1. Men, S.O.Sadıqov, Nókis qalası IIB mámleketlik 
avtoqadaǵalaw dizimge alıw hám imtixan alıw 
bólimi tárepinen 2019-jıl 24-fevralda GE 434545 
sanlı texnikalıq pasportqa tiykarlanǵan, maǵan 
tiyisli «Lasetti» markalı jeńil mashinanı (2019-jılda
islep shıǵarılǵan, shassi nomeri 40145, motor nomeri 
86517, aq reńli, mámleketlik belgisi 95D 525 AA) 
Q.M.Iskenderovqa sawǵa ettim. 
2. Men, Q.M.Iskenderov, usı avtomashinanı 
S.O.Sadıqovtan sawǵa sıpatında qabıl ettim.
3. Usı avtomashina shártnama dúziwshiler tárepinen 
102000000 (bir júz eki million) som muǵdarında 
bahalandı. 
4. Sawǵa etilgen avtomashina bul shártnamaǵa 
shekem heshkimge satılǵan joq, girewge qoyılmaǵan, 
tartıslı bolmaǵan, paydalanıw qadaǵan etilmegen.
5. Shártnama úsh nusqada dúziledi: 1-nusqa notarial 
keńsede saqlanadı, qalǵan nusqalar Q.M.Iskenderovqa 
avtomashinanı dizimnen shıǵarıw hám dizimge alıw 
ushın beriledi.
(qolı) S.O.Sadıqov
(qolı) Q.M.Iskenderov
(Notarial keńseniń tastıyıqlawshı jazıwları hám 
móri)
Endi turaq jaydı yamasa onıń bir bólegin sawǵa etiw 
shártnamasına úlgi keltiremiz.