Qora qalpoq indd

Finanslıq-xojalıq iskerligin tekseriw boyınsha 
dúziletuǵın akt úlgisi
66-qosımsha
ÓzR Densawlıqtı saqlaw
ministrligi
Nókis qalalıq Densawlıqtı
saqlaw bólimi
«TASTÍYÍQLAYMAN»
Nókis qalası 2-emlewxanasınıń bas
shıpakeri
___________ E.A.Sadıqov
2019-jıl 22-sentyabr
ÓzR Densawlıqtı saqlaw
ministrligi
Nókis qalalıq Densawlıqtı
saqlaw bólimi
«TASTÍYÍQLAYMAN»
Nókis qalası 2-emlewxanasınıń bas
shıpakeri
___________ E.A.Sadıqov
2019-jıl 22-sentyabr
NÓKIS QALASÍ 2-EMLEWXANASÍNDAǴÍ 
JUMSAQ MEBELLERDI TEKSERIW 
HAQQÍNDA
AKT
2019-jıl 21-sentyabr Nókis qalası
Men, Ózbekstan Respublikası Densawlıqtı 
saqlaw ministrligi esapshı-tekseriwshisi Qádir 
Saǵınbaevich Rasbergenov, Ministrliktiń 2019-jıl
12-sentyabrdegi 453-sanlı buyrıǵı tiykarında is kórgen 
halda emlewxananıń bas esapshısı Gúlnara Sársenbaevna 
Ibadullaeva qatnasıwında usı emlewxanaǵa qaraslı hám 
Sáliyma Kewlimjaevna Sabırova juwapker bolǵan 
jumsaq mebellerdi tekserdim.
Tekseriwde tómendegiler anıqlandı:
Barlıq jumsaq mebel, sonday-aq, jún jamılǵıshlar, 
tósekler muǵdarı esap maǵlıwmatlarına sáykes keledi.
Hárbiri 54 mıń somlıq 15 kórpe qap hám hárbiri 
36 mıń somlıq 30 kópshik qap, barlıǵı bolıp 1790000 
somlıq buyımlar jetispewi dizimge alındı.
Ótkerilgen tekseriw tiykarında tómendegiler usınıs 
etiledi:
1. Materiallıq baylıqlardı saqlaw hám esapqa alıw 
isine biypárwa qatnasta bolǵanlıǵı materiallıq jaqtan 
juwapker shaxsqa kórsetip ótilsin.
2. Jetispegen buyımlar bahası S.K.Sabırovanıń is 
haqısınan uslap qalınsın.
Ministrlik esapshı-
tekseriwshisi: 
(qolı) Q.S.Rasbergenov
Emlewxana bas esapshısı: (qolı) G.S.Ibadullaeva
Materiallıq juwapker: 
(qolı) S.K.Sabırova

---

186
187
Kassanı tekseriw waqtında dúziletuǵın aktler de 
finanslıq-xojalıq iskerligin tekseriwdegi aktlerge jaqın 
turadı. 
Kassa jumısların júrgiziw qaǵıydasında mákemelerge 
qaraslı kassada saqlanıp atırǵan pul qarjıların hám basqa 
qımbat bahalı buyımlardıń saqlanıw jaǵdayın qadaǵalaw 
ushın jobalı (hár ayda) hám tosattan tekseriw kózde 
tutılǵan.
Kassada tekseriw ótkeriw ushın mákeme baslıǵınıń 
buyrıǵı menen kárxana xızmetkerlerinen komissiya 
dúziledi. Komissiya jumısına kárxana esapshısı hám 
kassiriniń qatnasıwı shárt. 
Kassanı tekseriwde ondaǵı bar naq pul birme-bir 
sanap shıǵıladı, saqlanıp atırǵan materiallıq hám basqa 
baylıqlar ushın kvitanciyalar, qımbat bahalı qaǵazlar hám 
qatań esapta turıwshı blankalar, sonday-aq, kassa dápterin 
júrgiziw hám puldı saqlaw tártibi tekseriledi. 
Tekseriw nátiyjeleri aktte rásmiylestiriledi, kas-
sadaǵı naq buyımlar (pul hám basqalar) esapqa alıw 
maǵlıwmatları menen salıstırılǵannan keyin, pul 
qarjılarınıń artıqshalıǵı yamasa kemligi anıqlanadı. 
Akt kassada tekseriw ótkerilgen kúnniń ózinde 
rásmiylestiriliwi kerek. Komissiya anıqlanǵan kemislik 
yamasa artıqshalıq sebepleri haqqında kassirden jazba 
túsinik xat talap etiwi tiyis.
Bul jerde de ulıwma xojalıq aktlerinde bolatuǵın zárúrli 
bólimler bar. Tek ǵana tiykarǵı tekst biraz basqasharaq, 
yaǵnıy onda pul qaldıqları, artıqsha naq pul yamasa pul 
jetispewshiligi sıyaqlı maǵlıwmatlar tolıq, sanlar menen 
bayan etiledi. Kassirdiń túsinik xatı qosımsha etiledi.
Tekseriw akti eki nusqadan kem dúzilmewi kerek, 
materiallıq juwapker shaxs esaplanǵan kassirge de bir 
nusqası beriledi. Akt dúzilgennen keyin, shólkem baslıǵı 
tárepinen tastıyıqlanadı. Tekseriw nátiyjeleri keyin ala 
esap bóliminiń esap-sanaq ámellerinde óz kórinisin tabadı: 
artıqsha pullar dáramat esabına kirgiziledi, kemislik bolsa 
materiallıq juwapker shaxs (kassir) is haqısınan óndiriledi.
Qaraqalpaq tilinde ana tilimizdiń nızamshılıǵına 
muwapıq, tekst teması hújjet atınan aldın jazılıwı hám 
onıń menen bir pútinlikti payda etiwi múmkin. Bunda 
akt dúzilgen sáne (shepte) hám orın atı (ońda) enine 
jaylastırıladı.