Qora qalpoq indd

I. Shártnama predmeti
1.1. Shártnamada tovar dep atalıwshı «_________» 
kompaniyası tárepinen______da islep shıǵılǵan 
__________ (hárip penen jazıladı) __________ markalı 
LCD televizorlar eki tárep ortasında dúzilip atırǵan 
shártnamanıń predmeti esaplanadı.
1.2. Tovardıń kepillik múddeti 3 (úsh) jıl. Kepillik 
múddeti tovar satıp alıwshıǵa tapsırılǵan waqıttan 
baslap, eger tovar almastırılǵanda jańadan múddet 
baslanadı.
1.3. Hárbir televizordıń bahası ________________
(hárip penen jazıladı) som. Tovar haqı shártnama 
dúzilgen waqıtta tóleniwi lazım.
1.4. Eger tovardan paydalanılmaǵan, onıń tutınıw 
ózgeshelikleri saqlaǵan bolsa hám satıwshıdan satıp 
alınǵanlıǵınıń dálili bolsa, satıp alıwshınıń tovardı 
almastırıw yamasa qaytarıp alıw haqqındaǵı talabı 
qanaatlandırıladı.
1.5. Satıp alıwshı ózine tovar tapsırılǵan waqıttan 
baslap on kún dawamında satıp alınǵan tiyisli sapalı 
tovardı satıp alıw ornında ólshemi, forması, kólemi, 
kórinisi, reńi, toplamı basqasha bolǵan tap sonday 
tovarǵa almastırıwı múmkin. Bunda sol bahalarda parıq 
bolǵan jaǵdayda satıwshı menen zárúr esap-sanaqtı 
ámelge asıradı. Eger de satıwshıda almastırıw ushın 
zárúr tovar bolmaǵanda, satıp alıwshı satıp alınǵan 
tovardı satıwshıǵa qaytarıp beriw hám oǵan tólengen 
pul summasın qaytarıp alıw huqıqına iye. 
1.6. Shártnama eki nusqada dúzilgen hám olar 
birdey kúshke iye.
II. Shártnama tárepleriniń huqıq hám minnetlemeleri
2.1. Satıwshınıń huqıqları:
– satılǵan tovar haqın tólewdi;
– tovardı óz waqtında qabıl etip alıwdı;
– shártnama shártlerine tolıq ámel etiwdi;
– satıp alıwshı tárepinen ózine jetkerilgen zıyanlardıń 
qaplanıwın talap etiw.
2.2. Satıwshınıń minnetlemeleri:
– satıp alıwshı talap etken jaǵdaylarda tovar 
haqqında oǵan zárúr hám anıq maǵlıwmattı nızam 
hújjetlerinde belgilengen yamasa usaqlap satıwda 
qoyılatuǵın talaplarǵa muwapıq halda beriw;
– tovardı satıp alıwshıǵa múlk etip tapsırıw;

---

78
79
– shártnamada názerde tutılǵan tovardı tapsırıw;
– shártnamada kórsetilgen muǵdardaǵı tovardı 
tapsırıw;
– shártnamada kórsetilgen sapadaǵı tovardı tapsırıw;
– úshinshi shaxslardıń hárqanday huqıqlarınan erkin 
bolǵan tovardı tapsırıw;
– tovardı shártnamada kórsetilgen assortimentte 
tapsırıw;
– tovardı tiyisli buyımları hám hújjetleri menen 
birge tapsırıw;
– shártnamada kórsetilgen pútin tovardı tapsırıw;
– shártnamada názerde tutılǵan tovardı satıp 
alıwshıǵa ıdısta yamasa oralǵan halda tapsırıw;
– tovardı satıp alıwshıǵa tapsırǵansha saqlaw. 
2.3. Satıp alıwshınıń huqıqları:
– tovar haqqında zárúr hám anıq maǵlıwmattı nızam 
hújjetlerinde belgilengen yamasa usaqlap satıwda 
qoyılatuǵın talaplarǵa muwapıq halda beriwdi;
– shártnama dúzilgenge shekem tovardı kózden 
ótkeriw, kóz aldında tovardıń ózgesheliklerin tekseriwdi 
yamasa tovardan qalay paydalanıwdı kórsetiwdi;
– satıp alıp atırǵan tovardı ózine múlk etip tapsırıwdı;
– shártnamada kórsetilgen muǵdardaǵı tovardı 
tapsırıwdı;
– shártnamada kórsetilgen sapadaǵı tovardı 
tapsırıwdı;
– úshinshi shaxslardıń huqıqlarınan erkin bolǵan 
tovardı tapsırıwdı;
– tovardı shártnamada kórsetilgen assortimentte 
tapsırıwdı;
– tovardı tiyisli buyımları hám hújjetleri menen 
birge tapsırıwdı talap etiw.