Quramalı úsh bόlimli forma Ulıwma plan. Kontrasttıń áhmiyeti

Orta bόlimnen ortalıǵınıń parqı

Tema tárepten orta bólim — epizod shet bólimler menen shama menen trioda qanday kontrastlasa, sonday kontrastlasadı ; trio menen kelgen formanıń epizod penen uqsaslıǵı da mine sonday bolıp tabıladı. Biraq, epizod tema tárepten kóbinese erkin halda, kem dárejede birdeylikke iye boladı. Ol jaǵdayda trioga yamasa shet bólimlerge salıstırǵanda kóbirek jańa tema ózgerisler tez-tez ushırasıp turadı.

Garmonik tárepten epizod normal halda keledi, sonıń menen birge óz átirapı menen kontrastlasadı. Birinshiden, ol kόbinese shabıw nátiyjesinde kirgizetuǵın baǵınıqlı tonallıq penen baslanadı. Ekinshiden, epizodınıń ishki dúzilisi onıń bólimlerinde jabıqlıqtıń joq ekenligi sebepli turǵınsızlıq, aǵımdarlıq penen xarakter-lenedi. Onıń triodan ayırmashılıǵı hám ápiwayı formanıń orta bólegi menen belgili dárejedegi uqsaslıǵı da mine sonda bolıp tabıladı. Epizod aqırındaǵı reprizaga berilgen predikt da ápiwayı bolıp tabıladı.

Epizodtıń strukturalıq tárepi onı triodan júdá parıqlantiradi. Epizodta jabıq dáwirler payda bolmaydı, garmoniya hám qosıqtıń janlanıwları munasebeti menen onıń ishki dúzilisi shet bólimlerge salıstırǵanda kóbinese kishi strukturalardan ibarat boladı. Epizod ádetde tákirarlanmaydi, usınıń menen de ol triodan parq etedi. Trionıń bólimleri hár qanday ápiwayı sırtqı kórinislerde bolǵanı sıyaqlı, tákirarlanıwı múmkin.

Orta bólim — epizod aste atqarılatuǵın dóretpeler ushın (ásirese klassiklar, atap aytqanda Betxoven dóretpeleri ushın ) júdá xarakterli bolıp tabıladı. Eger birinshi bólekten tap epizodqa shekem pát ózgermeytuǵın bolsa, ol halda bundaǵı kontrast janlılaw ritmika menen almasınıp qalǵanday tuyiledi.

Shama menen, XIX ásirdiń ortalarından baslap trio menen epizodtıń belgileri geyde aralastırıp qollanıla baslanǵan. Sol sebepli olar ortasındaǵı parq derlik joǵalıp baratır.