Р. Ишмуҳаммедов, М. Мирсолиева

ТАЪЛИМ МАЗМУНИ - таълим олувчиларнинг ўқиш жараёнида, 
эгаллаб олиши лозим булган ҳамда тизимга солинган билим, малака ва 
кўникмаларнинг аниқ белгиланган доираси. 
ТЕХНОЛОГИК КАРТА – технологик жараённинг ҳар бир босқичи 
мазмуни тўлиқ ёритилган ҳужжат. 
ТЕХНОЛОГИЯ – 1) Ишлаб чиқариш жараёнида ашёлар, материаллар 
ва ярим тайёр маҳсулотларни тайёрлаш, қайта тайёрлаш, ашёнинг ҳолати 
хусусияти, шаклини ўзгартириш методлари тўплами. 2) teхnos- санъат, 
маҳорат, logos- таълимот. 
ТРЕНИНГ - таҳсил олувчи фаолиятига мўлжалланган таълим шакли 
бўлиб, назарий маълумотларни амалий машқлар орқали ўзлаштирилишини 
таъминлайди. У таълим берувчи томонидан ўқитишни эмас, балки таҳсил 
олувчи томонидан мустақил ва фаол ўрганишни кўзда тутади. 
ЎЗ-ЎЗИНИ АНГЛАШ – инсоннинг ўзи ҳақидаги тасаввурлар, ҳулқ-
атвори, фаолияти ва эҳтиёжларини англашида намоён бўлади. 
ЎҚИТИШНИ ИНДИВИДУАЛЛАШТИРИШ – таълим мазмунини 
ўқувчи шахси, унинг индивидуал хусусиятларига мослаш. 
ЎҚУВ ДАСТУРИ - аниқ фаннинг мақсадидан, ўқув режаси бўйича 
ажратилган соат ва билим ҳажмидан келиб чиқиб тузилган ва мавжуд 
жамиятнинг ғоявий-сиёсий йўналишини ўзида акс эттирган давлат ҳужжати. 
ЎҚУВ РЕЖА - мутахассис шахси билиши ва ўзлаштириши зарур деб 
белгиланган ўқув фанлари, уларни ўқитиш учун ажратилган соатлар ва ўқув 
йилининг тузилишини белгилаб берувчи давлат ҳужжати. 
ФАОЛИЯТ – онгли руҳий фаолият билан бошқариладиган кишининг 
ички, ташқи фаоллиги. 
ШАХС – муайян жамиятнинг аъзоси бўлган, руҳий, жисмоний, 
маънавий-аҳлоқий баркамол, ўз хатти-ҳаракатларини онгла баҳолаб, унга 
жавоб бера оладиган, жамият тараққиётига ўз ҳиссасини қўша оладиган 
инсон.