Р. Ишмуҳаммедов, М. Мирсолиева

ПЕДАГОГИК КВАЛИМЕТРИЯ – педагогик жараён сифат 
даражасининг ўлчови. 
ПЕДАГОГИК МАҲОРАТ - юксак даражадаги педагогик фаолиятнинг 
тараққий этиши, педагогик техникани мукаммал эгаллаш, шунингдек, 
педагог шахси, унинг тажрибаси ва касбий фаолиятдаги индивидуалликнинг 
ёркин кўриниши. 
ПЕДАГОГИК 
ТЕХНОЛОГИЯ 
- 
таълим 
олувчининг ички 
имкониятлари ва ўқитувчининг инновацион тайёргарлигига таянган ҳолда 
ишлаб чиқилган ва таълимий мақсадга эришишни кафолатловчи ўқув-тарбия 
жараёнининг лойиҳаси. 
ПЕДАГОГИК ФАОЛИЯТГА ЙЎНАЛГАНЛИК - 1) шахснинг 
“педагогик касбга қизиқиши ва фаолиятнинг ушбу тури билан шуғулланишга 
бўлган иштиёқи” (Н.В. Кузьмина); 2) болаларга бўлган муносабат, педагогик 
меҳнатга иштиёқ, педагогик кузатувчанлик қобилияти (В.А. Сластенин). 
Демак, шахснинг педагогик фаолиятга йўналганлиги унинг дунёқараши, 
педагогик касбга қизиқиши, у билан шуғулланишга бўлган лаёқати билан 
белгиланади.
ПРОФЕССИОГРАММА – маълум тизимга келтирилган мехнатни 
психологик томондан ўрганишга ва ундан келгуси амалий фаолиятда 
фойдаланишга қаратилган қисқа ва ҳар томонлама батафсил кўрсатиб 
берилган хужжатдир. 
РЕФЛЕКСИЯ - лотинча “refleksio” – “орқага қайтиш”, субъектнинг 
ички психик ҳолатларини ўзида англаш жараёни. 
РИВОЖЛАНИШ - миқдор ўзгаришларидан сифат ўзгаришларига 
ўтиши, ўсиш. 
ТАРБИЯ - шахснинг маънавий ва жисмоний ҳолатига мунтазам ва 
мақсадга мувофиқ таъсир ўтказиш асносида шаклланувчи узликсиз жараён. 
ТАРБИЯ ТЕХНОЛОГИЯСИ - тарбиявий жараёнга комплекс 
ёндашувни англатиб, бу тарбиявий таъсир ва ўзаро ҳамкорлик мақсадлари, 
вазифалари, мазмуни, методи ва шаклларининг бирлигидан иборатдир. 
ТАЪЛИМ - махсус тайёргаликдан ўтган кишилар раҳбарлигида 
ўтказиладиган, таълим олувчиларни билим, кўникма ва малакалар билан 

---

43 
қуроллантирадиган, қобилиятларни ўстириб, дунёқарашларни таркиб 
топтирувчи жараён.