Р. Ишмуҳаммедов, М. Мирсолиева

КАСБИЙ ТАЙЁРГАРЛИК - махсус назарий билим, амалий кўникма 
ва малакалар, шунингдек, маънавий-ахлоқий , касбий сифатларни 
ўзлаштириш асосида шахснинг муайян касбий фаолиятни муваффақиятли
олиб боришга нисбатан физиологик, психологик ва жисмоний тайёргарлик 
даражаси. 
КОММУНИКАТИВЛИК – бу ўқитувчининг алоҳида хусусияти бўлиб, 
унда ўқувчилар ва ҳамкасблари билан ўзаро ҳамкорлик мулоқоти назарда 
тутилади. 
Бунда 
педагогик 
фаолиятнинг 
самарадорлиги 
унинг 
мулоқотчанлигига боғлиқ бўлади. 
КОМПЕТЕНТЛИК - шахснинг ўзлаштирган муайян билим, кўникма 
ва тажрибасини ижтимоий-касбий соҳадаги аниқ вазиятлардаги муаммо ва 
вазифаларни ечишга қодирлик даражаси, яроқлилиги. 
КОНСТРУКТИВЛИК - (лойиҳалай олиш қобилиятига эгалик) – бу 
педагогнинг шахсий фаолияти ва тарбия мақсадларини ҳисобга олган 
ҳолдаги фаолликларини алоҳида лойиҳалаштиришни кўзда тутади. 
МАҲОРАТ – касбий индивидуалликнинг ёрқин кўриниши. 
МЕТОД – 1) табиий ва ижтимоий ҳаёт ҳодисаларини тадқиқ қилиш,
билиш усули, ҳаракат қилиш тарзи; 2) мақсадга элтувчи йўл, яъни, мақсадга 
эришиш йўлидаги хатти-ҳаракатларнинг ўзига хослигидир. 

---

42 
МИЛЛИЙ МОДЕЛ - кадрлар тайёрлашнинг миллий тузилмаси. 
Миллий моделнинг таркибий қисмлари: шахс, давлат ва жамият, узлуксиз 
таълим, фан ишлаб чиқариш. 
МОДЕЛ - (французча “modele” – “намуна”, лотин тилида “modulus” – 
“меъёр”) – қандайдир объектнинг шартли қиёфаси, объект ва объект 
ҳақидаги инсон билимлари ўртасидаги муносабатни акс эттириш учун хизмат 
қилади. 
МОТИВ – маълум эҳтиёжларни қондирилиши учун асос бўладиган 
кишининг ички ҳаракатлари мазмуни. 
ПЕДАГОГИК ЖАРАЁН – таълим масалалари, унинг тараққиётини 
кашф қилишга қаратилган, махсус ташкил этилган педагог ва 
тарбияланувчиларнинг ўзаро муносабатлари.