Rashid turgunbaev kompyuter grafikasi: adobe photoshop cc

Tarix mo‘yqalamidan foydalanish 
Tarix mo‘yqalami uskunasi 
tasvir holati yoki tasvir holatining surati 
nusxasini joriy tasvir oynasiga chizish imkoniyatini beradi. Masalan, tasvirga 
o‘zgartirish kiritib ushbu holatning surati olinadi. Kiritilgan o‘zgarishlarni bekor 
qilib yaratilgan tasvir suratidan foydalanib tarix mo‘yqalami uskunasi yordamida 
o‘zgarishlarni tasvirning ma’lum joylariga kiritish mumkin. 
Tarix mo‘yqalami quyidagicha ishlatiladi: 
1. Tarix mo‘yqalami uskunasi 
tanlanadi; 
2. Xususiyatlar panelidan quyidagilar belgilab olinadi: 
- mo‘yqalam shaffofligi belgilanadi; 
- mo‘yqalam turi belgilanadi; 
3. Tarix mo‘yqalam uchun asos bo‘adigan tarix panelidagi tasvir holati yoki 
tasvir holati suratining chap qismi tanlanadi:
4. Tarix mo‘yqalami bilan tasvirga chiziladi. 
Elementlarni pozitsiyalash 
Photoshop dasturida elementni ish soha bo‘ylab aniq joylashtirish imkoniyati 
mavjud. Elementlarni aniq joylashtirish imkoniyatini faollashtirish uchun dasturning 

---

46
View menyusidan Snap buyruq qatorini tanlash kerak. Elementlarni nimaga nisbatan 
aniq joylashtirishini dasturning View menyusi Snap To bo‘limidan belgilab olish 
mumkin. Ushbu bo‘limdan quyidagilarni belgilash mumkin: 
- Guides – yo‘nalishlarga nisbatan joylashtirish; 
- Grid – to‘rga nisbatan joylashtirish; 
- Layer – qavatga nisbatan joylashtirish; 
- Slices – bo‘lak chegaralariga nisbatan joylashtirish; 
- Document Bounds – hujjatning chegaralariga nisbatan joylashtirish; 
- All – bo‘limdagi barcha elementlarni belgilaydi; 
- None - bo‘limdagi barcha elementlarni belgilashini bekor qiladi. 
Photoshop dasturida elementlarni chizg‘ich uskunasi 
yordamida aniq 
joylashtirish imkoniyati ham mavjud. Chizg‘ich uskunasi yordamida ish sohasidagi 
istalgan ikki nuqta orasidagi masofani o‘lchash mumkin. Chizg‘ich uskunasi 
yordamida masofa o‘lchamganda chop etilmaydigan chiziq hosil bo‘ladi, 
hususiyatlar paneli va ma’lumotlar panelida quyidagi ma’lumotlar aks ettiriladi: 
- boshlang‘ich nuqta (X va Y); 
- x va y o‘qlari bo‘ylab gorizontal (X) va vertikal (Y) masofa; 
- o‘qqa nisbatan burchak; 
- masofa (D1). 
Ikkita nuqta orasidagi masifa quyidagicha hisoblanadi: 
1. Chizg‘ich uskunasi 
tanlanadi; 
2. Sichqon ko‘rsatkichini boshlang‘ich nuqtaga joylashtirib sichqon tugmasini 
bosib turgan holda ikkinchi nuqtaga joylashtirish kerak.