- O’rtacha ulanish quvvati turli ko’lamdagi stansiyalar uchun quyidagi miqdorlarda deb qabul qilish mumkin:
- Eng kichik stansiyalar uchun (2-4 postli)............ 30 – 40 kvt
- Kichik stansiyalar uchun.........................................60 – 80 kvt
- O’rta stansiyalar uchun.........................................100 – 150 kvt
- Katta stansiyalar uchun........................................150 – 250 kvt
- Stansiyani tashqi elektr tarmog’iga ulanish usuli uning zaruriy elektr energiyasi quvvatiga va kommunal tarmoqning texnik holati va yuklanganligiga bog’liqdir. Agar stansiya shahar tashqarisida joylashgan va zarur ulanish quvvati 50 kvt dan oshmasa unda to’g’ridan to’g’ri past kuchlanishdagi (380 v) shahar kommunal tarmog’iga ulanishi mumkin. Stansiya elektr tarmog’idan 200-300 m narida joylashgan bo’lsa unga elektr energiya o’rta voltli kabel yoki kuchlanishi 10 – 20 kilovoltli bo’lgan havodan tortilgan simlar orqali transformatordan o’tkazib uzatish iqtisodiy jihatdan ma’qulroqdir. Bu holda ist’emolchi stansiyada kuchlanishni pasaytiruvchi (380 v) transformator o’rnatishi lozim.
- Stansiyaning ichki elektr jihozlarini o’rnatish va ularga elektr o’tkazgichlarni tortish maxsus “Elektr qurilmalarini o’rnatish qoidasi” va “Elektr qurilmalarini texnik ekspluatatsiya qilish qoidalari” xujjatlari asosida bajarilishi talab etiladi.
- Birinchi navbatda ishlab chiqarish binolaridagi ustaxonalar hamda boshqa yordamchi xonalar bajariladigan ishlar tavsifiga asosan yoritilishi va elektr energiyasi bilan ta’minlanishi lozim.
- Avtomobillarga texnik xizmat ko’rsatish, ularni tashxislash va ta’mirlash uchastkalari bino shiftiga o’rnatilgan estetik gazli lampalar yordamida yoritiladi. Ko’rish ariqchalari xona polidan pastda joylashganligi uchun ularning yoritish tizimiga elektr ta’minoti umumiy yoritish tizmidan alohida shamollatish tizimi bilan birgalikda amalga oshiriladi.
- Texnologik jihozlarga elektr energiyasi devorlarga o’rnatilgan, bosh ulagich orqali ta’minlanadigan shtepsel rozetkalari orqali uzatiladi.
Do'stlaringiz bilan baham: |
