Reja: Kirish. Mavzuning dolzarbligi shundaki; Tuproqning umumiy fizik xossalarini ilmiy jihatdan o’rganish, laboratoriya sharoitida tahlil qilish va amaliyotga tadqiq qilish

Mavzu: Tuproqning fizik xossalari
Reja:
Kirish.
Mavzuning dolzarbligi shundaki; Tuproqning umumiy fizik xossalarini ilmiy jihatdan o’rganish, laboratoriya sharoitida tahlil qilish va amaliyotga tadqiq qilish
Maqsad: Tuproqning fizik-mexanik xossalarini o’rganish.
Vazifalar:
1. Tuproqning fizik-mexanik xossalarining turlari.
2. Tuproqning fizik yetilganligi.
3. Sug’orish davrida tuproqning fizik-mexanik xossalarini o’zgarishi.
4. Tuproqning fizikaviy va fizik-mexanik xossalarini boshqarish.
Asosiy qismi:
I-Bob. Tuproqning fizik-mexanik xossalarining turlari.
II-Bob. Tuproqning fizik yetilganligi.
III-Bob. Sug’orish davrida tuproqning fizik-mexanik xossalarini o’zgarishi.
IV-Bob. Tuproqning fizikaviy va fizik-mexanik xossalarini boshqarish

Xulosa.
Foydalanilgan adabiyotlar ro’yxati.

Ilovalar.


Tuproqning umumiy fizi xossalari. Tuproqning mexanik tarkibi va struktura holati bilan bevosita bog’liq bo’lgan fizikaviy xossalari hamda unda kechadigan fizikaviy jarayonlar tuproqning suv, havo va issiqlik rejimlari, shuningdek o’simliklarning o’sib rivojlanishida juda katta ahamiyatga ega. Tuproqning fizikaviy xossalariga, uning strukturasi, suv, havo, issiqlik, umumiy fizik-mexanikaviy xossalari kiradi. Tuproqning fizikaviy xossalari ko’plab omillarga, jumladan, tuproqning qattiq, suyuq, gazsimon qismi va tirik fazalari tarkibi, ular nisbati va o’zaro ta’siri hamda dinamikasi singarilar bilan bevosita bog’liqdir.
Tuproq sharoiti, tarkibi va mexanik xususiyatlariga binoan bo‘kishi
va cho‘kishi tufayli joyning relyefi o‘zgarib, past va balandliklar hosil
bo‘lishi natijasida yerga ishlov berishda bir qancha qiyinchiliklarni keltirib
chiqaradi.
Tuproqning fizik-mexanik xususiyatlarini dehqonchilikda ishlov
berishda, ko‘p qavatli korxonalar va turar joylar, yo‘l va aeroportlar,
gidrotexnik inshootlar: kanallar, suv omborlari qurishda, irrigatsiya va
boshqa meliorativ qurilishlarda hisobga olish maqsadga muvofiq.
Tuproqning paydo bo’lish jarayonlarida, unumdorligi va o’simliklar hayotida fizikaviy xossalarning roli, ahamiyati ko’plab olimlar tomonidan o’rganilib, amaliy xulosalar qilingan. Tuproq fizik xossalariga doir tadqiqotlar P.A.Kostichev. V.R.Vilyams, A.G.Doyarenko, N.A.Kachinskiy, I.N.Antipov-Karatayev, S.V.Astapov, A.V.Lebedev, P.V.Vershinin, A.F.Tyulin, A.A.Rode, S.I.Dolgov, I.B.Revut, S.N.Rijov, M.U.Umarov, L.Tursunov, I.Turapov va boshqa olimlar nomi bilan bog’liq. Umumiy fizikaviy xossalariga tuproqning zichligi, qattiq fazasining zichligi va g’ovakligi singarilar kiradi.