Moliyaviy lizingda (uni ba’zan to‘liq amortizatsiyali lizing deb ham atashadi) mulk shartnoma bo‘yicha uning me’yoriy xizmat qilish muddatida yoki bundan kam bo‘lgan muddatga hamda amortizatsiya ajratmasi me’yori hisoblanadigan belgilangan muddatga beriladi. Agar shartnomada tomonlar me’yoriy xizmat qilish muddatidan kam muddatni tanlashgan bo‘lsa, sharnomada muddat tugashi bilan mulkning qoldiq qiymati summasi ko‘rsatiladi. Moliyaviy lizingda shartnomada (ob’ekt) mulkni hamda ishlab chiqaruvchi (sotuvchi)ni tanlash huquqi lizing oluvchiga beriladi.
Operativ (joriy) lizing - lizing shartnomasi bo‘yicha (uni to‘liqsiz amortizatsiyali lizing deb ham atashadi) mulk lizing oluvchiga uning me’yoriy xizmat qilish muddatidan ancha kam bo‘lgan muddatga berilishi tushuniladi. Operativ lizingning muddati shartnomada tomonlar kelishuviga binoan o‘rnatilishi mumkin. SHuning uchun shartnoma ob’ekti bo‘lib, operativ (joriy) lizingda, ko‘proq (avtomobillar, samalyotlar va texnikaning boshqa ko‘rinishlari) lizing oluvchilar uchun qisqa muddatli, bir martalik yoki mavsumiy ishlarni qilish uchun hamda ma’naviy tez eskiruvchi texnika vositalari xizmat qilishi mumkin.
Do'stlaringiz bilan baham: |
