Reja: Umumgeografik kartalarning mazmuni va mohiyati

Qishloq xo‘jaligi kartalari. Bunday kartalar eng ko‗p tarqalgan bo‗lib, ikki xil tushunchaga asoslanadi, ya‘ni ular birinchi qishloq xo‗jaligining ishlab chiqarish kartalari bo'lib, ularning tarqalishi, holati va rivojlanishi hamda qishloq xo'jaligining rivojlanishiga ta‘sir qiluvchi omillar, ularning o'zgarishi ko'rsatilgan bo'ladi. Ikkinchi qishloq xo'jalik resurslari, unda band aholi, ishlab chiqaradigan mahsuloti va qishloq xo'jalik ekinlarining hosildorligi va boshqalar tasvirlangan bo'ladi. Qishloq xo'jaligi kartalari asosini Yerdan foydalanish va Yer kadastri kartalari tashkil qilib, ularda foydalaniladigan, ekin ekiladigan yerlarning chegaralari, maydonlari ko'rsatiladi. Yer tuzish kartalarida yerlarning meliorativ holati va ekologik vaziyatlari berilishi mumkin. Bu ko'rsatkichlar ko'proq tuproq kartalarida tasvirlangan bo'lib, dalada 1:10 000 va 1:25 000, ba‘zan 1:1 000 masshtabda syomka qilish yo'li bilan bajariladi. So'nggi vaqtda respublikamizda ''Yer kadastri qonuni'' joriy etilishi munosabati bilan Yer kadastri kartalari yaratilmoqda. Hozirgi vaqtda 1:10 000 masshtabda sug'oriladigan yerlarning kadastr kartalari tuzilmoqda, kelgusida lalmikor yerlarning ham Yer kadastr kartalari tuzilishi rejalashtirilgan.