Respublikamizda kimyo sanoatining rivojlanishi Oʻzbekiston Respublikasi Prezidentining qarori

“Samarqandkimyo” AJ, “Elektrkimyozavod” QK AJ va “Jizzax plastmassa” AJning ustav kapitalidagi davlat ulushi va “Oʻzkimyosanoat” AJ ulushini, shuningdek, “Fargʻonaazot” AJning ustav kapitalidagi davlat ulushini, shu jumladan, investitsiya va ijtimoiy majburiyatlarni qabul qilish sharti bilan, xususiy investorlarga bozor qiymatida sotish; 

“Oʻzkimyosanoatloyiha” AJning ustav kapitalidagi davlat ulushini nominal qiymatda va “Navoiy KMK” DKning Qizilqum fosforit kombinati mulk kompleksini qoldiq balans qiymatida “Oʻzkimyosanoat” AJ ustav kapitaliga davlat ulushi sifatida kiritish; 

“Fargʻonaazot” AJning 3-son sanoat maydonchasidagi umumiy maydoni 6,5 gektar boʻlgan foydalanilmayotgan obyektlarni (sexlar, obyektlar va ularga tutash hududlari bilan) investitsiya majburiyatlarni qabul qilish sharti bilan “nol” qiymatida sotish; 

investitsiya va ijtimoiy majburiyatlarni qabul qilish sharti bilan kaprolaktam ishlab chiqarish chiqindilarini utilizatsiya qilish va qayta ishlash uchun begʻaraz topshirish yuzasidan patentlangan texnologiyaga ega boʻlgan “ECO TECH GROUP” QK MCHJ bilan investitsiya kelishuvini tuzish; 

2020 yildan boshlab “Oʻzkimyosanoat” AJ tarkibiga kiruvchi aksiyadorlik jamiyatlari tomonidan yillik moliyaviy hisobotlarni eʼlon qilish va ularni Xalqaro audit standartlari va Xalqaro moliyaviy hisobotlar standartlariga muvofiqligi yuzasidan tashqi auditdan oʻtkazish tartibini joriy etish; 

2021 yilga qadar xalqaro tajribaga asoslanib investitsiya va ishlab chiqarish jarayonlarini, moddiy va moliyaviy resurslarni boshqarish boʻyicha axborot tizimlarini, samaradorlikni oshirish koʻrsatkichlarini qoʻllagan holda xodimlar mehnatini ragʻbatlantirishning zamonaviy usullarini joriy etish. 

8. Oʻzbekiston Respublikasi Tiklanish va taraqqiyot jamgʻarmasiga va qayta moliyalovchi tijorat banklariga kimyo sanoatida yangi investitsiyaviy loyihalarni tayyorlash maqsadida loyiha hujjatlarini ishlab chiqish va tadqiqot ishlarini amalga oshirish uchun “Oʻzkimyosanoat” AJ va uning tarkibiga kiruvchi xoʻjalik jamiyatlariga kreditlar ajratishga ruxsat berilsin. 

Belgilansinki: 

yangi investitsiya loyihalarini tayyorlash uchun kreditlar Jamgʻarma tomonidan shartnomada belgilangan, biroq 5 million AQSH dollari ekvivalentidan koʻp boʻlmagan miqdorda ajratiladi; 

xorijiy investorlar bilan hamkorlikda moliyalashtiriladigan yangi investitsiyaviy loyihalarni tayyorlash uchun Jamgʻarma tomonidan ajratiladigan kredit miqdori 10 million AQSH dollari ekvivalentigacha koʻpaytirilishi mumkin; 

Jamgʻarma mablagʻlarini ajratishga tarmoq ilmiy-texnika kengashi bilan kelishilgan texnik vazifa, “Oʻzbekiston Respublikasi Prezidenti huzuridagi Loyiha boshqaruvi milliy agentligi qoshidagi loyihalar va import kontraktlarni kompleks ekspertiza qilish markazi” DUKda ekspertizadan oʻtkazilgan loyihaoldi hujjatlarini tayyorlash va tadqiqot ishlarini bajarish boʻyicha tuzilgan shartnoma asos boʻladi; 

ushbu bandga asosan Jamgʻarma kreditlarini ajratish Oʻzbekiston Respublikasi Investitsiyalar boʻyicha davlat qoʻmitasi bilan kelishilgan holda amalga oshiriladi; 

Jamgʻarma kreditlari xizmat koʻrsatuvchi banklar orqali qayta moliyalashtiriladi va qayta moliyalovchi bankning yillik 0,25 foiz miqdoridagi marjasi qoʻshilgan holda, loyihani ishga tushirish davriga qadar, jumladan, 3 yillik imtiyozli davrni hisobga olgan holda, umumiy yillik foiz stavkasi 2,25 foiz miqdorida 5 yil muddatga ajratiladi; 

kreditlar va ular boʻyicha barcha xarajatlar texnik-iqtisodiy asos tasdiqlanishi jarayonida loyihalar qiymatiga kiritiladi va ularning qaytarilishi loyihalar amalga oshirilganidan keyin, obyektlar ishga tushirilganidan soʻng olingan daromadlar va loyiha hujjatlarini investorlarga sotishdan tushgan Jamgʻarma mablagʻlari hamda qarz oluvchining umumxoʻjalik faoliyatidan olingan daromadlar yoki “Oʻzkimyosanoat” AJ mablagʻlari hisobidan amalga oshiriladi. 

9. “Oʻzkimyosanoat” AJ, Oʻzbekiston Respublikasi Investitsiyalar boʻyicha davlat qoʻmitasi va Iqtisodiyot vazirligining Koreya kimyo- texnologiyalari ilmiy-tadqiqot instituti (KRICT) bilan hamkorlikda “Toshkent kimyo texnologiyalari ilmiy-tadqiqot instituti” MCHJ va “Oʻzkimyosanoatloyiha” AJ negizida – Ilmiy-tadqiqot va loyihalash instituti – Kimyo texnologiyalari markazi (keyingi oʻrinlarda – Markaz)ni tashkil etish toʻgʻrisidagi taklifiga rozilik berilsin. 

Oʻzbekiston Respublikasi Investitsiyalar boʻyicha davlat qoʻmitasi, “Oʻzkimyosanoat” AJ va Oʻzbekiston Respublikasi Tashqi ishlar vazirligi Markaz faoliyatini tashkil qilish uchun EDCF (Koreya Respublikasi) liniyasi boʻyicha Eksimbankning 50 million AQSH dollari miqdoridagi kredit va grant mablagʻlarini jalb etishni taʼminlasin. 

“Oʻzkimyosanoat” AJ Oʻzbekiston Respublikasi Investitsiyalar boʻyicha davlat qoʻmitasi va Moliya vazirligi bilan birgalikda ikki oy muddatda Markaz faoliyatini tashkil etish va moliyalashtirish manbalarini aniqlash boʻyicha Oʻzbekiston Respublikasi Vazirlar Mahkamasiga takliflar kiritsin. 

10. Oʻzbekiston Respublikasi Moliya vazirligi “Oʻzkimyosanoat” AJ va uning tarkibiga kiruvchi xoʻjalik jamiyatlarining ustav kapitalidagi davlat ulushi boʻyicha 2019-2021 yillar yakunlariga koʻra hisoblanadigan dividendlar investitsiya loyihalarini moliyalashtirish, shu jumladan, investitsiya loyihalarini amalga oshirish uchun jalb etilgan kredit va qarzlarni toʻlashga yoʻnaltirish sharti bilan kapitalizatsiya qilinsin (Oʻzbekiston Respublikasi Davlat byudjetiga yoʻnaltiriladigan 30 foiz miqdoridagi dividendlar bundan mustasno). 

11. Iqtisodiyot vazirligi, Moliya vazirligi, Markaziy bank, Jamgʻarma, tijorat banklari va “Oʻzkimyosanoat” AJning “Oʻzkimyosanoat” AJ va uning tarkibidagi korxonalarning Jamgʻarma va Oʻzbekiston Respublikasi Tashqi iqtisodiy faoliyat milliy bankining kreditlari boʻyicha majburiyatlarini 2-ilovaga muvofiq restrukturizatsiya qilish toʻgʻrisidagi takliflariga rozilik berilsin. 

Oʻzbekiston Respublikasi Moliya vazirligi “Oʻzkimyosanoat” AJ korxonalarining majburiyatlari boʻyicha oldin berilgan davlat kafolatlariga ushbu qarordan kelib chiqadigan oʻzgartirishlar kiritsin. 

12. Oʻzbekiston Respublikasi Prezidentining va Oʻzbekiston Respublikasi hukumatining ayrim qarorlariga 3-ilovaga muvofiq oʻzgartirish va qoʻshimchalar kiritilsin. 

13. “Oʻzkimyosanoat” AJ bir oy muddatda manfaatdor vazirlik va idoralar bilan birgalikda qonunchilikka ushbu qarordan kelib chiqadigan oʻzgartirish va qoʻshimchalar toʻgʻrisida Oʻzbekiston Respublikasi Vazirlar Mahkamasiga taklif kiritsin. 

14. Mazkur qarorning ijrosini nazorat qilish Oʻzbekiston Respublikasi Bosh vaziri A.N.Aripov, Oʻzbekiston Respublikasi Prezidenti Administratsiyasi rahbari Z.Sh.Nizomiddinov va Oʻzbekiston Respublikasi Bosh vaziri oʻrinbosari A.S.Sultonov zimmasiga yuklansin.


Kimyo sanoati rivoji yo‘lida

Davlatimiz rahbari ishlab chiqarish va ilm-fan oʻrtasida integratsiyani rivojlantirish masalasiga doim alohida eʼtibor qaratadi. Shu maqsadda poytaxtimizning Ulugʻbek shaharchasida ilmiy kimyo klasterini tashkil etish ham rejalashtirilgan. Mazkur ilmiy klaster Toshkent kimyo texnologiy ailmiy-tadqiqot instituti hamda Chirchiq shahridagi ishlab chiqarish laboratoriyalarini oʻz ichiga oladi.

Toshkent kimyo texnologi institutini soha talablari asosida namunali qilish, institutni zamonaviy standartga keltirish, mutaxassis tayyorlashda yangi texnologiyalardan foydalanishni nazarda tutuvchi chora-tadbirlar dasturini ishlab chiqish vazifasi yuklatildi. Ustuvor vazifalarni amalga oshirishda yurtimizdagi eng nufuzli, “gigant” tashkilotlar boʻlgan “Oʻzkimyosanoat” AJ va “Oʻzbekneftgaz” AJlari mas’ul etib belgilandi.

“Oʻzkimyosanoat” AJ va “Oʻzbekneftgaz” AJlari bilan hamkorlik ishlari boshlab yuborildi.

Oʻzbekiston Respublikasi Prezidenti Shavkat Mirziyoyev raisligida 30-aprel kuni o’tkazilgan videoselektor yig’ilishda hududlarda mahalliy sanoatni rivojlantirish chora-tadbirlari muhokamasi boʻyichaToshkent kimyo texnologiya institutiga xorijiy oliygohlar bilan hamkorlikda muhandis va texnologlar tayyorlashni kengaytirish, oliy taʼlim, fan va ishlab chiqarish innovatsion hamkorligini amalga oshirish yuzasidan topshiriq berildi.

Soʻnggi yillarda sohada yaratilgan poydevor kimyo sanoati salohiyatini yaqin uch-besh yil davomida barqaror oʻsish dinamikasini taʼminlay oladi. Biroq, kimyo sanoatining barcha yoʻnalishlarini uzoq muddatli barqaror rivojlanishiga mustahkam zamin yaratish uchun sohani transformatsiya qilish jarayonlarini, eng ilgʻor xorijiy tajribalardan kelib chiqqan holda jadallashtirish zarurligini taqozo etmoqda.

Qurilish sohasida buyurtmachi xizmati faoliyatining samaradorligi tizimli ravishda tahlil qilib borilmayapti. Oʻz navbatida, ijtimoiy va infratuzilma obyektlarida narxlarni shakllantirish, qurilish ishlarini tashkil qilish, texnik va mualliflik nazoratini olib borish, qurilish ishlari sifatini taʼminlash va obyektlarni foydalanishga topshirishda quyidagi masalalar dolzarbligicha qolmoqda.

Toshkent kimyo-texnologiya instituti Respublikada faoliyat yuritayotgan qurilish materiallar ishlab chiqaruvchi korxonalar bilan yaqindan hamkorlikni amalga oshiradi: “Ijod-Ijod” XK (ilgari Art gloss galeri), “Bekobodsement” AJ, “Ohangaronsement” AJ, “Kvars” AJ, “Tashkent Kafel” XK, “Nodirkafellar” XK, “Asl oyna” AJ, “Surxon chinni” AJ, “Toshkent chinni” AJ korxonalari.

Ushbu korxonalar bilan innovatsion ilmiy - ishlab chiqarish guruhlari tuzilgan va korxonada mavjud boʻlgan texnologik muammolar yechishda ilmiy hamkorlik amalga oshirilmoqda.

Respublikamizda ishlab chiqarilayotgan mahsulotlarni sifatli, jahon standartlariga mos keladigan, raqobatbardosh va eksportbop mahsulotlar qilib tayyorlash ishlab chiqarish korxonalarining oldiga qo’ygan eng muhim vazifalaridan biridir. Bunda yetishib chiqayotgan kadrlar “sifati”, tajribasi muhim ahamiyatga ega. Kadrlar o’z sohasi bo’yicha bilimli, ilmga chanqoq va albatta chet tillarini bilishi, bu orqali chet el tajribasini o’zimizga tatbiq qilishi hozirgi kunda eng asosiy sabablardan biridir. Toshkent kimyo-texnologiya instituti sifatli, raqobatbardosh malakali kadrlar tayyorlash bo’yicha 130 ga yaqin xorijiy OTM lari, 20 ga yaqin xalqaro tashkilotlar bilan hamkorliklarni yo’lga qo’ygan. Ushbu tashkilotlar bilan birgalikda seminarlar, onlayn-oflayn uchrashuvlar, xalqaro kongress, forum va konferensiyalar o’tkazib kelmoqda.

 

Konferensiya haqida umumiy ma’lumot

 

Toshkent kimyo-texnologiya institute Xalqaro tashkilotlar bilan o‘tkazilayotgan navbatdagi hamkorlik, instituti tarixida ilk bor keng masshtabdagi va ko‘plab xorijiy mehmonlar tashrif buyurayotganligi bilan yodda qolmoqda. 26-29-may kunlari “Barqaror rivojlanishda fundamental fanlar Xalqaro yili” (YUNESKO) doirasida “Kimyo-barqaror rivojlanish uchun” xalqaro ilmiy-texnikaviy haftaligi boʻlib oʻtadi. Haftalik doirasida

— “Shisha, keramika va bogʻlovchi materiallar ishlab chiqarishning innovatsion texnologiyalari” xalqaro konferensiyasi;

— “Yosh kimyogarlar tanlovi” respublika kimyo olimpiadasi;

— “Yosh olimlar” xalqaro forumi;

— Kimyogar olimlar ishtirokida seminarlar, Master klasslar boʻlib oʻtadi.

 

Ilmiy haftalikka 50 ga yaqin xalqaro mehmonlar tashrif buyurishdi. 26-may kuni Ilmiy haftalik doirasida Toshkent kimyo-texnologiya instituti, “Uzkimyosanoat” AJ, “O‘zsanoatqurilishmateriallari” uyushmasi bilan hamkorlikda Birlashgan millatlar tashkiloti tomonidan e’lon qilingan “Xalqaro shisha yili” doirasida “Shisha, keramika va bogʻlovchi materiallar ishlab chiqarishning innovatsion texnologiyalari” xalqaro konferensiyasi start oldi.

2021-yil 18-may kuni Birlashgan Millatlar Tashkiloti Bosh Assambleyasi BMTning 75/279-sonli rezolyutsiyasini qabul qilib, 2022-yilni “Xalqaro shisha yili” deb eʼlon qilib, “jamiyatimizdagi oynaning rolini yoritish” va shisha kabi texnologiyalar qanday hissa qoʻshishini koʻrsatishi mumkin.

Shisha boʻyicha xalqaro komissiya (ICG), Shisha assotsiatsiyalari hamjamiyati (CGA) va ICOM-Glass 2022-yilni Birlashgan Millatlar Tashkilotining Xalqaro shisha yili sifatida uning ilmiy, iqtisodiy va madaniy rolini taʼkidlash va bir necha yubileylarni nishonlash uchun ilgari surdi.

Bugungi “Shisha, keramika va bogʻlovchi materiallar ishlab chiqarishning innovatsion texnologiyalari” xalqaro ilmiy-texnik konferensiyasi BMT tomonidan eʼlon qilingan va IYOG-2022 xalqaro tadbirlar roʻyxatiga kiritilgan IYOG-2022 xalqaro shisha yili doirasida tashkil etilmoqda.

Xalqaro konferensiyaga 500 ga yaqin ilmiy maqola va ishlanmalar kelib tushdi. Xalqaro eksportlar guruhi tomonidan 450 ga yaqin maqolalar tanlab olinib, chop etildi. Konferensiyaga AQSh, Italiya, Ispaniya, Polsha, Armaniston, Janubiy Koreya, Rossiya Federatsiyasi, Belarus, Qozogʻiston, Qirg’iziston kabi 30 dan xorijiy davlatdan ilmiy maqolalar kelib tushdi. Bugun o’tkazilayotgan konferensiyada Birlashgan millatlar tashkiloti vakillari, 50 ga yaqin xorijiy mehmonlar jumladan Rossiya, Belorussiya, Italiyadan tashrif buyurgan professorlar, ishlab chiqarish vakillari bevosita ishtirok etishdi. Bundan tashqari Toshkent kimyo-texnologiya institutida tashkil etilgan Kuzatuv kengashi a’zolari, hamkor tashkilot vakillari, ishlab chiqarish vakillari bevosita va onlayn tarzda ishtirok etishmoqda.

Konferensiya davomida Toshkent kimyo-texnologiya instituti kafedralari tomonidan eng so’nggi ilmiy ishlanmalar namoyishi-ko’rgazmasi, Toshkent chinni zavodi, Glass expo, Kvars kabi ishlab chiqarish korxonalari tomonidan ko’rgazmalar tashkil etildi.

Xalqaro ilmiy-texnik anjumandan koʻzlangan maqsad silikat materiallari – shisha, keramika va bogʻlovchi materiallar ishlab chiqarishning zamonaviy innovatsion texnologiyalarini muhokama qilish, jahon hamjamiyatini Oʻzbekiston shisha sanoati yutuqlari bilan yaqindan tanishtirishdan iborat.

Anjumandan koʻzlangan maqsad ilmiy faoliyatda erishilayotgan salmoqli natijalarni respublika va xorijda ommalashtirish, shisha, kulolchilik va bogʻlovchi moddalar sanoatini yanada rivojlantirishdan iborat. Xalqaro konferensiya jahon va Markaziy Osiyo mamlakatlarida silikat materiallari – shisha, keramika va bogʻlovchi materiallar ishlab chiqarishning istiqbolli yoʻnalishlari boʻyicha olib borilayotgan ilmiy-tadqiqot ishlari va amaliy ahamiyatli ishlarni hamda sanoatning rivojlanish tendensiyalarini muhokama qilish imkonini beradi.

Xalqaro konferensiya 27-may kuni ham o‘z faoliyatini davom ettiradi.

 

 

 

 

 

 

 

 

 

 

 

 

 

 

 

 

 

 

 

Birlashgan Millatlar Tashkiloti Bosh Assambleyasi

2022-yil – “Xalqaro shisha yili”

 

 

Odamlar ming yillar davomida shishadan foydalanganlar. Bugungi kunda shisha hayotimizning muhim qismidir: Biz shishadan avtomobillar va samolyotlar, uylar va haykallar qurish uchun foydalanamiz; biz internet kabellarimizdagi optik tolalar yordamida yorugʻlik tezligida muloqot qilish uchun foydalanamiz; Biz shishadan mikroskopik linzalar bilan koʻproq koʻrish va izolyatsiya bilan energiyani tejash uchun foydalanamiz.

Shisha ishlab chiqarish energiya isteʼmoli va emissiyasini hisobga olgan holda oʻnlab yillar va asrlar davomida erishilgan yutuqlarga va qum kabi resurslardan barqaror foydalanish zarurligiga yaxshi misoldir.

Har yili Birlashgan Millatlar Tashkiloti bir yil davomida diqqat markazida boʻladigan bir nechta mavzularni tanlaydi. 2022 yilda bu mavzu – Shisha. Shishadagi diqqat anʼanaviy mahsulot barqaror rivojlanishning bir qismi boʻlishi mumkinligini taʼkidlash uchun moʻljallangan.

Bu tashabbus 2018-yilda boshlangan. Qoʻllab-quvvatlash 5 qitʼadagi 78 ta davlatdagi 1500 ta universitet va tadqiqot markazlari, jamiyat va assotsiatsiyalar, muzeylar, rassomlar, oʻqituvchilar, ishlab chiqaruvchilar va kompaniyalardan kelgan. Pandemiya sabab boʻlgan uzilishlar boʻyicha muvaffaqiyatli muzokaralar olib borgach, bizning albitsiyalarimiz belgilab berilgan Rezolyutsiya loyihasi aprel oyida BMTning bir qancha davlatlari missiyalari bilan muzokaralar olib borildi va 11-may kuni ovozsiz jarayondan oʻtdi. Rasmiy rezolyutsiya Birlashgan Millatlar Tashkiloti Bosh Assambleyasida 2021-yil 18-mayda qabul qilingan.

2021-yil 18-may kuni Birlashgan Millatlar Tashkiloti Bosh Assambleyasi BMTning 75/279-sonli rezolyutsiyasini qabul qilib, 2022-yilni “Xalqaro shisha yili” deb eʼlon qilib, “jamiyatimizdagi oynaning rolini yoritish” va shisha kabi texnologiyalar qanday hissa qoʻshishini koʻrsatishi mumkin.

Shisha boʻyicha xalqaro komissiya (ICG), Shisha assotsiatsiyalari hamjamiyati (CGA) va ICOM-Glass 2022 yilni Birlashgan Millatlar Tashkilotining Xalqaro shisha yili sifatida uning ilmiy, iqtisodiy va madaniy rolini taʼkidlash va bir necha yubileylarni nishonlash uchun ilgari surdi. Shisha koʻplab muhim texnologiyalarni qoʻllab-quvvatlaydi, barqarorlikni va yashil dunyoni osonlashtiradi va hayotimizni boyitadi, lekin koʻpincha eʼtiborga olinmaydi.

Shisha boʻyicha xalqaro komissiya (ICG), Shisha assotsiatsiyalari hamjamiyati (CGA) va ICOM-Glass bilan birgalikda Birlashgan Millatlar Tashkilotining Xalqaro shisha yili (IYoG2022) boʻyicha qarashlarini belgilab berdi. Vizyon Birlashgan Millatlar Tashkilotining 2030 kun tartibidagi maqsadlaridan keyin ushbu oʻzgartiruvchi materialning oʻtmishi, hozirgi va kelajagini nishonlashdir.

2022-yil 10-11-fevral kunlari Jenevadagi Millatlar saroyida boshlangan Xalqaro shisha yili shishaning jamiyatdagi muhim rolini taʼkidlashga bagʻishlandi. Dunyoda 70 dan ortiq konferensiya va koʻrgazmalar oʻtkazish rejalashtirilgan, xususan, Shanxayda Xalqaro yuqori texnologiyali sanoat kongressi — 2022 yil aprel, 2022 yil 28-30 aprel kunlari Glass Art Immersion — Glass Art Workshops &Classes (AQSh), 2022 yil iyul oyida Berlinda ICG xalqaro kongressi (DGGning 100 yilligini nishonlash), yil davomida sanʼat galereyalari va muzeylarda xalqaro shisha koʻrgazmalari va 2022 yil dekabr oyida esa Yaponiyadagi Yakuniy Kongress boʻlib oʻtadi.

Barqaror rivojlanishda fundamental fanlar Xalqaro yili” (YUNESKO) doirasida “Kimyo-barqaror rivojlanish uchun” xalqaro ilmiy-texnikaviy haftaligi doirasida 26-may kuni boʻlib oʻtadigan “Shisha, keramika va bogʻlovchi materiallar ishlab chiqarishning innovatsion texnologiyalari” xalqaro ilmiy-texnik konferensiyasi BMT tomonidan eʼlon qilingan va IYOG-2022 xalqaro tadbirlar roʻyxatiga kiritilgan IYOG-2022 xalqaro shisha yili doirasida tashkil etilmoqda. Ilmiy-texnikaviy haftalikka 30 ga yaqin xalqaro mehmonlar tashrif buyurishi rejalashtirilmoqda.

Xalqaro ilmiy-texnik anjumandan koʻzlangan maqsad silikat materiallari – shisha, keramika va bogʻlovchi materiallar ishlab chiqarishning zamonaviy innovatsion texnologiyalarini muhokama qilish, jahon hamjamiyatini Oʻzbekiston shisha sanoati yutuqlari bilan yaqindan tanishtirishdan iborat.

Anjumandan koʻzlangan maqsad ilmiy faoliyatda erishilayotgan salmoqli natijalarni respublika va xorijda ommalashtirish, shisha, kulolchilik va bogʻlovchi moddalar sanoatini yanada rivojlantirishdan iborat. Xalqaro konferensiya jahon va Markaziy Osiyo mamlakatlarida silikat materiallari – shisha, keramika va bogʻlovchi materiallar ishlab chiqarishning istiqbolli yoʻnalishlari boʻyicha olib borilayotgan ilmiy-tadqiqot ishlari va amaliy ahamiyatli ishlarni hamda sanoatning rivojlanish tendensiyalarini muhokama qilish imkonini beradi.

Konferensiya doirasida AQSh, Italiya, Ispaniya, Polsha, Armaniston, Koreya, Rossiya Federatsiyasi, Belarus, Qozogʻiston, Ukraina, Oʻzbekiston kabi davlatlardan yetakchi mutaxassis va olimlar tomonidan mahorat darslari tashkil etiladi.

 

 

 

 

 

 

 

 

 

 

 

 

 

 

 

 

 

 

“Yosh kimyogarlar tanlovi-2022” – Respublika kimyo olimpiadasi.

 

O’tkaziladigan sana – 2022-yil 27-may

Vaqti: 9:00

Manzil: D.I.Mendeleyev nomidagi Rossiya kimyo-texnologiya universitetining Toshkent shahridagi filiali

 

26-29-may kunlari “Barqaror rivojlanishda fundamental fanlar Xalqaro yili” (YUNESKO) doirasida “Kimyo-barqaror rivojlanish uchun” xalqaro ilmiy-texnikaviy haftaligi boʻlib oʻtadi. Haftalik doirasida “Yosh kimyogarlar tanlovi” respublika kimyo olimpiadasi boʻlib oʻtmoqda.

“Yosh kimyogarlar tanlovi” Respublika kimyo olimpiadasi “Uzkimyosanoat” AJ, Toshkent kimyo-texnologiya instituti, D.I.Mendeleyev nomidagi Rossiya kimyo-texnologiya universitetining Toshkent shahridagi filiali tomonidan tashkillashtirilmoqda.

Olimpiadada respublikamizdagi umumta’lim maktablarida ta’lim oluvchi jami 100 nafar 9,10,11 sinf o’quvchilari ishtirok etishmoqda.

Ular har bir viloyatlardan 2 bosqichda saralanib, respublika bosqichida ishtirok etishmoqda.

“Yosh kimyogarlar tanlovi”– iqtidorli yoshlarni aniqlash va yuqori malakali kadrlar tayyorlashning uzluksiz tizimini tashkil etish, taʼlim-tarbiya tizimini yanada takomillashtirish, Kimyo va biologiya yoʻnalishlarida uzluksiz taʼlim sifatini va ilm–fan natijadorligini oshirish maqsadida oʻtkazilmoqda.

“Yosh kimyogarlar tanlovi” yagona ilmiy-uslubiy yondashuv asosida adolatlilik, ochiqlik va shaffoflik tamoyillari asosida oʻtkazildi.

“Yosh kimyogarlar tanlovi” 2 turda amalga oshiriladi:

birinchi tur — test topshiriqlari (40 ta test, 80 minut, 50-ball),

ikkinchi tur nazariy masalalar (5 ta masala, Noorganik kimyo, analitik kimyo va organik kimyo qismlaridan, 180 minut vaqt beriladi, 150 ball)

“Yosh kimyogarlar tanlovi” nazorat materiallari oʻquvchilarning bilim, koʻnikmalarini standart va nostandart masalalarda, amaliy topshiriqlarda qoʻllay olish malakalarini va kompetensiyalarini baholashga qaratiladi.

Hakamlar hayʼati tarkibiga Toshkent kimyo texnologiya instituti, Oʻzbekiston Respublikasi Fanlar akademiyasi Umumiy va noorganik kimyo instituti va Oʻzbekiston Milliy universitetining yuqori malakali mutaxassislari jalb qilindi.

 

“Yosh kimyogarlar tanlovi” gʻoliblari quyidagicha

I oʻrin zamonaviy Noutbuk

II oʻrin planshet

III oʻrin smartfon rag’batlantiriladi.

 

Bundan tashqari Yosh kimyogarlartanlovda qoʻyidagicha nominatsiyalar boʻyicha

– 1 nafar Nazariy masalani eng yaxshi va qisqa usullarda yechimini taqdim etgan oʻquvchi;

– 1 nafar Eng yaxshi test natijasi taqdim etgan oʻquvchilar taqdirlanadi.

“Yosh olimlar” xalqaro forumi

 

O’tkaziladigan sana – 2022-yil 28-29 may

Vaqti: 9:00

Manzil: Bo’stonliq tumani, “Shafran” sanatoriy majmuasida

 

26-29-may kunlari “Barqaror rivojlanishda fundamental fanlar Xalqaro yili” (YUNESKO) doirasida “Kimyo-barqaror rivojlanish uchun” xalqaro ilmiy-texnikaviy haftaligi boʻlib oʻtadi. Haftalik doirasida institut tarixida ilk marotaba, tog’ yon bag’irida 28-29 may kunlari “Yosh olimlar” xalqaro forumi o’tkazilmoqda. Forum doirasida Kimyogar olimlar ishtirokida seminarlar, Master klasslar , ilmiy konferensiya bo’lib o’tadi .

Ilmiy-amaliy konferensiyada talabalar, mahalliy yosh olimlar, assistentlar, doktorantlar ishtirok etishmoqda. 20 ga yaqin xorijiy yosh olimlar ham o’z ma’ruzalari bilan ushbu xalqaro forumda ishtirok etishmoqda.

Bu kabi ilmiy amaliy konferensiyalarning o’tkazilishi kimyo, neftni qayta ishlash, biokimyo, oziq-ovqat va qurilish materiallari sanoati, chinni-fayans, mebel, yogʻochga ishlov berish, yogʻ-moy, un, konserva, goʻsht-sut sanoati, birja, standartlashtirish va boshqa sohalar uchun tayyorlanadigan malakali, bilimli  mutaxassislar ni yetishtirishga zamin yaratadi.

Forumning ilmiy faoliyatning asosiy yoʻnalishlari: energiya va resurslarni tejovchi texnologiyalar, qurilish, pardozlash va bezak materiallari, kompozit va konstruktiv materiallar, termoplastik polimerlar asosidagi yogʻoch-plastmassa texnologiyasi, DSP texnologiyasi, MDF texnologiyasi, tibbiyot uchun materiallar ishlab chiqarish texnologiyasi. va sogʻliqni saqlash, elektronika uchun materiallar, neft kimyosi va neftni qayta ishlash, mineral oʻgʻitlar, biotexnologiya, vinochilik, alkogol texnologiyasi, oziq-ovqat mahsulotlarini saqlash texnologiyasi, goʻsht texnologiyasi — sut va oʻsimlik moylari, noyob va dispers metallar, kimyoviy texnologiyada kibernetika usullari, polimerlar kimyosi va texnologiyasi , plastmassa, axborot tizimlari va texnologiyalari, integratsiyalashgan ekologik tadqiqotlar, boʻyoqlar va laklar, iqtisodiyot, tashkil etish va biznesni boshqarishdan iborat.


2019-2030 yillarda kimyo sanoatini rivojlantirish dasturi