Respublikasi oliy va o‘rta maxsus ta’lim vazirligi

O`zbekiston Respublikasi bilan diplomatik aloqa o`rnatgan mamlakatlar ro`yxati

(Eslatma: * - belgisi Toshkent shahrida elchixonasi bor davlatlar)

 

1. Afg`oniston Islom davlati – 1992-yil 13-oktyabr * 

2. Albaniya Respublikasi – 1993-yil 23-noyabr 

3. Amerika Qo`shma Shtatlari – 1992-yil 19- fevral *

4. Andorra knyazligi – 1992-yil 19-fevral 

5. Angola Respublikasi – 2002-yil 31-may 

6. Argentina Respublikasi - 2002-yil 9-sentyabr 

7. Armaniston Respublikasi - 1995-yil 27-oktyabr 

8. Avstraliya – 1995-yil 27-oktyabr 

9. Avstriya Respublikasi – 1992-yil 25-mart 

10. Bahrayn davlati – 1992-yil 29-may

11. Bangladesh Xalq Respublikasi – 1992-yil 15-oktyabr *

12. Belgiya Qirolligi – 1992-yil 10-mart

13. Belarus Respublikasi – 1993-yil 21-yanvar *

14. Benin Respublikasi – 2005-yil 17-avgust

15. Birlashgan Arab Amirliklari – 1992-yil 25-oktyabr *

16. Bolgariya Respublikasi – 1992-yil sentyabr

17. Bosniya va Gersegovina – 1996-yil 14-may

18. Braziliya Federativ Respublikasi – 1993-yil 30-aprel

19. Bruney-Dar-us-Salam – 1996-yil 20-iyun

20. Buyuk Britaniya va Shimoliy Irlandiya Qo`shma Qirolligi – 1992-yil 18-fevral *

21. Buyuk Sotsialistik Xalq Liviya Arab Jamaxariyasi – 2010-yil 27-oktyabr

22. Daniya Qirolligi – 1992-yil 25-yanvar

23. Davlat shahar – Vatikan – 1992-yil 17-oktyabr *

24. Dominikan Respublikasi – 2007-yil 28-sentyabr

25. Efiopiya Federativ Demokratik Demokratik Respublikasi – 1996-yil 15-iyul

26. Ekvador Respublikasi – 2011-yil 19-iyul

27. Eron Islom Respublikasi – 1992-yil 10-may *

28. Estoniya Respublikasi – 1994-yil 25-oktyabr

29. Falastin Davlati – 1994-yil 25-sentyabr *

30. Fidji Respublikasi – 2010-yil 16-iyun

31. Filippin Respublikasi – 1992-yil 13-aprel

32. Finlandiya Respublikasi – 1992-yil 26-fevral

33. Fransiya Respublikasi – 1992-yil 26-fevral *

34. Gana Respublikasi – 1993-yil 28-oktyabr

35. Germaniya Federativ Respublikasi – 1992-yil 6-mart *

36. Gonduras Respublikasi – 2007-yil 26-aprel

37. Gretsiya Respublikasi – 1992-yil 16-mart

38. Gruziya Respublikasi – 1994-yil 19-avgust *

39. Gvatemala Respublikasi – 2007-yil 9-fevral

40. Gveneya Respublikasi – 1993-yil 24-iyun

41. Hindiston Respublikasi – 1992-yil 18-mart *

42. Indoneziya Respublikasi – 1992-yil 23-iyun *

43. Iordaniya Xoshimin Qirolligi – 1993-yil 15-fevral *

44. Irlandiya Respublikasi – 1997-yil 7-noyabr

45. Iroq Respublikasi – 1997-yil 7-noyabr

46. Islandiya Respublikasi – 1997-yil 25-sentyabr

47. Ispaniya Qirolligi – 1992-yil 17-mart

48. Isroil Davlati – 1992-il 21-fevral *

49. Italiya Respublikasi – 1992-yil 24-mart *

50. Janubiy Afrika Respublikasi – 1992-yil 12-avgust

51. Jazoir Xalq Demokratik Respublikasi – 1992-yil 30-iyun *

52. Kambodja Qirolligi – 1995-yil 7-sentyabr

53. Kanada – 1992-yil 7-sentyabr

54. Kipr Respublikasi – 1997-yil 30-may

55. Kolumbiya Respublikasi – 2012-yil 2-oktyabr

56. Komor orollari – 2005-yil 21-may

57. Koreya Respublikasi – 1992-yil 29-yanvar *

58. Koreya Xalq Demokratik Respublikasi – 1992-yil 7-fevral *

59. Kosta-Rika Respublikasi – 2001-yil 7-iyun

60. Kuba Respublikasi – 2006-yil 13-mart

61. Quvayt davlati – 1994-yil 8-avgust *

62. Laos Xalq Demokratik Respublikasi – 1992-yil 10-sentyabr

63. Latviya Respublikasi – 1992-yil 3-noyabr *

64. Litva Respublikasi – 1998-yil 22-oktyabr

65. Livan Respublikasi – 1998-yil 22-oktyabr

66. Lyuksemburg Buyuk Gersogligi – 1992-yil 10-iyun

67. Makedoniya Respublikasi – 1994-yil 31-dekabr

68. Malayziya – 1992-yil 21-fevral *

69. Maldiv Respublikasi – 1994-yil 7-dekabr

70. Mali Respublikasi – 1997-yil 13-fevral

71. Malta Respublikasi – 1993-yil 25-fevral

72. Marokash Qirolligi – 1993-yil 11-oktyabr

73. Mavrikiy Respublikasi – 1999-yil 4-avgust

74. Mavritaniya Islom Respublikasi – 2008-yil 2-iyul

75. Meksika Qoshma Shtatlari – 1992-yil 16-mart

76. Misr Arab Respublikasi – 1992-yil 23-yanvar *

77. Moldova Respublikasi – 1994-yil 23-avgust

78. Mongoliya – 1992-yil 25-yanvar

79. Myanma Ittifoqi – 2001-yil 8-fevral

80. Namibiya Respublikasi – 1999-yil 30-avgust

81. Niderlandiya Qirolligi – 1992-yil 24-noyabr

82. Nigeriya Federativ Respublikasi – 1992-yil 28-avgust

83. Nikaragua Respublikasi – 2007-yil 23-fevral

84. NOrvegiya Qirolligi – 1992-yil 10-iyun

85. Ozarbayjon Respublikasi – 1995-yil 2-oktyabr *

86. Paragvay Respublikasi – 2001-yil 27-avgust

87. Peru Respublikasi – 1999-yil 22-dekabr

88. Pokiston Islom Respublikasi – 1992-yil 10-may *

89. Polsha Respublikasi – 1992-yil 19-mart *

90. Portugaliya Respublikasi – 1992-yil 12-avgust

91. Qatar davlati – 1997-yil 27-noyabr

92. Qirg`iziston Respublikasi – 1993-yil 26-fevral *

93. Qozog`iston Respublikasi – 1992-yil 23-noyabr *

94. Rossiya Federatsiyasi – 1992-yil 20-mart *

95. Ruminiya – 1995-yil 6-oktyabr *

96. Saudiya Arabistoni Qirolligi – 1992-yil 20-fevral *

97. Senegal Respublikasi – 1995-yil 6-iyun

98. Serbiya Respublikasi – 1995-yil 18-yanvar

99. Singapur Respublikasi – 1997-yil 8-aprel

100. Slovakiya Respublikasi – 1993-yil 1-yanvar *

101. Sloveniya Respublikasi – 1995-yil 16-yanvar

102. Sudan – 2005-yil 6-yanvar

103. Suriya Arab Respublikasi – 1992-yil 24-mart

104. Tailand Qirolligi – 1992-yil 6-may

105. Tojikiston Respublikasi – 1992-yil 20-oktyabr *

106. Tunis Respublikasi – 1992-yil 26-noyabr

107. Turkiya Respublikasi – 1992-yil 4-mart *

108. Turkmaniston – 1993-yil 8-yanvar *

109. Ukraina – 1992-yil 25-avgust *

110. Ummon Sultonligi – 1992-yil 22-aprel *

111. Urugvay Respublikasi – 1998-yil 25-may

112. Venesuela Respublikasi – 1996-yil 26-aprel

113. Vengriya Respublikasi – 1992-yil 3-mart

114. Vetnam Sotsialistik Respublikasi – 1992-yil 17-yanvar *

115. Xitoy Xalq Respublikasi – 1992-yil 2-yanvar *

116. Xorvatiya Respublikasi – 1995-yil 6-fevral

117. Zambiya Respublikasi – 1994-yil 1-fevral

118. Zimbabve Respublikasi – 2008-yil 18-yanvar

119. Yaman Respublikasi – 1992-yil 25-may

120. Yamayka – 1996-yil 8-avgust

121. Yangi Zelandiya – 1992-yil 11-mart

122. Yaponiya – 1992-yil 26-yanvar *

123. Yevropa Hamkorlik komissiyasi – 1994-yil 16-noyabr

124. Chad Respublikasi – 1994-yil 16-sentyabr

125. Chernogoriya – 2006-yil 19-dekabr

126. Chexiya Respublikasi – 1993-yil 1-yanvar *

127. Chili Respublikasi – 1994-yil 15-sentyabr

128. Shvetsiya Qirolligi – 1992-yil 8-aprel *

129. Shveysariya Konfederatsiyasi – 1992-yil 7-may

130. Shri-Lanka Demokratik Sotsialistik Respublikasi – 1999-yil 11-oktyabr

Oʻzbekiston va Buyuk Britaniya oʻrtasida sheriklik va hamkorlik toʻgʻrisida bitim imzolandi

Hujjatga Oʻzbekiston Respublikasi tashqi ishlar vaziri Abdulaziz Komilov va Buyuk Britaniyaning mamlakatimizdagi elchisi Tim Torlot imzo qoʻydi. 

Bugungi kunda Oʻzbekiston va Buyuk Britaniya oʻrtasidagi munosabatlarni belgilaydigan asosiy hujjat mamlakatimiz va Yevropa Ittifoqi oʻrtasida 1996-yil 21-iyun kuni imzolangan Sheriklik va hamkorlik toʻgʻrisidagi bitim hisoblanadi. Biroq Buyuk Britaniya Yevropa Ittifoqi tarkibidan chiqqandan soʻng (“Brexit”) mazkur hujjat Oʻzbekiston va Buyuk Britaniya munosabatlariga taalluqli boʻlmaydi. Shu munosabat bilan London sheriklik va hamkorlikka oid davlatlararo bitim imzolash tashabbusi bilan chiqdi.
Buyuk Britaniya elchisi “Dunyo” axborot agentligi muxbiriga bergan intervyuda mazkur bitimni imzolash Buyuk Britaniya YEI tarkibidan chiqqandan soʻng oʻzaro munosabatlarda huquqiy aniqlikni saqlab qolish va ikki mamlakat biznes jamiyatlari oʻrtasidagi uzluksiz hamkorlikni rivojlantirish uchun qulay sharoit yaratish uchun zarurligini qayd etdi. Hujjat loyihasida Oʻzbekiston va YEI oʻrtasida amalda boʻlgan Sheriklik va hamkorlik toʻgʻrisidagi bitimning barcha qoidalari saqlab qolingan va ular Oʻzbekiston-Britaniya hamkorligiga moslashtirilgan.

“Bitim tomonlarning ijtimoiy-siyosiy, savdo-iqtisodiy, investitsiyaviy, moliyaviy, intellektual mulk himoyasi, taʼlim, ilm-fan va texnologiyalar, qishloq xoʻjaligi, energetika, transport, sogʻliqni saqlash, atrof-muhitni muhofaza qilish, barqaror rivojlanish, turizm va madaniyat sohalaridagi hamkorligini qamrab olgan”, - deb taʼkidladi Buyuk Britaniya diplomatik missiyasi rahbari.

Bitimga binoan tomonlar hamkorlikning barcha jabhalari, shuningdek, oʻzaro manfaatli xalqaro va mintaqaviy masalalar yuzasidan muntazam siyosiy muloqotda boʻladi.

Tomonlar bir-biriga import tovarlariga qoʻllaniladigan bojxona yigʻimlari, soliqlar va barcha koʻrinishdagi boshqa toʻlovlarga nisbatan eng qulay tartib taqdim etadi.

Tomonlar sarmoyalarni himoya qilish, kapitalning erkin harakati va investitsiya imkoniyatlari haqidagi axborot almashish uchun sharoitlarni yaxshilash vositasida xususiy investitsiyalar uchun qulay muhit yaratish yoʻlida hamkorlik qiladi.


O‘zbekiston Respublikasi Prezidenti Shavkat Mirziyoyev 16-dekabr kuni Buyuk Britaniya va Shimoliy Irlandiya Birlashgan Qirolligi tashqi ishlar vazirining o‘rinbosari Alan Dunkanni qabul qildi. 

Davlatimiz rahbari mehmonni qutlar ekan, O‘zbekiston Respublikasining Birinchi Prezidenti Islom Karimov vafot etgan qayg‘uli kunlarda O‘zbekiston xalqiga chuqur hamdartlik bildirgani va qo‘llab-quvvatlagani uchun Britaniya hukumatiga samimiy minnatdorlik izhor etdi. Alan Dunkan Samarqandga tashrifi chog‘ida Buyuk Britaniya rahbariyati nomidan Birinchi Prezidentimiz qabrini ziyorat qilib, uning xotirasiga hurmat bajo keltirgani O‘zbekistonda yuksak qadrlanadi. 

O‘zbekiston Buyuk Britaniyani jahon siyosati va iqtisodiyotida muhim o‘rin tutadigan davlat, deb biladi va siyosiy, iqtisodiy, investitsiyaviy, madaniy-gumanitar va boshqa sohalarda ushbu mamlakat bilan o‘zaro manfaatli hamkorlikni izchil davom ettirish, xalqaro maydonda, jumladan, mintaqaviy xavfsizlik masalalari bo‘yicha hamkorlikni mustahkamlashga alohida ahamiyat qaratadi. 

Alan Dunkan, o‘z navbatida, Shavkat Mirziyoyevni Prezident saylovida ishonchli g‘alaba qozongani bilan muborakbod etdi. Buyuk Britaniya davlatimiz rahbari boshlagan islohotlar dasturini qo‘llab-quvvatlashi va O‘zbekistonning yangi rahbariyati bilan O‘zbekiston – Britaniya o‘rtasidagi serqirra hamkorlikni mustahkamlash va yanada kengaytirishga tayyor ekanini ta’kidladi. 

Uchrashuvda O‘zbekiston – Buyuk Britaniya hamkorligining barcha yo‘nalishlari yuzasidan atroflicha fikr almashildi. 

Suhbat chog‘ida bugungi kunda ulkan imkoniyatlar mavjud bo‘lgan savdo-iqtisodiy va investitsiya sohalaridagi hamkorlikni faollashtirish yanada muhim ahamiyat kasb etishi ta’kidlandi. 

Ayni paytda O‘zbekiston iqtisodiyotining turli tarmoqlarida Buyuk Britaniya kapitali ishtirokida tuzilgan 544 korxona faoliyat yuritmoqda. 

Joriy yil 17-noyabr kuni Britaniyaning 30 dan ortiq kompaniyasi vakillari ishtirokidagi O‘zbekiston – Buyuk Britaniya savdo va sanoat kengashining 23-majlisi samarali o‘tdi. Uning yakunlari mamlakatimizda barcha jabhalarda hayotga tatbiq etilayotgan keng ko‘lamli islohotlar, xususan, so‘nggi yillarda biznes muhitni yaxshilash va xususiy tadbirkorlik rolini kengaytirishga qaratilgan qarorlar samarasida ushbu mamlakat yetakchi kompaniyalarining jadal rivojlanib borayotgan O‘zbekiston bozoriga qiziqishi ortayotganidan dalolat beradi. 

Tomonlar madaniy-gumanitar hamkorlikning bugungi holatini, jumladan, Xalqaro Vestminster universiteti, Kembrij universiteti ishtirokidagi Yuqori texnologiyalar markazi hamda Britaniya kengashi vakolatxonasining mamlakatimizdagi faoliyatini yuqori baholadilar. O‘zbekistonda, ayniqsa, yoshlar o‘rtasida ingliz tilini o‘rganishga qiziqish ortib borayotgani inobatga olinib, ushbu yo‘nalishdagi hamkorlikni yanada kengaytirishga kelishib olindi. 

Suhbatda O‘zbekiston – Buyuk Britaniya hamkorligiga doir boshqa masalalar ham muhokama etildi. 

Buyuk Britaniya: "Mirziyoyev xalq bilan munosabatlarni oʻzgartirdi"

Elchi Allan Mirziyoyevning islohatlar rejasini ,, Iddaoli ‘’ deb atagan

Buyuk Britaniyaning Oʻzbekistondagi elchisi Kristofer Allan Oʻzbekiston hukumati oʻzining "oddiy xalq bilan munosabatlarida jiddiy oʻzgarishlar qilgani"ni aytgan.

U Shavkat Mirziyoyev hukumatining islohotlar rejasini "iddaoli" deb atagan.

17 fevral kuni Toshkentda jurnalistlarga gapirgan Britaniyaning yuqori martabali diplomatiga koʻra, oʻzbek hukumatining virtual qabulxona va boshqa muloqot mexanizmlarini ishga tushirishi "koʻplab ijobiy natijalar"ga sabab boʻlmoqda.

Buyuk Britaniya va Oʻzbekiston oʻrtasida diplomatik aloqalar oʻrnatilganining 25 yilligi muosabati bilan oʻtgan anjumanda elchi Allan Britaniya Oʻzbekistonga islohotlarni amalga oshirishda "qoʻlidan kelganicha yordam berish"ga tayyorligini izhor qilgan.

Unga koʻra, bu yordam britan tajribasini oʻrtoqlashish yoki Oʻzbekistonning oʻzida muhim institutlarni yaratish loyihasini moliyalash shaklida ham boʻlishi mumkin.

Britan elchisining bildirishicha, joriy yilning oʻzida London Oʻzbekistondagi iqtisodiy va huquqiy islohotlarni dastaklash rejasiga yarim million dollardan koʻp mablagʻ ajratgan.

"Bunga qoʻshimcha, - degan elchi, - Jahon Banki, Osiyo Taraqqiyot Banki va Yevropa Ittifoqining asosiy donorlaridan biri boʻlgan Buyuk Britaniya har yili Oʻzbekistonning rivojlanishi uchun koʻplab million dollarlik grantlar va imtiyozli kreditlar ajratib kelmoqda".

U oʻzbek hukumatining biznes muhitini yaxshilash va korruptsiyaga qarshi kurash harakatlarini "muhim va ijobiy" qadamlar, deb baholagan.

Britaniya Oʻzbekistonning yangi rahbariyati eʼlon qilgan islohotlar kun tartibini dastaklagan ilk gʻarb davlati boʻlgan.

Prezident Shavkat Mirziyoyev qasamyodga keltirilganidan bir kun oʻtib, Toshkentga tashrif buyurgan Buyuk Britaniya Tashqi ishlar vazirining oʻrinbosari Alan Dunkan Mirziyoyevning islohotlar dasturi mamlakatdagi sarmoya muhitini sezilarli darajada oʻzgartiradi, deb ishonishlarini aytgan.

U qoʻshnilar bilan aloqalarni yaxshilash hamda valyuta siyosatini oʻzgartirish sari qoʻyilgan qadamlarni "juda ham ijobiy" deya baholagan.

Buyuk Britaniya diplomatlari bilan uchrashuv

 13.03.2019

O’zbekiston Republikasi Prezidenti huzuridagi Strategik va mintaqalararo tadqiqotlar institutida Britaniyaning Moskvadagi va Toshkentdagi elchihona vakillari K. Strazers va Ch. Lever bilan uchrashuv bo'lib o'tdi. Suhbat mobaynida mamlakatimizda olib borilayotgan siyosiy va ijtimoiy-iqtisodiy islohotlar, Markaziy Osiyo mamlakatlari o'rtasida mintaqaviy hamkorlikni mustahkamlash va Afg'onistonda barqarorlikni ta`minlash masalalari bo'yicha ijobiy o`zgarishlar, shuningdek O'zbekiston-Buyuk Britaniya munosabatlarining hozirgi holati va istiqbollari muhokama qilindi.

Buyuk Britaniya diplomatlari fikriga ko'ra, qo'shni mamlakatlar bilan aloqalarni mustahkamlash O'zbekiston tashqi siyosatida ustuvor o`rin egallaganligi, Toshkentning xorijiy mamlakatlar bilan ko'p tomonlama hamkorlikni kengaytirishi uchun qulay shart-sharoitlar yaratmoqda.

Mehmonlar Afg'oniston muammosini hal etishdagi O'zbekistonning ijobiy roli, shuningdek savdo-iqtisodiy, transport, madaniy-gumanitar sohalarda qo'shma loyihalarni amalga oshirish orqali Toshkentning Afg'onistonni tiklashdagi hissasini yuksak baholashdi. Ushbu jarayonlar katta qiziqishga sabab bo`layotganligi va xalqaro hamjamiyat tomonidan to'liq qo'llab-quvvatlanayotganligi alohida ta'kidlandi.

Uchrashuv davomida SMTI va Buyuk Britaniyaning ilmiy-tadqiqot markazlari bilan hamkorlikni yanada rivojlantirish istiqbollari, shuningdek, Buyuk Britaniyaning yetakchi analitik markazlarida qator qo`shma tadbirlar, davra suhbatlari va seminarlar o'tkazish rejalari muhokama qilindi.