Ўрта махсус касб-ҳунар таълими тизими кадрлар малакасини ошириш ва уларни қайта тайёрлаш институти ҳузуридаги илмий даражалар берувчи dsc

Dissertatsiya ishining ilmiy-tadqiqot ishlari rejalari bilan bog‘liqligi. Dissertatsiya tadqiqot ishi Jizzax politexnika instituti ilmiy-tadqiqot ishlari rejasining “AIF 1/4 – Kasb-hunarga yo‘naltirilgan markaz va elektronika bo‘yicha qo‘shma o‘quv laboratoriya yaratish” (2019-2021-yy.) mavzusidagi xalqaro amaliy tadqiqot loyihasi doirasida bajarilgan.
Tadqiqot maqsadi pedagogika kolleji o‘quvchilarining kommunikativ kompetensiyasini innovatsion yondashuv asosida rivojlantirishdan iborat.
Tadqiqot vazifalari:
pedagogika kolleji o‘quvchilarining kommunikativ kompetensiyasini rivojlantirish imkoniyatlarini va pedagogik shart-sharoitlarini aniqlashtirish;
pedagogika kolleji o‘quvchilari kommunikativ kompetensiyasini innovatsion yondashuv asosida rivojlantirishning tarkibiy-tuzilmaviy modelini ishlab chiqish;
innovatsion yondashuv asosida pedagogika kolleji o‘quvchilarining kommunikativ kompetensiyasini rivojlantirish metodikasini takomillashtirish;
pedagogika kolleji o‘quvchilarining kommunikativ kompetensiyasini innovatsion yondashuv asosida rivojlanganlik darajalarini baholash mezonlarini aniqlash hamda amalda joriy etish.
Tadqiqot obyekti pedagogika kolleji o‘quvchilarining kommunikativ kompetensiyasini innovatsion yondashuv asosida rivojlantirish jarayoni.
Tadqiqot predmeti pedagogika kolleji o‘quvchilarining kommunikativ kompetensiyasini rivojlantirishning mazmuni, shakllari va vositalari.
Tadqiqotning usullari. Tadqiqot ishida mavzuga oid pedagogik, psixologik, metodik adabiyotlar, ilmiy manbalar, o‘quv-meʼyoriy hujjatlar, o‘quv reja va dasturlarni qiyosiy o‘rganish va tahlil qilish, kuzatuv, suhbat, test, o‘z-o‘zini baholash so‘rovi, pedagogik tajriba-sinov, tadqiqot natijalarini matematik-statistik qayta ishlash metodlaridan foydalanilgan.
Tadqiqotning ilmiy yangiligi quyidagilardan iborat:
pedagogika kolleji o‘quvchilarining kommunikativ kompetensiyasini rivojlantirish mantiqiy funktsional tuzilmasi takomillashtirilgan hamda pedagogik shart-sharoitlari aniqlashtirilgan;
pedagogika kolleji o‘quvchilarining kommunikativ kompetensiyasini rivojlantirish modeli innovatsion, tizimli va kompetensiyaviy yondashuv asosida maqsadli, mazmunli, jarayonli, baholash va natijaviy komponentlarining o‘zaro uzviyligini taʼminlash hamda “Dispute”, “Pedagogical coaching” kabi interfaol metodlarini qo‘llash orqali takomillashtirilgan;
pedagogika kolleji o‘quvchilarining kommunikativ kompetensiyasini rivojlantirish metodikasi kommunikativ nutqiy faoliyatning amaliy jarayonlarda namoyon bo‘luvchi reproduktiv, rekonstruktiv va ijodiy darajalarini hamda innovatsion trening va mashqlarni qo‘llash orqali takomillashtirilgan;
o‘quvchilarning o‘z-o‘zini mustaqil rivojlantirishga imkon beradigan elektron o‘quv kursi ishlab chiqilgan hamda kognitiv, faoliyatli va kreativ yondashuvlar asosida ishlab chiqilgan baholash mezonlari orqali o‘quvchilarning kommunikativ kompetensiyasi rivojlanganlik darajalari aniqlashtirilgan.