Руйхатга олинди

 
5-савол баѐни* 
1893-1894 йилдаги деҳқонлар қўзғолони. Арзон чет эл маҳсулотлари 
импортининг кенгайиши деҳқонлар ҳунарига зарар етказди ва ҳунармандларни 
хонавайрон бўлишини кучайтирди. Чет эллик инструкторларга маош бериш, 
Японияга контрибуция тўлаш ва олинган қарзларнинг катта фоизи корейс 

---

ғазнасини дефицитини орттириб борди, бу эса аҳолидан олинадиган солиғларни 
кўпайишига олиб келди. 
1893 йилда мамлакатнинг жанубида деҳқонлар ва шаҳар 
камбағалларининг заминдорларга ва қирол амалдорларига , қарши 
тартибсиз қўзғолонлари бошланди. Қўзғолончилар тезлик билан бутун 
жанубий ва қисман марказий провинцияларга тарқалди. Қўзғолонни 
бостириш учун юборилган кўшинлар қўзғолончиларни шафқатсиз 
жазоладилар, аммо 1894 йилнинг бошларида қўзғолонлар янада кучайди. 
Қўзғолон бошида кичик амалдор Чон Бон Чжун турди. Кобу уъездида 
қўзғолончилар деҳқонлар армиясини ташкиллаштириб ҳукумат армиясига 
қараб йўл олдилар. Қўзғолончилар чет элликларни, заминдорлар ва қирол 
амалдорларини - солиқ йиғувчиларни қувиб чиқаришга заминдорлар ерини 
деҳқонларга бўлиб беришга даъват қилдилар. 
Деҳқонлар қўзғолони бутун мамлакатга тарқалди. 1894 йилнинг май 
ойига келиб Чолладо провинциясидаги 23 уъезд, Чхунчхондо, Кѐнгидо, 
Канвондо ва Хванхедо провинцияларидаги 8 га яқин уъездлар 
қўзғолончилар назорати остига ўтди. Деҳқонлар армиясининг олға 
силжиши йўлида, қўзғолончилар тарқалган ҳудудларда меҳнаткаш аҳоли 
қўзғолончиларга хамдардлигини билдирар эди. Қўзғолончилар эгаллаб 
олган ҳудудларда маҳаллии бошқариш ислоҳотларини ўтказаѐтган 
деҳқонлар қўмиталари ташкил топди. Корейс ҳукумати ўз кучи билан 
қўзғолонларни бостиришга кўзи етмагандан кейин яна ўз сюзерени - 
Хитойга ѐрдам сўраб мурожат қилди. 1894 йилнинг июнида Асанга 1,5 
минг хитойлик аскарлар юборилди. Шу вақтнинг ўзида Япония ҳам «ички 
тартибсизликларни» бартараф қилишда кўмаклашиш бахонаси билан ўз 
қўшинларини Кореяга юборди. Июль ойида япон қўшинлари Сеулга қириб 
боришди, қирол саройини эгаллашди, японлар Кореяда марионет 
хукуматини тузиб, ҳукумат бошига собиқ регент, қирол отасини қўйдилар. 
Шу ойнинг охирида японлар уруш эълон қилмай корейс сувларида бўлган 

---

Хитой транспортига хужум қилдилар. Шундай қилиб расмий равишда 1 
августда эълон қилинган, япон - хитой уруши бошланди. Уруш асосан корейс 
ерларида бўлди. Япон армияси кенг оммавий халқнинг жиддий 
қаршилигига дуч келди. Жанубий провинциялар халқни бирлашиб Сеулга 
юриш қилишга даъват этаѐтган, қўзғолончилар қўл остида эди. 
Мурожаатномаларнинг бирида «Ҳамма ва ҳар ерда қурол остида турсин ва бизга 
қўшилсин!» - деб айтилган эди. Фақат қўшимча кучлар келиши билан ва корейс 
ҳукуматининг ҳарбий қисмлари билан қўшилганидан кейин япон қўшинлари 
Кончжу районида деҳқонлар армиясини тухтатишди. Шундан кейин 
қўзғолон қатнашчилари шафқатсиз жазоланди. Қўзғолон раҳбарлари Чон Бон 
Чжун, Ким. Док Мѐн, Чон Гѐк Сонлар қатл этилди.