Ruwxiyliq tiykarlarin woqitiw metodikasi kk

Oqitiw metodlari bilimlerdi beriw usillari sipatinda qaraladi ha`m talabalardin` ilimiy 
biliw iskerligine basshiliq qiliwg`a qaratilg`an boladi ha`mde oqiw protsessinde pedagogtin` 
talabalarg`a ta`sir ko`rsetiwin qa`liplestiredi.
U`yreniw metodlari bilim, ko`nlikpe, epliliklerdi do`retiwshilik iyelewge ha`mde 
metodikaliq ha`m ideyaliq-siyasiy isenimlerin islep shig`iwg`a qaratilg`an talabalardin` ilimiy 
biliw iskerligi usili sipatinda belgilenedi. 
Oqitiw metodi «oqitiwdin` maqseti, mazmuni, formasi, usillari» sistemasinda 
a`hmiyetli orin iyeleydi.
Metod degende ta`limde maqsetke erisisw, ma`selelerdi sheshiw jollari, usillari tu`siniledi. 
Oqitiw metodi quraminda usillar o`z aldina ajiralip turadi. Usil metodtin` elementi bolip, onin 
quram bo`legi, metodti a`melge asiriwda bir ma`rtebe g`ana qollaniladi ha`m jeke qadem 
esaplanadi.
Oqitiw metodi – quramali, ko`p qirli, ko`p sipatlarg`a iye bolg`an ta`lim bolip tabiladi.
Oqitiw metodinda oqitiwdin` ob`ektiv nizamliqlari, maqsetleri, mazmuni, printsipleri, 
formalari o`z sa`wleleniwin tabadi. Metodlar basqa didaktikaliq kategoriyalarg`a dialektikaliq 
baylanisli ha`m biri basqalarin talap etedi, yag`niy oqitiwdin` makseti,mazmuni,formasi 
na`tiyjesi sipatinda metodlar didaktikaliq kategoriyalarg`a ta`sir ko`rsetedi.
Oqitiw metodlarinin` ko`p o`lshemliligi olardin` ko`plegen klassifikatsiyasin keltirip 
shig`aradi. 
Oqitiw metodlari klassifikatsiyasi – ma`lim bir belgiler tiykarinda ta`rtipke saling`an 
sistema bolip tabiladi.
En` tiykarlang`an oqitiw metodlari klassifikatsiyasina to`mendegiler kiredi:
1. Da`stu`riy metod. Ha`zirgi da`wirde olardin` besewi inabatqa alinadi: a`meliy, 
ko`rgizbeli, an`latilg`an, kitap penen islesiw ha`mvideo metodlar. 
2. Maqsetke ko`re metodlar klassifikatsiyasi (M.A.Danilov, V.R.esinov) 
* bilimlerdi iyelew;
* ko`nlikpe ha`m epliliklerdi qa`liplestiriw;
* bilimlerdi qollaniw;
* do`retiwshi iskerlik;
* bekkemlew metodlari;
* bilim, ko`nlikpe ha`m epliliklerdi tekseriw metodlari.