S. N. Maxsudov, G. R. Shukurova

Trimekain — bu ham kuchli anestetik vositalar guruhiga kiradi. 
Bolalarda 2—5 % li eritmasidan foydalaniladi.
Piromekain — 5 % li surgi sifatida yoki bo‘lmasa 5 % li surgini 
5% li metilurasil surgisi bilan aralashtirilgan holda ishlatish mumkin. 
Bu chaplash (applikatsiya) y o ‘li bilan ishlatiladigan yangi 
og‘riqsizlantiruvchi vositadir. Bunday vosita og‘iz b o ‘shlig‘i shilliq 
pardasining hastaliklarida keng qo‘llanadi. Piromekain surtilgan shilliq 
parda 1—2 daqiqadan so‘ng og‘riqsizlanadi va bu holat 30—40 daqiqa 
davomida saqlanib turadi. Buning uchun og‘riqsizlantiruvchi vositani 
shilliq pardaga 2—5 daqiqa ichida chaplash kerak bo‘ladi.
Anestezin — 5—10 % li surgi sifatida ishlatiladi va kerakli natijaga 
erishish uchun bunga 2—3 daqiqa vaqt kerak bo'ladi.
Ksilokain va lidokain kabi og‘riqsizlantiruvchi vositalardan 
terminal anesteziya uchun 2—5 % li «eritma sifatida (chaplash uchun) 
yoki 10 % li eritmalari aerozol sifatida foydalaniladi.
Igna va shprits yordamida 
amalga oshiriladigan (in’eksion) anesteziya
Bolalarda tish to ‘qimalari va periodont hastaliklarini davolash 
amaliyotida og'riqsizlantirishda ko‘pgina hollarda («Pulpa va periodont 
hastaliklarini davolash» boblariga qaralsin) mahalliy in’eksiya usulidan 
foydalaniladi.
Mahalliy og‘riqsizlantirishda in ’eksion usulning infiltratsion 
(tish atrofidagi yumshoq to ‘qimani og'riqsizlantiruvchi modda bilan 
to ‘yintirish) va o'tkazuvchi (provodnikovaya — asab tolasi atrofiga 
og‘riqsizlantiruvchi m odda yuborish) turlari keng q o ‘llanadi. 
Og‘riqsizlantirishning bu usuli yordamida ijobiy natijalar olish uchun 
anchagina kuchli ta ’sirga ega b o ‘lgan anestetik vositalardan 
foydalaniladi.

---

Trimekain (mezokain) — kuchli og‘riqsizlantiruvchi vosita 
hisoblanib, uning novokainga nisbatan 2 marotaba tezroq ta’sir etishi, 
og‘riqsizlantiruvchi kuchi esa 2—2,5 marotaba ortiqligi aniqlangan. 
Og‘riqsizlantirish vaqti novokainga nisbatan 3 marotaba ko‘pdir. 
Bulardan tashqari trimekain moddasining bolaning ruhiy holatini 
barqarorlashtirish (sedativ) ta’siri ham e’tiborga loyiqdir. Trimekain
0,25 %, 0,5 %, 1 %, 2 % li eritmalar shaklida ampulalarda chiqariladi. 
Bu og‘riqsizlantiruvchi vositaning kuchli ta’sirini hisobga olgan holda,
12 yoshgacha bo‘lgan bolalarni davolashda 1 % va undan past 
konsentratsiyali eritmasidan foydalanish zarur.
Ksilokain, lidokain eritmalari o ‘zining kimyoviy tarkibiga ko‘ra 
trimekain preparatiga yaqin turadi. Bular ham kuchli ta ’sir etuvchi 
og‘riqsizlantiruvchi vosita sanalib, kam dan-kam hollarda allergik 
holatni vujudga keltirishi mumkin. Bolalar amaliyotida ksilokain va 
lidokain moddasining infiltratsiya uchun 0,25—0,5 % li, o‘tkazuvchi 
in’eksiya uchun 1—2 % li eritmalaridan foydalaniladi.