Самарқанд давлат университети

Ижтимоий жиҳатдан:

• Ер юзида, очлик ва қашшоқликни таг-томири билан тугатиш;
• болалар ва қариялар, бемор ва майиб-мажруҳларга ғамхўрлик;
• мактабгача ва мактаб таълими, болалар ва ўсмирларни тарбиялаш:
• ўрта профессионал ва олий ўқув юртлари кенг тармоғини ривожлантириш.

Халқаро жиҳатдан:

• тинчлик учун кураш, янги жаҳон уруши ва регионал келишмовчиликларнинг олдини олиш, барча қарама-қаршиликларни тинч, сиёсий йўллар билан ҳал қилиш;
• барча мамлакатлар ва халқларнинг икки томонлама ва кўп томонлама ҳамкорлиги асосида саноат, қишлоқ хўжалиги, маданият ва фанда шерикчиликни таъминлаш;
• ривожланаётган мамлакатларга, иқтисодий тараққиётнинг барча жиҳатларида ҳар томонлама ёрдам кўрсатиш;
• БМТнинг тинчликни сақлаш ва табиатни муҳофаза қилиш фаолиятига фаол ёрдам бериш.

Ахборий жиҳатдан:

• фан ва техника ривожланишининг юқори даражаси ва уни амалиётга татбиқ, қилиш;
• табиий ва ижтимоий фанлар тарқоқлигини бартараф қилиш ва ягона ижтимоий-табиий илмий назарияни ишлаб чиқиш;
• халқ маъорифи ва оммавий ахборот воситаларини кенг ёйиш, уларнииг ҳаққонийлиги;
• бутун халқ хўжалиги ва маданиятнинг ялпи кибернетизация ва информатизацияси;
• идеологик ишда, хусусан, барқарор ривожланиш стратегияси муваффақиятларини тарғиб қилишда, уни тўғри баҳоламаслик далолатларини танқид қилишда электрон воситаларни ялпи қўллаш,
• информацион ресурсларнинг модда энергетик ресурслари олдида устуворлигига эришиш;

Барқарор ривожланиш учун стратегия, дастур ва режалар.
Экологик барқарорлик – инсон фаолияти ва табиат “инжиқлик”лари (зилзила, тошқин, сунами ва ҳ.к.)нинг атроф муҳитга салбий таъсир этмайдиган даражаси, яъни маълум бир ҳудуд, кенглик ва минтақада экологик хавфсиз муҳит ҳолатининг бир меъёрда ушлаб турилиши. Экологик барқарор бўлган жойларда экологик тизимдаги модда ва энергия алмашинувининг табиий ҳолатда кечуви сақланиб турилади, экотизимларда тирик организмларнинг “иммун” (қарши туриш) қобилияти йўқолмайди ҳамда уларнинг кўпайиш ва тикланиш жараёни табиий ҳолда кечади.
1997 йил 29 августда қабул қилинган Ўзбекистон Республи­касининг “Миллий хавфсизлик Консепсияси тўғрисида”ги қонунида мамлакатимизнинг экологик консепсияси берилган бўлиб, унда қуйидагиларга эътибор берилган1: - шахснинг ҳаётий зарур эҳтиёжи бўлган кишиларни соғлигини муҳофаза қилиш ва инсонларнинг турмуши учун оптимал ҳолатдаги экологик шароитларни яратиб бериш; - жамиятнинг ҳаётий зарур эҳтиёжи бўлган оилани ҳар томонлама қўллаб-қувватлаш, мўтадил экологик вазиятни ташкил этиш, аҳолининг соғлигини таъминлаш, жисмоний бақувват авлодни шакллантириш; - давлатнинг ҳаётий зарур эҳтиёжлари бўлган барқарор ривожланиш, минтақавий иқтисодий ҳолатни муътадиллаштириш, соғлом ҳаёт тарзини шакллантириш.