Самарқанд иқтисодиёт ва сервис институти

Мавзу бўйича таянч иборалар
Етук ва баркамол, касбий маҳорат, интеллектуал салоҳият, мафкуравий таҳдидлар, иммунитетни шакллантириш, ақл–заковат, интизомий жавобгарлик, ректори, проректорлари, факулътет деканлари, аҳиллик, меҳнатсеварлик, инсонпарварлик, ғамҳўрлик ва адолат, компьютерлар, интернет тармоғидан.


Мавзуни ўзлаштириш учун саволлар

1. 
   Давр ёшларини руҳан тетик, маънавий баркамол бўлишида таълим муассасалари қандай ўзига хос аҳамият касб этади?
   
2. 
   Ёшларнинг оилада олган тарбиясининг таъсири нимада курилади?
   
3. 
   Профессор–ўқитувчиларнинг асосий мақсади қандай тадбирлар кўламини кенгайтиришдан иборат бўлмоғи зарур?
   
4. 
   «Олий таълим муассасасининг Одоб–ахлоқ қоидалари»да қўйилган талаблар нималарга биноан амалга оширилади?
   
5. 
   Тавсиялар олий қачон қабул қилинади ва олий таълим муассасаларида қўлланилади?
   
6. 
   Суҳбатдошга қандай мавзу бўйича суҳбатлашиш мумкин эмас?
   
7. 
   Олий таълим муассасаси жамоа аъзолари ўртасида кийиниш маданиятида нималарга риоя этиш талаб қилинади?
   
8. 
   Олий таълим муассасининг қандай холатини интернет тармоғига жойлаштириш ёки ундан турли мақсадлар йўлида фойдаланиш тақиқланади?
   
9. 
   Коррупция ва жиноятчиликкка қандай қилиб жамоавий курашилади?
   
10. 
    Талабаларга одоб–ахлоққа оид қандай мажбуриятлар юкланган?
    

IV боб. БАНК ЭТИКАСИ ВА ЭТИКЕТИ
4.1. Касбий этика ва этикет маданиятининг таърифи, мохияти ва вазифалари
Касбий этика – ҳар бир касб–ҳунарга хос ахлоқий норма, принцип ва сифатларни ўрганади ва ҳаётга татбиқ этади.
Ахлоқий арбия назарияси – ахлоқнинг жамият талаби, эҳтиёжи ва манфаатларидан келиб чиққан ҳолд уни ҳаётга татбиқ этишнинг восита ва услубларини ўрганади ва ўргатади.
Жамиятда мутлоқ, абадий ва ўзгармас ахлоқ йўқ. Ахлоқ тарихан ўзгарувчан ва нисбий мустақилликка эга бўлган ижтимоий ҳодисадир.
Йиллар ўтиши билан ишлаб–чиқариш, фан ва техника ривожланиб, ижтимоий меҳнат тақсимоти янада чуқурлашмоқда. Бу жараённинг узлуксиз давом этиши эса ўз навбатида, ҳар бири муайян ижтимоий функцияни бажарадиган янгидан янги фаолият соҳалари пайдо бўлишига сабаб бўлади. Уларнинг соҳиблари эса шунга кўра муайян ижтимоий бурчларни бажара бошлаганлар. Мазкур бурч ва мажбуриятлар муайян ахлоқий қоидалар ва хулқ–атвор нормаларида ўз аксини топади. Шундай қилиб, касб ахлоқининг пайдо бўлиши узлуксиз меҳнат тақсимотининг маҳсули, унинг ахлоқий дастури, ахлоқий баҳоси сифатида фаолият кўрсата бошлади (2–чизма).