Sen yashar koʻchadan mastona yurdim,
Toliga suyanib,entikdim,turdim.
Sen kirgan makonni koʻnglimga solib,
Eng yorugʻ, eng toza bir dunyo qurdim.
Sen yashar koʻchada bir yi - kun boʻldim,
Soʻngra asrlardan uzun tun boʻldim.
Sogʻinchning holidan bir bor xabar ol,
Tun ichra oʻksinib, bagʻri xun boʻldim.
Sen yashar koʻchaning bir eshigi berk,
Eshikni ocholmas na gado, na bek.
Kimga ochiladi - oʻzi biladi,
Qulfni ochib qoʻy, eshikka ber erk
Sen yashar bu koʻcha eng sevimli bayt,
Yodaki oʻqiyman, yuragimda qayt.
Men bilan yur desam, sensiz yurmaydi,
Bu sensiz koʻchada nima qilay ayt?
Sen yashar koʻchaga boʻlmaydi toʻyib,
Uni olib ketdim yelkamga qoʻyib.
Oh ursam, esimga tushgan chogʻlaring,
Yigʻlay devoriga boshimni qoʻyib.
Do'stlaringiz bilan baham: |
