Sh. Rashidov nomidagi samarqand davlat universiteti

Talaba mustaqil ishining tashkiliy shakllari

Talaba mustaqil ishini tashkil etishda muayyan fan (kurs)ning xususiyatlarini, shuningdek, har bir talabaning akademik o‘zlashtirish darajasi va qobiliyatini hisobga olgan holda quyidagi shakllardan foydalaniladi:
-ayrim nazariy mavzularni o‘quv adabiyotlari yordamida mustaqil o‘zlashtirish;
-berilgan mavzu bo‘yicha axborot (referat) tayyorlash;
-seminar va amaliy mashg‘ulotlarga tayyorgarlik ko‘rish;
-laboratoriya ishlariga tayyorgarlik ko‘rish;
-hisob-grafik ishlarini bajarish;
-kurs ishi loyihasini bajarish;
-malakaviy bitiruv ishi va magistrlik dissertatsiyasini tayyorlash;
-nazariy bilimlarni amaliyotda qo‘llash;
-amaliyotdagi mavjud muammolarning yechimini topish;
-kafedra semenarlarida ma’ruza qilish;
-ilmiy maqola, anjumanga ma’ruza tezislarini tayyorlash;
-berilgan mavzuning elektron variantlarni tayyorlash;
- uy vazifalarini bajarish va boshqalar.

Mustaqil ishni bajarilishi bo‘yicha fan o‘qituvchisining vazifalari:

Talaba tomonidan mustaqil ta’limni belgilangan reja asosida bajarilishi ustidan samarali nazorat olib borish;

Talabalarni darsliklar, o‘quv qo‘llanmalar, ilmiy risolalar, ilmiy maqolalar va boshqa adabiyotlar bilan tanishtirish va ta’minlash;
Asosiy adabiyotlar, ma’lumotlar va arxiv materiallarini hamda mavzu bo‘yicha boshqa manbalarni tavsiya etish;
Talabalarning mustaqil ishini qabul qilish kuni, vaqti, joyi haqida talabalarga ma’lumotlar berish;
Mustaqil ta’limning bajarilish jarayoni natijalari to‘g‘risida kafedra yig‘ilishlarida muntazam axborot berib borish.

Talabalar mustaqil ishini baholash

Talabalar mustaqil ish natijalari 2022-2023 o‘quv yilida1- 2-3- kurs talaba va 1,2 kurs magistrantlari uchun Oliy va o‘rta maxsus ta’lim vazirligining 2018 yil 9 avgustdagi 19-2018-sonli buyrug‘i bilan tasdiqlangan "Oliy ta’lim muassasalarida talabalar bilimini nazorat qilish va baholash tizimi to‘g‘risidagi nizom"ga asosan ishlab chiqilgan Samarqand davlat universiteti Kengashining 2021 yil 29 sentabrdagi 2-son yig‘ilish qarori bilan tasdiqlangan “Samarqand davlat universitetida talabalar bilimini nazorat qilish tartibi va baholash mezonlari”ga asosan baholab boriladi va kredit-modul tizimi nizomlari va tartiblari bo‘yicha bajariladi.