Sh. Yuldasheva, D. Kabulova, M. Sobirova

S A L O M A T L I K — T U M A N B O Y L I K
1. Unutmang: hatto retsepsiz sotiladigan dori-darmonlarni iste‘mol
qilishda ham shifokor maslahati zarur. Televizor yoki tanish-bilishlarning
maslahatlari bilan davolanmang.
2. Sizga terapevt bir dorini, okulist – ikkinchisini, stomatolog –
uchinchisini, kardiolog esa yana boshqasini yozib bergan bo‘lsa, qayta
terapevt huzuriga boring. U dori-darmonlarni o‘zaro tahlil qilib, qay birini,
qanday yo‘sinda ichishni tavsiya etadi. Bu, albatta, ko‘pgina ko‘n-
gilsizliklarning oldini oladi.
3. Iloji boricha bir turdagi dorini qabul qilishga harakat qiling.

---

71
70
Topshiriq. Matn bilan tanishing. Uning mazmunidan kelib chiqing, muno-
sabatlaringizni bildiring.
O‘zbekiston Respublikasining 2013-yil 30-apreldagi “O‘zbekiston
Respublikasining ayrim qonun hujjatlariga o‘zgartirish va qo‘shimchalar
kiritish to‘g‘risida”gi Qonuniga muvofiq, O‘zbekiston Respublikasining
jinoyat kodeksi yangi 125
1
— modda bilan to‘ldirildi.
Unga ko‘ra nikoh yoshiga yetmagan shaxs bilan haqiqatda nikoh
munosabatlariga kirishish, ota-ona yoki ularning o‘rnini bosuvchi shaxslar
tomonidan nikoh yoshiga yetmagan shaxsni erga berish yoxud uylantirish,
shuningdek, nikoh yoshiga yetmagan shaxs bilan nikoh tuzishga doir diniy
marosimni amalga oshirish shunday qilmishlar uchun ma’muriy jazo
qo‘llanilganidan keyin sodir etilsa, belgilangan tartibda jinoiy javobgarlikni
keltirib chiqaradi. Ya’ni turli holatlarda eng kam ish haqining yigirma
barobaridan yuz barobarigacha jarima yoki bir yildan uch yilgacha axloq
tuzatish yoxud uch oydan olti oygacha qamoq bilan jazolanadi.
“Oila davrasida” gazetasidan
O‘zbekiston Respublikasining “Bolalar huquqlarining kafolatlari
to‘g‘risida”gi Qonunining 3-moddasida 18 yoshga to‘lgunga qadar bo‘lgan
shaxs bola hisoblanishi belgilangan.
“Oila davrasida” gazetasidan
Topshiriq. Matnlar bilan tanishing. Talabalar televidenie, radio va
matbuot haqida shaxsiy mulohazalarini o‘zbek tilida mahorat bilan bayon
qilganlar. Siz matnlarda yo‘l qo‘yilgan imlo va uslubiy xatolarni to‘g‘rilashga
harakat qiling hamda o‘z matningizni yarating.